ئه‌گێڕنه‌وه‌ که‌ ڕۆژێک له‌ قه‌راخ ئاوێك دانیشتبو ، ته‌ماشای کرد دووپشکێك هات به‌ته‌نیشتیا تێپه‌ڕی و چوه‌ قه‌راخ ئاوه‌که‌ وه‌ستا ، له‌سه‌ره‌تادا ذي النون ، وایزانی که‌ ئاوده‌خواته‌وه‌ ، به‌ڵام ساتێك وه‌ستا ، که‌ته‌ماشایکرد بۆقێك له‌ناوئاوه‌که‌وه‌ ده‌رچوو به‌ره‌و ڕووی دووپشکه‌که‌هات و له‌به‌رده‌میدا وه‌ستا و دووپشکه‌ که‌ سه‌رکه‌وته‌ پشتی بۆقه‌که‌ و بۆقه‌که‌ش چوه‌ ناو ئاوه‌که‌وه‌ و که‌وته‌ مه‌له‌کردن و دووپشکه‌که‌ش به‌کۆلیه‌وه‌ ، [ذي النون] یش زۆر سه‌رسام مایه‌وه‌ ناچار ئه‌ویش چوه‌ ناو ئاوه‌که‌وه‌ و که‌وته‌ مه‌له‌کردن به‌دوای بۆق و دووپشکه‌که‌دا تاوه‌کو گه‌ێشته‌ ئه‌وبه‌ری ئاوه‌که‌ و دووپشکه‌که‌ له‌پشت بۆقه‌که‌ دابه‌زی و که‌وته‌ ڕێ ، [ذي النون] که‌وته‌ دوای دووپشکه‌که‌ تاوه‌کو گه‌یشته‌ نزیك دارێك ته‌ماشایکرد گه‌نجێکی سه‌رخۆش خه‌وی لێکه‌وتوه‌ له‌بن سێبه‌ری داره‌که‌ ، له‌ولاوه‌ مارێکی گه‌وره‌و درێژ هات به‌ره‌وڕووی گه‌نجه‌که‌ دووپشکه‌که‌ خۆی گه‌یانده‌ ماره‌که‌ و نوسایه‌ سه‌ری ماره‌که‌وه‌ و ماره‌که‌ش هه‌رچیکرد نه‌یتوانی خۆی نه‌جات بدات ، تاوه‌کو دووپشکه‌که‌ دای به‌ماره‌که‌وه‌و کوشتی .
پاش ماوه‌یه‌ک گه‌نجه‌که خه‌به‌ری بۆوه‌ و مه‌ستی به‌ریدا و هاته‌وه‌ هۆش خۆی ، ئه‌جا [ذی النون] باسه‌که‌ی بۆ گه‌نجه‌که‌ گێڕایه‌وه‌ و گه‌نجه‌که‌ تۆبه‌یه‌کی پاك چاکی کردو وازی له‌ هه‌موو شتێکی خراپه‌ هێنا .
له‌م کورته‌باسه‌دا ئه‌گه‌ر به‌وردی بیری لێبکه‌ینه‌وه‌ هه‌ندێ شتێ سه‌یرمان بۆ ڕوون ده‌بێته‌وه‌ .
1- دووپشك ناتوانێت له‌ ئاوی زۆربدات و مه‌له‌بکات به‌ڵام خوای گه‌وره‌ بۆقێکی بۆ موسه‌خه‌رکردوه‌ تاوه‌کو بپه‌ڕێته‌وه‌ ، له‌گه‌ڵ ئه‌وه‌شدا دووپشک ماربێ یان بۆق یان هه‌ر گیانله‌به‌رێکی تربێت بجولێته‌وه‌ پێوه‌ی ده‌دات جیاوازی نی یه‌ بۆ ئه‌و ، به‌ڵام چنکه‌ خوای گه‌وره‌ قه‌ده‌ره‌که‌ی وابوه‌ که‌ ئه‌و ماره‌ بکوژێت بۆقه‌که‌ بوه‌ به‌ که‌شتیه‌ك بۆ ئه‌و : وَسَخَّرَ لَكُمْ مَا فِي السَّمَوَاتِ وَمَا فِي الأرْضِ جَمِيعًا مِنْهُ إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ (13) }
2- ئه‌م دووپشکه‌ چۆن ئه‌وه‌ی خانی و ئه‌و فه‌رمانه‌ی له‌کوێوه‌ بۆ هات که‌ به‌و ئیشه‌ هه‌ستێ که‌ زۆر دووربوه‌و ئاوه‌که‌ش ڕێگربوه‌ له‌ ڕێدا به‌ڵام خوای گه‌وره‌ ویستی له‌سه‌ر هه‌رشتێک بێت ده‌یکات و ڕێگری نابێت و ئه‌نجامی ده‌دات چۆن بیه‌وێت به‌وشێوه‌یه‌ ، : { وإذا اراد الله‌ شیئا ان یقول له‌ کن فیکن } .یان که‌ده‌فه‌رموێت: { وَاللَّهُ يَحْكُمُ لا مُعَقِّبَ لِحُكْمِهِ } گه‌ڕاننه‌وه‌ی قه‌ده‌رو ویستی خوا نابێت
3- بۆچی ئه‌و دووپشکه‌ ماره‌که‌ی کوشت ؟ بۆ گه‌نگه‌که‌ی نه‌ کوشت یان پێوه‌ی نه‌دا ؟ له‌کاتێکدا که‌ گه‌نجه‌که‌ خه‌وتوه‌و گه‌وره‌تریشه‌ له‌ ماره‌که‌ و ماره‌که‌ش له‌ رۆیشتن و جوڵانه‌وه‌دایه‌ ، به‌ڵام خوای گه‌وره‌ ئه‌جلی ماره‌که‌ی ته‌واوکردوه‌ نه‌ك گه‌نجه‌که‌ : { وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَكِنْ يُؤَخِّرُهُمْ إِلَى أَجَلٍ مُسَمًّى فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ (61) .
4- بؤچی خوای گه‌وره‌ ئه‌وهه‌موو سه‌به‌ب و شته‌ی ڕێکخست بۆ نه‌جاتدانی گه‌نجێك که‌ سه‌رخۆشیش بوه‌ له‌ بێ ئه‌مری خوادا ژیاوه‌ ؟ ده‌بێ ئه‌وه‌ بزانین که‌ خوای په‌روه‌ردگار به‌ڕه‌حمه‌ بۆ به‌نده‌کانی ئه‌گه‌رچی به‌نده‌کانیش له‌ بێ ئه‌مری ئه‌ودا بژێن و بێ فه‌رمانی خوابکه‌ن ،: { وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا (2) مِنْ دَابَّةٍ } (3) .ئه‌گه‌ر خوای گه‌وره‌ به‌کاروکرده‌وه‌ی خۆمانی له‌گه‌ڵماندا بکردایه‌ دونیای کۆتایی پێ ئه‌هێنا و هه‌موی ئه‌فه‌وتان ، له‌گه‌ڵ ئه‌وه‌شدا مۆڵه‌تمان ئه‌داتێ تاوه‌کو بگه‌ڕێینه‌وه‌ بۆ سه‌ر دینی خواو تۆبه‌ بکه‌ین .
5- خوای گه‌وره‌ بۆچی[ذي النون]ی کرده‌ شاهیدی ئه‌و حاڵه‌ ؟ بۆ فه‌رمانی به‌خۆی نه‌کرد که‌بچێت ئه‌وگه‌نجه‌ نه‌جاتدات ئه‌ودووپشك و بۆقه‌ی کرده‌ هۆکار؟ ئه‌وه‌مان تێده‌گه‌یه‌نێت که‌ ئه‌گه‌ر که‌سیش ئه‌بێت خوای گه‌وره‌ کاری خۆی جێ به‌جێ ده‌کات منه‌تی به‌که‌س نی یه‌ ، به‌ڵکو ئێمه‌ خۆمان کارمان به‌خوایه‌ و پێویستمان پێیه‌تی ، ئه‌وه‌ی که‌ خوا داوامان لێده‌کات ته‌نها فه‌رمانه‌کانی جێ به‌جێ بکه‌ین و بێ ئه‌مری خوا نه‌که‌ین : وقال تعالى: { وَأَنْذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُوا رَبَّنَا أَخِّرْنَا إِلَى أَجَلٍ قَرِيبٍ نُجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُوا أَقْسَمْتُمْ مِنْ قَبْلُ مَا لَكُمْ مِنْ زَوَالٍ } [إبراهيم:44] .ئه‌وه‌ش له‌بیر نه‌که‌ین خوا که‌سێکی سه‌رخۆش له‌بیرنه‌کات و به‌هانایه‌وه‌ بێت ،موسڵمان چۆن له‌ بیرده‌کات و به‌هانایه‌وه‌ نایات له‌کاتێکدا هه‌مو هاناو هاوارێکی بۆ لای خوایه‌ .

هه‌بوو نه‌بوو. ڕۆژێ له ڕۆژان كوڕێك هه‌بوو كه هه‌رچیی ده‌كرد هه‌ر شانسی نه‌ده‌هێنا و هیچ شتێكی بۆ جێبه‌جێ نه‌ده‌بوو. ئاخری بڕیاری دا بچێت و فه‌له‌ك بدۆزێته‌وه و لێی بپرسێ بۆچی هێنده كوڵۆڵه.
ملی ڕێی گرته به‌ر. ڕۆیشت و ڕۆیشت تا گه‌یشته گورگێك. گورگه‌كه لێی پرسی ها ئاده‌میزاد بۆ كوێ ده‌چی؟
كوڕه‌كه وتی: مام گورگ توخوا نه‌مخۆی.
ـ خواردنی چی من سه‌رم هێنده دێشێ كه ناتوانم بیر له خواردن بكه‌مه‌وه. پێم بڵێ بزانم بۆ كوێ ده‌چی؟
ـ من زۆر كوڵۆڵ و كه‌مبه‌ختم. ده‌مه‌وێ بچم و فه‌له‌ك بدۆزمه‌وه و لێی بپرسم بزانم من بۆچی هێنده كه‌مشانسم.
گورگه‌كه وتی: توخوا ئه‌گه‌ر بینیت لێی بپرسه بزانه من بۆچی دایمه سه‌رم دێشێ.
كوڕه‌كه به‌ڵێنێ پێدا و دیسانه‌وه كه‌وته‌وه ڕێ.
ڕۆیشت و ڕۆیشت تا گه‌یشته ده‌شتێك و قه‌ڵایه‌ك. له قه‌ڵاكه‌دا پاتشایه‌ك هه‌بوو. لێی پرسی ها كابرا بۆ كوێ ده‌چی له‌م چۆڵه‌وانییه؟
كوڕه‌كه وتی: من هه‌رچی ده‌كه‌م هه‌ر به‌ختم لێی نییه. ده‌مه‌وێ بچم و فه‌ڵه‌ك بدۆزمه‌وه و هۆكه‌ی لێ بپرسم.
پاتشا وتی: ئه‌گه‌ر دۆزیته‌وه لێی بپرسه بزانه من بۆچی له هه‌موو شه‌ڕێكدا ده‌یدۆڕێنم؟
كوڕه‌كه به‌ڵێنێ پێدا و دیسانه‌وه‌ كه‌وته‌وه ڕێ.
ڕۆیشت و ڕۆیشت تا گه‌یشته ده‌ریایه‌ك و ئیتر له‌وه زیاتر نه‌یده‌توانێ بچێ. له داخا له‌سه‌ر به‌ردێك قه‌راخ ڕۆخه‌كه ده‌ست له‌سه‌ر ئه‌ژنۆ دانیشت.
له پڕا ماسییه‌ك له ئاوه‌كه سه‌ری ده‌رهێنا و وتی ها ئاده‌میزاد بۆ وا كز دانیشتووی؟
كوڕه‌كه به‌‌سه‌رهاتی خۆی گێڕایه‌وه و وتی ئێسته‌ش ئه‌م ده‌ریایه پێشی پێ گرتووم و ناتوانم له‌مه زیاتر بچمه پێشه‌وه.
ماسییه‌كه وتی: من ده‌تبه‌مه ئه‌وبه‌ری ده‌ریاكه، به مه‌رجێ به‌ڵێن بده‌ی ئه‌گه‌ر فه‌له‌ك بدۆزیته‌وه لێی بپرسی بزانی بۆچی ناو لووتی من دایمه ده‌خورێ.
كوڕه‌كه به‌ڵێنی پێدا و ماسییه‌كه كوڕه‌كه‌ی نایه سه‌ر پشتی خۆی و له ده‌ریاكه په‌ڕاندییه‌وه.
كوڕه‌كه كاتێ گه‌یشته ئه‌وبه‌ری ده‌ریاكه، خواحافیزیی له ماسییه‌كه كرد و كه‌وته ڕێ.
ڕۆیشت و ڕۆیشت تا گه‌یشته باخێك. چووه ناو باخه‌كه بینیی گوڵ و گوڵزار و نه‌مام و بنجكێكی زۆر له ناو باخه‌كه‌دایه. داری زۆری بینی كه به‌ری باشیان گرتبوو و به‌رده‌وام ئاودێریش ده‌كران. دارێكی بینی كه وشك هه‌ڵاتووه و ئاویشی پێ نادرێ. چاوی گێڕا كابرایه‌كی پیری بینی.
چووه پێشه‌وه و سڵاوی لێكرد. پیره‌مێرده‌كه‌ش به‌خێرهاتنی كرد و لێی پرسی بۆ كوێ ده‌چێ.
كوڕه‌كه وتی: به‌ شوێن فه‌له‌كدا ده‌گه‌ڕێم و ده‌مه‌وێ بزانم بۆ هێنده كه‌مبه‌ختم.
كابرا وتی ئه‌و كه‌سه‌ی به‌شوێنی ده‌گه‌ڕێی منم. ئه‌و داره وشكه ده‌بینی؟ ئه‌وه داری به‌ختی تۆیه بچۆ ئاوی بده‌ و به‌خت ڕووت تێده‌كا.
كوڕه‌كه چوو و شه‌تڵی ئاوه‌كه‌ی ڕاكێشا بۆ لای داره‌كه‌ و زۆر خۆشحاڵ بوو.
پاشان هاته‌وه بۆ لای كابرا پیره‌كه و وتی كه‌وا بێ من ده‌گه‌ڕێمه‌وه بۆ وڵاته‌كه‌ی خۆم. به‌ڵام له پێشدا وه‌ڵامی چه‌ند پرسیارێكم بده‌ره‌وه.
پیره‌پیاوه‌كه وتی فه‌رموو پرسیاره‌كانت بكه.
كوڕه‌كه پرسیاره‌كانی گورگه‌كه و پاتشاكه‌ و ماسییه‌كه‌ی لێ كرد.
كابرا وتی: ماسییه‌که مروارییه‌ك له ناو لووتی گیری كردووه ده‌بێ كه‌سێك بدا له ته‌وقی سه‌ری مروارییه‌كه فڕێ ده‌به‌ستێ و ئیتر لووتی ناخورێ. پاشاكه كچه و خۆی كردووه به پیاو، ده‌بێ خۆی بكاته‌وه كچ و مێرد بكا ئینجا له‌گه‌ڵ مێرده‌كه‌ی بچێته هه‌ر شه‌ڕێكه‌وه له شه‌ڕه‌كه‌دا زاڵ ده‌بێ و ده‌یباته‌وه. گورگه‌كه‌ش ده‌بێ مێشكی مرۆڤێكی گێل بخوا ئیتر سه‌ری له سه‌رئێشه ده‌كه‌وێ.
كوڕه‌که سوپاسی لێكرد و پاش ماڵاوایی لێكردن كه‌وته‌وه ڕی به‌ره‌و وڵاته‌كه‌ی خۆی.
كاتێ گه‌یشته ده‌ریاكه ماسییه‌كه له‌وێ چاوه‌ڕێ بوو. لێی پرسی ها وه‌ڵامی پرسیاره‌كه‌ی منت دۆزییه‌وه؟
كوڕه‌كه وتی زۆر ئاسانه. به‌ڵام جارێ له پێشدا من ببه‌ره‌وه ئه‌و به‌ر ئینجا بۆت باس ده‌كه‌م. ماسییه‌كه كوڕه‌كه‌ی برده‌وه ئه‌و به‌ر.
كوڕه‌كه بۆی باس كرد. ماسییه‌كه وتی كه‌وابێ تۆ بده له ته‌وقی سه‌رمی من با مروارییه‌كه فڕێ ببه‌سێ و بیشیبه بۆ خۆت و پێی ده‌وڵه‌مه‌ند ده‌بی.
كوڕه‌كه وتی من تازه داری به‌ختی خۆمم ئاودێری كردووه و پێویستم به مرواریی تۆ نییه و كه‌وته ڕی. ماسییه‌كه هه‌رچی هاواری كرد كوڕ‌ه‌كه گوێی نه‌دا و دوور كه‌وته‌وه و ڕۆیشت.
له ڕێگادا گه‌یشته پاشا و وه‌ڵامه‌كه‌ی بۆ باس كرد. پاشاكه وتی تا ئێسته كه‌س به‌م نهێنییه‌ی نه‌زانیوه تۆ نه‌بێ. تۆ وه‌ره من بخوازه و ببه به‌ مێردم و ببه به پاتشای وڵاته‌كه‌مان. كوڕه‌كه وتی تۆ و پاتشایه‌تیم بۆچییه؟ من تازه داری به‌ختی خۆمم ئاودێری كردووه و ڕۆیی. هه‌رچی كچه‌كه هاواری كرد گوێی نه‌دا و دوور بووه‌وه.
ڕۆیشت تا گه‌یشته گورگه‌كه. وه‌ڵامه‌كه‌ی ئه‌ویشی بۆ گێڕایه‌وه و وتی ده‌بێ مێشكی مرۆڤێكی گێل بخۆی سه‌رت له ئێش ده‌كه‌وێ.
گورگه‌كه وتی ده‌ی باشه تۆزێ باسی سه‌فه‌ره‌که‌ی خۆتم بۆ بكه‌ بزانم چۆن بوو. كوڕه‌ش ته‌واوی به‌سه‌رهاته‌كه‌ی بۆ گێڕایه‌وه.
گورگه‌كه‌ وتی جا باشه كه‌س هه‌یه له تۆ گێلتر بێ؟ په‌لامارێكی كوڕه‌كه‌ی دا و خواردی.

[size=22]هه‌ندێ له‌ ئافره‌تانی موسڵمان ئه‌وه‌ی شه‌یتان پێی خۆشه‌ ده‌یپۆشن ،
ئینجا ده‌ڵێن دینداری به‌ دڵه‌ و دڵمان پاكه‌ !
[/size]
[size=22]كه‌چی نازانن شه‌رم و باوه‌ڕ هاوتای یه‌كترین ،
به‌ به‌رزبوونه‌وه‌ی یه‌كێكیان ئه‌وه‌ی تریشیان به‌رزده‌بێته‌وه‌
[/size]