بابهت: گهشتێکی سهیر !
[size=24]حسن بينجويني
گهشتێكی سهیر!!
ژیانمان لهم كورته نواندنهدا:
پیاوێك خۆی و خێزانی و منداڵهكانی لهگهشتێكدا بوون، لهرێدا شتێكیان بینی دهستی لێ راگرتن، و ئهوانیش ترومبێلهكهیان وهستاند و گوتیان: فهرموو، كارێكت ههبوو؟
گوتی: دهمهوێ لهتهكتانا بم .. جێم دهكهنهوه لهتهكتانا سواربم؟
ئهوانیش گوتیان: بێ زهحمهت خۆتمان پێ بناسێنه، تۆ چیت؟
ئهویش گوتی: من ماڵم، سامانم..!!
پیاوهكه رووی كرده ژن و منداڵهكانی و گوتی: ئێوه راتان چییه؟ ئایا رێی بدهین لهتهكمانا سواربێت؟!
ئهوانیش بهیهك دهنگ گوتیان: بهڵێ.. ئهمرِۆ ههموو ئیش وكارێك بهماڵ دهكرێت، ئهگهر ئهومان بوو دهتوانین ههر شتێكمان ویست بمان بێت، ماڵ لهتهكیانا سوار بوو، ترومبێل كهوتهرێ و گهشتهكهیان درێژه پێدا..
له خاڵێكی سهر رێدا شتێكی تریان بینی كه دهستی لێ راگرتن، ئهوانیش وهستان و باوكهكه گوتی: فهرموو، كارێكت ههبوو؟
ئهویش گوتی: من پلهو پایهم، دهمهوێ لهتهكتانابم، ئایا رێم دهدهن هاورِێتان بم؟
باوكهكه لهخێزان ومناڵهكانی پرسی راتان چییه؟ رێی بدهین سهركهوێت و له گهڵماندا بێت؟ ههموو بهیهك دهنگ گوتیان: بهڵێ. چونكه بهدهسهلاَت و پلهو پایه ههرچیمان بوێت دهتوانین بیكهین و بهدهستی بێنین..
دهسهلاَت و پلهو پایهش لهتهكیانا سواربوو، رۆیشتن، و ئهوانیش لهگهشتهكهیانا بهردهوام بوون، لهرێدا زۆرشتیان لهئارهزووهكان و رابواردن و خۆشییهكانی دنیا بینی، لهگهڵ خۆیانا ههڵیان گرتن و كردنیاننه هاورِێ و هاونشین، ههر لهو گهشتهیاندا شتێكی تریان بینی كهدهستی لێ راگرتن، و ئهوانیش وهستان و باوكهكه لێی پرسی: تۆ چیت و چیت دهوێ؟
ئهویش گوتی: من ئاینم، دین و مهزهبم.. دهمهوێ لهتهكتانابم، رێم دهدهن؟
ههموو بهجارێ و بهیهك دهنگ گوتیان: ببووره هێشتا كاتی ئهوهمان نههاتووه، با كهمێك رابوێرین و لهزهت له خۆشی و ئارهزووهكانی دنیامان بچێژین، چونكه تۆی ئاین رێی حهرام وحهلاَڵمان نیشان دهدهیت، ئهوه نوێژه، و ئهوه بالاَپۆشییه، و ئهوه رۆژووه، و ئهوه...ئهوه...تاد.. ئهوهش زهحمهته، ئێمهش لهسهرهتای ژیانداین و تاقهتی شتی وامان نییه!! لهبهر ئهوه داوای لێ بووردن دهكهین، ئێستا نامانهوێ لهتهكمانا سوار بیت، بهلاَم دهكرێ پاش ئهوهی لهم ژیانهدا تێربووین و پیری بهپیرمانهوه هات ئهوكاته سهرت لێ بدهین، و ببینه هاورِێت. ئیتر جێیان هێشت و رۆیشتن، تا لهگهشتهكهیانا بهردهوام بن..
# # #
لهناكاودا خاڵێكی پشكنین هاته بهردهمیان و لێی نووسرابوو: بووهسته..!! ئهوانیش وهستان و یهكێك هێمای بۆ باوكهكه كرد بێ زهحمهت دابهزه، و كلیلی ترومبیلهكهش بده دهست خێزانت..ئێمه لهدادگای بالاَوه فهرمانی بهندكردنی ههمیشهیی تۆمان پێ دراوه..
ئهویش هاواری دهكرد: من ناتوانم بهتهنیا بژیم، با ههندێك لهو ماڵ وسامانهم، لهو دهسهلاَت و پلهو پایهیهم لهتهك خۆما بێنم، چونكه زهحمهتی زۆرم لهگهلاَ كێشاون..
فهرمانبهرهكه گوتی: بههیچ شێوهیهك ناتوانی ماڵ وسامان و پلهو پایه لهتهك خۆتا بێنی.
گوتی: ده توخوا رێم بده، بائهو خێزانه خۆشهویستهم، و ئهو منداڵه جگهر گۆشانهم لهتهكما بن، چونكه بهتهنیا من توانای هیچم نییه..
فهرمانبهرهكه گوتی: كاكه ! سهری خۆت مهیهشێنه.. فهرمانی تهنیا خۆتمان پێ دراوه، ناتوانین رێی هیچ كهس و شتێكی تر بدهین لهتهكتا بێت.. تهنیا ئێمه رێی یهك شت دهدهین لهتهكتا بێت، ئهویش دین وئایندارییه، ئهگهر ههته فهرموو با بێت لهتهكتا!!
ئهویش گوتی: ئای قورِم بهسهر!! بهخوا لهفلاَن خاڵی ئهم گهشتهدا هاته سهر رێمان بهلاَم ههڵمان نهگرت، و رێمان پێ نهدا.. پیاوی چاكبه رێم پێ بده با بگهرِێمهوه لهتهك خۆما ههڵی بگرم و بێمهوه..!! " حَتَّى إِذَا جَاءَ أَحَدَهُمُ المَوُتُ قَالَ رَبِّ ارجِعُونِ. لَعَلّى أَعمَلُ صَالِحاً فِيما تَرَكْتُ, كَلاَّ إِنَّهَا كَلِمَةٌ هُوَ قَائِلُهَا، وَمِن وَرَائِهِم بَرْزَخٌ إِلَى يَوْمِ يُبْعَثُونَ. " المؤمنون/102.
گوتی: بهداخهوه تازه رێی گهرِانهوهت نییه، دهبوا خۆت بت زانیبایه كه لهم گهشتهدا مهفرهزهی ناكاوی مردن دێته رێت، و منی فریشتهی گیان كێشانیش دهێمه لات و تا ئهوساته ههرچیت كردبێت ههر ئهوهت بۆ حسێبه، و خێزان و ماڵ منداڵ و سهروهت و سامان و پلهو پایه هیچی بهبێ دین سوودی نییه.. ئیتر مۆڵهتی یهك چركهی دواكهوتنت پێ نادرێ..!! لهتهك خۆما دهتبهم و گهشتێكی درێژ خایهن و ههمیشهیی دهست پێ دهكهیت." لَقَدْ كُنْتَ فِي غَفْلَةٍ مِنْ هَذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ " َقاف/22.
# # #
بهڵێ، خوێنهری خۆشهویست منیش لهم نواندنهدا ئهو فهرموودهیهم بییركهوتهوه كه پێغهممهر دروودی خوای لێ بێ دهفهرموێت: كاتێ مرۆڤ دهمرێت سێ شت دهكهونه شوێنێ: كهس وكاری، ماڵ وسامانی، كارو كردهوهكانی، دوانیان دهگهرِێتهوه، و یهكێكییان لهتهكیا دهمێنێتهوه. كهس وكار، و ماڵ وسامانی دهگهرِێنهوه، و كردهوهكهی لهتهكیا دهمێنێتهوه.
عن أنس بن مالك قال: قال رسول الله صلى الله عليه وسلم: " يتبع الميت ثلاثة، فيرجع اثنان ويبقى معه واحد: يتبعه أهله وماله وعمله، فيرجع أهله وماله ويبقى عمله ". أخرجه البخاري في 84 - كتاب الرقاق./42 - باب: سكرات الموت. ومسلم في: 55 - كتاب الزهد والرقائق، و أحمد في مسنده: 3/ 172، و البيهقِيِّ في شعب الإيمان: 3/113. والألباني في صحيح الترغيب والترهيب: 3/102.
بهئێمێلێك بنهماكانی ئهم بابهتهم بۆ هاتبوو، كه نووسهرهكهی ناوی خۆی لهسهر دانهنابو، و نێرهریش نهینووسیبوو هی كێه، هیوادارین له فایلی كردهوه چاكهكانیا خوا بۆی تۆمار بكات. منیش بهكهمێ دهستكارییهوه وهرم گێرِا، خوا بیكاته توێشووی ئهو كاروانه دوورو درێژهمان.
[/size]
خەو.. خۆراک.. خەیاڵ.. بیرکردنەوە و هۆش
پێم بڵی کەی دەبمەوە خاوەنیان !![/center]
