[size=21]هاوڕێی راسته‌قینه‌ كێیه‌ ؟؟
ناونیشانی باسه‌كه‌مان پێده‌چێت مایه‌ی سه‌ره‌نج و تێروانینمان بێت ، ئایا له‌م قۆناغ و سه‌رده‌مه‌دا هاوڕێی راسته‌قینه‌ بوونی هه‌یه‌ ؟ یان بارودۆخ گۆڕاوه‌و ته‌ نها هاوڕێی به‌رژه‌وه‌ندی له‌ ئارادایه‌ . بۆئه‌وه‌ی هاوڕێی راسته‌قینه‌ بناسین و له‌ هاوه‌ڵی به‌رژه‌وه‌ندی جودای كه‌ینه‌وه‌ ئاماژه‌ به‌ چه‌ند خاڵێك ده‌ده‌ین سه‌باره‌ت به‌ سیما و كه‌سایه‌تی و ره‌وشتی هاوڕێی راسته‌قینه‌ :

1- هاوڕیی راسته‌قینه‌ : ئه‌و كه‌سه‌یه‌ پۆزشه‌كانت قبوڵ ده‌كات ، كه‌ هه‌ڵه‌ت كرد لێت ده‌بورێت و ، پشتگیریت ده‌كات له‌كاتی ئاماده‌نه‌بونتدا .

2- هاوڕیی راسته‌قینه‌ : ئه‌و كه‌سه‌یه‌ كه‌ گومانی باشت پێ ده‌بات و ، گه‌ر هه‌ڵه‌یه‌كت به‌رامبه‌ری كرد پۆزشت بۆ ده‌هێنێته‌وه‌و ، له‌ناخی خۆیدا ده‌ڵێت پێده‌چێت هیچ مه‌به‌ستێكی خراپی نه‌بوبێت .

3- هاوڕیی راسته‌قینه‌ : ئه‌و كه‌سه‌یه‌ چاودێری ‌ماڵ و منداڵ و كه‌سوكار و ئابڕوت ده‌كات .

4- هاوڕیی راسته‌قینه‌ : ئه‌و كه‌سه‌یه‌ له‌خۆشی و ناخۆشی ، له‌شادی و ‌خه‌مباری ، له‌ده‌وڵه‌مه‌ندی و هه‌ژاریدا له‌گه‌ڵتدایه‌ .

5- هاوڕیی راسته‌قینه‌ : ئه‌و كه‌سه‌یه‌ تۆ پێشی خۆی ده‌خات و به‌رده‌وام ئومێدی چاكه‌ت بۆ ده‌خوازێت .

6- هاوڕیی راسته‌قینه‌ : ئه‌و كه‌سه‌یه‌ ئامۆژگاریت ده‌كات ، گه‌ر هه‌ڵه‌یه‌كی لێت بینی ، هانت ده‌دات گه‌ر چاكه‌ی لێ بینیت ، هاوكاریت ده‌كات بۆ ئه‌نجامدانی كاری چاكه‌ .

7- هاوڕیی راسته‌قینه‌ : ئه‌و كه‌سه‌یه‌ ‌ ده‌ستپێشخه‌ری ده‌كات له‌ سڵاو كردندا ، گه‌ر پێویستت پێی بوو هه‌وڵ ده‌دات پێداویستیه‌كانت بۆ دابین بكات .

8- هاوڕیی راسته‌قینه‌ : ئه‌و كه‌سه‌یه‌ به‌ په‌نهانی دوعای خێرت بۆ ده‌كات ، بێ ئه‌وه‌ی داوات لێی كردبێت .

9-هاوڕیی راسته‌قینه‌ : ئه‌و كه‌سه‌یه‌ بۆ خواو له‌ پێناوی خوادا ، تۆی خۆشده‌وێت بێ هیچ به‌رژه‌وه‌ندیه‌كی مادی و مه‌عنه‌وی .

10- هاوڕیی راسته‌قینه‌ : ئه‌و كه‌سه‌یه‌ سودت پێ ده‌گه‌یه‌نێت به‌كرده‌وه‌ چاكه‌كانی ، ‌به‌ ئه‌ده‌ب و ره‌وشت و هه‌ڵسوكه‌وتی .

11- هاوڕیی راسته‌قینه‌ : ئه‌و كه‌سه‌یه‌ به‌هۆیه‌وه‌ له‌نێو خه‌ڵكیدا پایه‌دار ده‌بیت و، شانازی به‌هاوڕێیه‌تیه‌وه‌ ده‌كه‌یت ، شه‌رمه‌زار نابیت له‌ هاوڕێیه‌تی كردنی و گه‌ڕان له‌گه‌ڵیدا .

12- هاوڕیی راسته‌قینه‌ : ئه‌و كه‌سه‌یه‌ له‌كاتی پێویستیدا به‌ خۆشحاڵی و خێرایی و بێ به‌رامبه‌ر به‌ هاناته‌وه‌ دێت و‌ خزمه‌ت و هاوكاریت ده‌كات .

13- هاوڕیی راسته‌قینه‌ : ئه‌و كه‌سه‌یه‌ چی بۆ خۆی ده‌خوازێت ، ئه‌وه‌ش بۆ تۆ ده‌خوازێت .

وه‌رگیراو...[/size]

[size=21]به‌جێبه‌جێكردنی‌ چه‌ند ڕێگایه‌ك ده‌توانرێت برسێتییه‌كی‌ زۆر كه‌مبكرێته‌وه‌‌و بۆ ئه‌وه‌ی‌ ببێته‌ هۆكاری‌ كه‌مكردنه‌وه‌ی‌ خواردن:

1- هه‌ر كه‌سێك (ڕێجیم) بكات‌و برسی بێت، هۆكاره‌كه‌ی‌ ده‌گه‌ڕێته‌وه‌ بۆ ئه‌و خواردنه‌ی‌ كه‌ له‌پێش ده‌ستپێكردنی‌ ئه‌م ڕێجیمه‌دا خواردوویه‌تی‌‌و ڕاهاتووه‌ له‌سه‌ری‌، بۆیه‌ باشتروایه‌ ئه‌و خواردنانه‌ بخۆن كه‌ زوو تێریان ده‌كات، به‌ڵام كه‌مترین (كالۆری)ی‌ تێدا بێت وه‌ك زه‌ڵاته‌یه‌ك كه‌ پێكهاتبێت له‌ (خه‌یار، ته‌ماته‌، قارچكی‌ تازه‌، پیاز، سنگی‌ مریشكی‌ سوره‌وكراو له‌گه‌ڵ‌ هێلكه‌ی‌ كوڵاو).

2- باشتروایه‌ ئه‌و قاپه‌ی‌ خواردنی‌ تێدا ده‌خۆین، قاپێكی‌ بچووك بێت بۆئه‌وه‌ی‌ خواردنی‌ زۆری‌ تێنه‌كرێت.

3- ئه‌و خواردنانه‌ بخورێت كه‌ كه‌مترین چه‌وری‌‌و شیرنییان تێدایه‌، ئه‌و خواردنانه‌ش كه‌ سورده‌كرێته‌وه‌ بیبرژێنین، یان به‌یه‌ك كه‌وچك ڕۆن له‌تاوه‌یه‌كدا سوربكرێته‌وه‌.

4- كاتی‌ نانخواردن دیاریبكرێت به‌تایبه‌تی‌ نانی‌ به‌یانیان، چونكه‌ ئه‌گه‌ر نانی‌ به‌یانی‌ نه‌خورێت یان هه‌ر چایه‌ك‌و قاوه‌یه‌ك بخورێته‌وه‌، ئه‌وا بۆ نیوه‌ڕۆكه‌ی‌ برسێتییه‌كی‌ زۆر ده‌بێت‌و له‌ناچاریدا خواردنی‌ چه‌ور ده‌خورێت، بۆیه‌ وا باشه‌ نانی‌ به‌یانی‌ پێكهاتبێت له‌ (سه‌مونی‌ ڕه‌ش (جۆ)، ماستی‌ كه‌مچه‌ور، په‌نیر چه‌ورییه‌كه‌ی‌ 30% كه‌متر بێت، هێلكه‌ی‌ ده‌ڵه‌مه‌).

5- خواردنه‌وه‌یه‌كی‌ زۆر به‌سووده‌ بۆ كه‌مكردنه‌وه‌ی‌ كێش وه‌ك (ئاو، شه‌ربه‌ت، چا، هتد).

6- هیچ كات به‌برسێتی‌ نه‌چن بۆ خواردنكڕین‌و له‌سه‌ر كاغه‌زێك ئه‌و شتانه‌ بنوسن كه‌ ده‌تانه‌وێت بیكڕن، چونكه‌ تێستی‌ ئه‌و كه‌سانه‌ كراوه‌ كه‌ به‌برسێتی‌ ده‌چن بۆ خواردنكڕین، زیاترینی‌ ئه‌و خواردنانه‌ ده‌كڕن كه‌ كالۆریی‌ زۆریان تێدایه‌.

7- له‌كاتی‌ دروستكردنی‌ خواردندا واباشه‌ ئه‌و شتانه‌ی‌ كه‌ بۆ خواردنه‌كه‌ كڕدراون تازه‌ بن‌و كاتێكی‌ باش به‌دروستكردنی‌ خواردنه‌كه‌وه‌ به‌رینه‌سه‌ر، هه‌روه‌ها به‌جوانی‌ له‌پاش ئاماده‌كردنی‌ خواردنه‌كه‌وه‌ بڕازێنرێته‌وه‌.

8- له‌به‌رده‌م ته‌له‌فزیۆندا خواردن نه‌خورێت، چونكه‌ سه‌یركردنی‌ ته‌له‌فزیۆن له‌كاتی‌ نانخوادندا مێشك سه‌رقاڵ‌ ده‌كات‌و خواردن زۆرتر ده‌خورێت.

9- ئاگاداربوون له‌جلوبه‌رگ، ئه‌گه‌ر كه‌سێك كێشی‌ چه‌ند كیلۆیه‌ك زیاتربوو واباشه‌ جلی‌ فش له‌به‌رنه‌كات له‌جیاتی‌ ئه‌وه‌ جلی‌ قورس‌و ڕه‌نگی‌ تاریك له‌به‌ربكات.

10- بۆئه‌وه‌ی‌ بزانن چه‌ند له‌كێشتان كه‌مبۆته‌وه‌، پاش ماوه‌یه‌ك باشتروایه‌ ئه‌و وێنانه‌ی‌ كه‌ له‌پێش ئه‌و ڕێجیمه‌وه‌ گرتووتانه‌ سه‌یربكه‌نه‌وه‌‌و به‌راوردی‌ بكه‌ن، بۆئه‌وه‌ی‌ زیاتر هه‌وڵ بده‌ن له‌سه‌ر ئه‌م ڕیجیمه‌ تا گه‌یشتن به‌و كێشه‌ی‌ كه‌ خۆتان ده‌تانه‌وێت

خۆم ئه‌م بابه‌ته‌م داناوه‌‌ ‌، به‌ڵام شمولی من ناکات:D:D

وه‌رگیرا..[/size]

[size=19]لـــه‌ ژیـــانــــــه‌وه‌ فـــــێــــــر بـــــووم..!!!

• فێربووم که‌ گفتوگۆکردن له‌گه‌ڵ مرۆڤێکی زانا یه‌کسانه‌ به‌ مانگێکی خوێندن.

• فێربووم که‌ گرنگ نیه‌ له‌ کوێ بیت،،گرنگ ئه‌وه‌یه‌ بزانیت بۆ کوێ ئه‌چیت ئێستا!!

• فێربووم که‌ کلیلی دۆڕان ئه‌وه‌یه‌ که‌ هه‌وڵی ڕازیکردنی هه‌موو که‌سێک بده‌یت.

• فێربووم که‌ خێر بۆ مرۆڤ ئه‌وه‌یه‌ که‌ په‌شیمان بیت له‌ شتێک که‌ کردبێتت باشتره‌ له‌وه‌ی که‌ خۆزگه‌ بخوازیت به‌ شتێک که‌ نه‌تکردبێت.

• فێربووم که‌ ئیشی باش باشتره‌ له‌ وته‌ی باش.

• فێربووم که‌ خه‌ڵک کاتی ئه‌و کاره‌یان بیر ئه‌چیت که‌ ده‌ستی پێ کردووه‌،به‌ڵام جۆری کردنه‌که‌یان بیر ناچێته‌وه‌.

• فێربووم که‌ زۆر که‌س گوێ له‌ ئامۆژگاری ئه‌گرن،به‌ڵام که‌م سودی لێ وه‌ر ئه‌گرن.

• فێربووم که‌ هه‌ندێ خه‌ڵک هه‌یه‌ مه‌له‌ ده‌که‌ن ڕووبه‌رووی که‌شتی به‌ڵام هه‌ندێ که‌سی تر هه‌یه‌ که‌ کاتی خۆی به‌فیڕۆ ئه‌دات به‌ چاوه‌ڕوانکردنی که‌شتیه‌که‌.

• فێربووم که‌ مرۆڤ ژیانی کۆتای نایه‌ت به‌ دۆڕان ،به‌ڵام کاتێک ئه‌مرێت که‌ ئه‌کشێته‌وه‌.

• فێربووم ئه‌و که‌سه‌ی سه‌بر و خۆڕاگر بێت ئه‌گاته‌ خاڵی کۆتای.

• فێربووم که‌ پێویسته‌ خه‌ون به‌ ئه‌ستێره‌وه‌ ببینیت له‌هه‌مان کاتتدا بیرت نه‌چیت که‌ قاچه‌کانت له‌سه‌ر زه‌وییه‌..

• فێربووم کاتێک پێئه‌که‌نیت دونیا بۆت پێئه‌که‌نێت وه‌ کاتێک ئه‌گریت ته‌نها خۆت ئه‌گریت.

• فێربووم که‌ جیاوازییه‌کی گه‌وره‌ هه‌یه‌ له‌ نێوان گه‌ڕانه‌وه‌ و هه‌ڵهاتن.

• فێربووم که‌ ته‌نها داری به‌ردار خه‌ڵک هێرشی بۆ ئه‌بات.

• فێربووم که‌ ئه‌گه‌ر مرۆڤ هیچی نه‌دۆزیه‌وه‌ له‌ له‌پێناوی بمرێت، ئه‌وا هیچ نادۆزیته‌وه‌ که‌له‌ پێناویدا بژی.

وه‌رگیراو...[/size]