منداڵیى
بمبەخشە گەلێك زوو بەجێمهێشتى
دڵڕەقانە دەزووى كۆلارەكەتم پچڕاندو
بوكە شوشەكەتم گریاند
ئاى منداڵیى
گەمە چاوشاركێكانى نەهامەتى
تۆى لێشاردەمەوە
زۆر گەڕام
پشت دیوارى ئەندێشەو
نێو ئەلبومى یادگارییەكان
نەمدیتیەوە
خێرا وون بوویتو
لەپشت دیوارى گەورەیى خۆت لىَ شاردمەوە
منداڵیى چەند بیرت دەكەم
تۆ خەونێك بوویت بەرائەتت لىَ دەتكا
بۆنى ژینت لىَ دەهات و
رۆحت تیشكى بوونى دەدا

زۆر ڕاسته‌ ده‌ست خۆش........

زۆر سوپاس بۆ ئێوه‌ی به‌ڕێز ، ده‌ستی سه‌وسه‌ن خانیش خۆشبێت بۆ ئه‌و شعره‌ جوان و پڕ واتایه‌...