مامۆستا گیان؟
قوتابیه‌ک لای ئێوه‌یه‌
جه‌رگ و هه‌ناومی بڕیوه‌
له‌یاسای عه‌شق لایداوه‌
هاتوه‌ دڵمی دزیوه‌
مامۆستا گیان
له‌وه‌یه‌ به‌قسه‌ی تۆ بکا
پێی بڵێ با بمداته‌وه‌
گه‌ر قه‌دری دڵم نازانی
بادڵم قوڵپ نه‌خواته‌وه‌
مامۆستا گیان
به‌ڕێزت وه‌کوو دادوه‌رێ
خۆشه‌ویستی که‌ی ئاوایه‌
کچانی شار زۆر فێڵبازن
عه‌شق لایان بێ مانایه‌

وه‌ڵامی مامۆستا

ڕۆڵه‌ به‌جوانی گوێ بگره‌
عه‌شق له‌لای که‌س نه‌ماوه‌
هه‌ریه‌که‌و به‌پێی یاسایه‌ک
ده‌ستوری عه‌شقی داناوه‌
کێ دڵی به‌كێ ئه‌سوتێ
هه‌ر یه‌که‌و بۆ خۆی سوتاوه‌
بۆیه‌ بڕۆ واز بهێنه‌
هه‌زاران هه‌یه‌ وه‌کو تۆ
خۆشه‌ویستیان له‌گۆڕ ناوه‌

ئه‌وسا زانیم که‌مامۆستا
بۆ خۆشه‌ویستی پیربوه‌
به‌فر باریوه‌ له‌سه‌ری و
ژیانی لاوی له‌ده‌س چوه‌