به‌ بۆنه‌ی هه‌فته‌ی ماچ له‌ كوردستان
((شیله‌ی ماچ))
ساڵه‌ح هه‌لاج
له‌ خامۆشی ژوره‌كه‌ما
كاتێ‌ كه‌ شه‌و
خاو بووه‌وه‌و باوێشكی دا
حه‌زم ده‌بێته‌ كۆتری سپی
له‌په‌نجه‌ره‌ی سنگما فڕی
هه‌رچی وشه‌ی حه‌زه‌ ماچی شیعرم هه‌یه‌
لێی فڕاندم
سیمایه‌كی وه‌نه‌وشه‌ی بۆ بزواندم
من ئیستاكه‌ش هه‌موو ده‌مێ‌ به‌ نیازم
ماچێ‌ گه‌رمی پڕله‌ ئۆخه‌ی لێ‌ بخوازم
پرچت بكه‌
به‌هێلانه‌ی شیعره‌كانم
هه‌موو ڕۆژێ‌
شیله‌ی گوڵی كوڵمه‌كانت هه‌ڵبــمژم
سه‌دان پۆله‌ وشه‌ی ماچم داده‌ ڕێژم
خۆزگه‌ ئه‌گه‌م به‌و نیازه‌
كوره‌ی دڵمی دائه‌مركان ماچێ‌ تازه‌.