شاڵاو له‌ ڕێگه‌ی شیعره‌كانیه‌وه‌ به‌ كه‌سێكی هه‌ست ناسك ناوی ده‌به‌م، ئه‌و
له‌ ڕیزی پێشه‌وه‌ی شاعیره‌ به‌ ڕه‌واجه‌كانه‌، ئه‌وانه‌ی شیعره‌كانیان خوێنه‌ری زۆری
هه‌یه‌و ئینسان په‌نای بۆ ده‌بات بۆ هێور بوونه‌وه‌ یان ئاشت بوونه‌وه‌ یان سكاڵاكردن و
داواكاری. لێره‌وه‌ هیوای ته‌مه‌ن درێژی و بۆ ده‌خوازم له‌ شیعره‌كانی داهاتووی،
ته‌مه‌ننای ئه‌وه‌شی بۆ ده‌كه‌م كه‌ شیعره‌‌كانی ببنه‌ هاوڵاتیه‌كی گه‌ردوونی و گوێ
به‌سنور نه‌ده‌ن و وه‌ك هه‌میشه‌ په‌یامێك بگه‌یه‌نن كه‌ جیاوازه‌ له‌گه‌ڵ ئه‌وانه‌ی كه‌
هه‌ن.