پیاوێك به‌ هات و هاوار ئه‌ڕواته‌ كۆشكی كه‌ریم خانی زه‌نده‌وه‌ و ئه‌یه‌وێت خان ببینێت به‌ڵام پاسه‌وانانی خان رێگای ناده‌ن بڕوات و خان ببینێت!!
كه‌ریم خان خه‌ریكی نێرگه‌له‌ كێشان بوو كه‌ گوێی له‌ ده‌نگی پیاوه‌كه‌ بوو و پرسیاری ئه‌كات كه‌ ئه‌و ده‌نگه‌ ده‌نگه‌ چییه‌؟
دوای گێڕانه‌وه‌ی باسه‌كه‌ بۆ خان له‌ لایه‌ن پاسه‌وانه‌كانه‌وه‌ خان داوا ئه‌كات كه‌ پیاوه‌كه‌ بهێنن بۆ لای...
پیاوه‌كه‌ ئه‌ڕواتی لای خان و كه‌ریم خان لێی ده‌پرسێت: چی بووه‌ وا هات و هاوار ده‌كه‌یت؟
پیاوه‌كه‌ به‌ ده‌نگێكی به‌رز ئه‌ڵێت:
ماڵ و سامانه‌كه‌میان لێ‌ دزیوه‌ و ئێستا كه‌وتوومه‌ته‌ سه‌ر ساجی عه‌لی.
خان پرسیاری لێ‌ ئه‌كات:
كاتێك ماڵه‌كه‌تیان دزی تۆ له‌ كووێ‌ بوویت؟
پیاوه‌كه‌ش ئه‌ڵێت: من ئه‌و كات خه‌وتبووم.
خان ئه‌لێت: ده‌ی بۆ خه‌وتی تا ماڵ و سامانه‌كه‌ت بدزرێت؟
پیاوه‌كه‌ له‌م كاته‌دا وه‌ها وه‌ڵامێك ئه‌داته‌وه‌ كه‌ وه‌ڵامه‌كه‌ی له‌ مێژوو دا بمێنێته‌وه‌ و ببێته‌ دروشمی ئازادی خوازه‌كان.
پیاوه‌كه‌ ئه‌ڵێت:
((من خه‌وتبوم له‌ به‌ر ئه‌وه‌ی وام دانابوو كه‌ تۆ به‌خه‌به‌ریت))

ئەدەب و ئەخلاق
پەیوەندیان بە ئاست و رۆشنبیری مرۆڤەوە نیە !
باوکێک هەبوو، کورێکی لاساری هەبوو !
باوکەکە هەمیشە بە کورەکەی دەوت: کورم تۆ هەرگیز نابیت بە مرۆڤ !
کورەکە لە باوکی دور کەوتەوە و پاش چەندین ساڵ بو بە والی و بەرپرسی ئەو ناوچەی خۆیان
وتی بە پاسەوانەکانی : برۆن باوکمم بۆ بهێنن
پاسەوانەکانی والی هاتن و بە لێدان و قامچی باوکەکەیان هێنا
والی وت : باوکە تەماشام کە، تۆ هەر ئەت وت من نابم بە هیچ، فەرموو تەماشا کە، ئێستا ئەڵێی چی؟

باوکەکەیش سەری کزی بەرزکردەوە و وتی: رۆڵە.. من نەموت تۆ نابی بە والی.. وتم تۆ نابی بە مرۆڤ ! ئێستایش نەبویت بە مرۆڤ ! ئایا مرۆڤ هەیە لە دونیادا بە قامچی و شەق و پاسەوان باوکی خۆی راپێچ بکا؟

بەڵێ ..
ئەخلاق و ئەدەب و مرۆڤ بون پەیوەندیان بە پلە و پایەوە نیە
زۆرن ئەوانەی پلە و پایەیان بەرزە، بەڵام هێشتا زۆریان ماوە ببن بە مرۆڤ