[center][size=16]له‌وه‌ته‌ی هه‌م

له‌وه‌ته‌ی هه‌م ، دڵم پڕ سوێ و گیان له جه‌سته‌م هه‌راسانه

سیمام وه‌ک گه‌ڵای‌ وه‌ریوی  پایزێکی پر زریانه

له‌وه‌ته‌ی هه‌م ، له باخچه‌مدا نه‌هاتۆته‌به‌ر ، خونچه‌یه‌ک

مانگی بێنوری دییه‌شم نه‌یگرت له‌خۆی ،  تریفه‌یه‌ک

له‌وه‌ته‌ی هه‌م ،  مه‌لی عه‌شقێ له‌ سه‌ر چڵم نه‌یخوێندووه

ئه‌م ئافاته‌ی ته‌مه‌نی من هیچ ئاوازێ نه‌یژه‌ندووه

له‌وه‌ته‌ی هه‌م ،  شیعر ده‌ڵێم بۆ هیوایه‌ک نه‌هاته دی

بۆ چڵی ‌پوشێکی ئاوات ،  به چنگمه‌وه لافاو بردی

چ قه‌ده‌رێکه مۆری خۆی ،  له ته‌ویڵم ناکاته‌وه

که‌ی په‌ڵه‌ی  بارانی حه‌زێ ،  ڕه‌شی به‌ختم ده‌شواته‌وه.

به‌کرحه‌بیب[/size][/center]