PNA- مریشكێك له‌ به‌ریتانیا له‌ ماوه‌یی 2 كاتژمێردا 14 هێلكه‌ی كرد، شاره‌زایانیش به‌ ژماره‌یه‌كی پێوانه‌یی له‌ جیهاندا هه‌ژماری ده‌كه‌ن.

رۆژنامه‌ی (ده‌یلی مه‌یل)ی به‌ریتانیایی بڵاویكردۆته‌وه‌، له‌ ناوچه‌ی (كۆڕنواڵ) به‌رتانیا مریشكێكی قه‌ڵه‌و له‌ ماوه‌ی كه‌متر له‌ دوو كاتژمێر 14 هێلكه‌ی كردووه‌، كه‌ ئه‌مه‌ش له‌ جیهاندا ژماره‌یه‌كی پێوانه‌ییه‌، چونكه‌ توێژینه‌وه‌ زانستییه‌كان سه‌لماندوویانه‌ كه‌ مریشك ده‌توانێت له‌ رۆژێكدا ته‌نها یه‌ك هێلكه‌ بكات.

له‌مباره‌یه‌وه‌ خاوه‌نی ئه‌و مریشكه‌كه‌ (دیبی ئارمسته‌رۆنگ) گوتویه‌تی: "پێشووتر هیچ مریشكێكم نه‌بووه‌ كه‌ رۆژانه‌ له‌ یه‌ك هێلكه‌ زیاتر بكات، بۆیه‌ كاتێك مریشكه‌كه‌م كه‌ ناوی (سارا)یه‌ 14 هێلكه‌ی كرد، به‌لامه‌وه‌ زۆر سه‌یر بوو.

دیبی ئاماژه‌یداوه‌، سارای مریشك له‌كاتی هێلكه‌ كردن زۆر ماندوو ده‌بێت، به‌ڵام دواتر زۆر چالاك ده‌بێته‌وه‌.

چه‌ندین په‌ندی پێشینانی فیرعه‌ونییه‌كان له‌ بواره‌ جیاجیاكاندا بخویبَنه‌وه‌
دوورگه‌- فیرعه‌ونییه‌كانی كۆنی میسر له‌ په‌ند و ئامۆژگاری زۆر به‌توانا بوونه‌، له‌م رووه‌وه‌ش چه‌ندین په‌ندی جوان و به‌هێز و ئامۆژگاری باشیان هه‌یه‌، لێره‌دا له‌ ماڵپه‌ڕی دوورگه‌ چه‌ندین په‌ندی پێشینانی فیرعه‌ونییه‌كانتان بۆ ده‌خه‌ینه‌ڕوو كه‌ به‌هیوای ئه‌وه‌ین لێیانه‌وه‌ سوودمه‌ند بن. فه‌رموون له‌ خواره‌وه‌ په‌نده‌كان بخوێننه‌وه‌:

یه‌كه‌م: هه‌موو مانگایه‌ك ده‌توانێت ده‌رگا بشكێنێت، به‌ڵام چاككردنه‌وه‌ی ده‌رگاكه‌ دارتاشی لێزانی ده‌وێت.
دووه‌م: ئه‌گه‌ر ده‌ته‌وێت خه‌ڵك باش بكه‌یت، ئه‌وه‌ سه‌ره‌تا خۆت باش بكه‌.
سێیه‌م: ئه‌وه‌ی له‌ سبه‌ی بترسێت، خۆی به‌ به‌ده‌ست خه‌وتنه‌وه‌ نادات.
چواره‌م: با زمانت پێش بیرت نه‌كه‌وێت.
پێنجه‌م: به‌پێڵاوی هیچ كه‌سێك به‌ڕێگادا مه‌ڕۆ، چونكه‌ له‌وانه‌ ئابڕووت بچێت.
شه‌شه‌م: به‌رد مه‌خه‌ره‌ ناو ئه‌و بیره‌ی كه‌ ئاوی تێدا ده‌خۆیته‌وه‌، چونكه‌ له‌وانه‌یه‌ جارێكی تر پێویستت پێی بێته‌وه‌.
حه‌وته‌م: به‌رده‌وام له‌ دوژمنه‌كانت خۆشبه‌، چونكه‌ ئه‌وه‌ ئازارێكی ده‌روونی زۆریان ده‌دات.
هه‌شته‌م: كه‌پرێك كه‌ تێیدا دڵخۆش بیت و پێبكه‌نیت، زۆر له‌ كۆشكێك باشتره‌ كه‌ تیایدا دڵته‌نگ بیت و بگریت.
نۆیه‌م: چه‌ندین پرسیار هه‌ن كه‌ وه‌ڵامه‌كانیان ته‌نها بێده‌نگییه‌.
ده‌یه‌م: ئافره‌تی باش سندووقی زێڕ و گه‌وهه‌ره‌.
یازده‌هه‌م: دۆزینه‌وه‌ی رێگا گرنگ نییه‌، رۆیشتن به‌ رێگاكه‌دا گرنگه‌.
دوازده‌هه‌م: به‌هۆی زانست و زانیارییه‌كه‌ت له‌خۆبایی مه‌به‌.
سێزده‌هه‌م: هه‌رگیز نه‌بووه‌ كه‌ كاری خراپ سوودێكی به‌ مرۆڤ گه‌یاندبێت.
چوارده‌هه‌م: چاوچنۆكی نه‌خۆشییه‌كی كوشنده‌یه‌ و هیچ ده‌رمانێكی نییه‌.
پازده‌هه‌م: بڕوا به‌ براكه‌وت و به‌ هاوڕێكه‌ت مه‌كه‌.
شازده‌هه‌م: نهێنییه‌كانت لای خۆشت باس مه‌كه‌.

ڕۆژێک کابرایه‌ک له‌ ناوه‌ختدا ده‌ڕواته‌وه‌ بۆ ماڵه‌وه‌ و ده‌بینی ژنه‌که‌ی له‌گه‌ڵ هاوڕێیه‌کی خۆشه‌ویستی خۆیدا له‌ ناو جێگادایه‌. کابرا زۆر به‌و وه‌زعه‌ تێک ده‌چێت و له‌ توڕه‌ییدا ده‌ست ده‌داته‌ ده‌مانچه‌ و هاوڕێکه‌ی خۆی ده‌کوژێت. پاش که‌مێک، که‌ کابرا دێته‌وه‌ سه‌ر خۆی و تێ ده‌گات چی کردووه زۆر بێتاقه‌ت ده‌بێت. ژنه‌ش به‌ فرسه‌تی ده‌زانێت و ده‌که‌وێته‌ سه‌رزه‌نشتکردنی و پێی ده‌ڵێ:
"تۆ خاوه‌نی ئه‌م مێشکه‌ دواکه‌وتووه‌ بیت، ماوه‌یه‌کی تر یه‌ک هاوڕێت‌ نامێنێت."

دوورگه‌- چه‌ندین پسپۆری بواری زینده‌وه‌رانی له‌ وڵاتی هیندستان له‌دوای لێكۆڵینه‌وه‌یه‌ك رایانگه‌یاند كه‌ جۆره‌ مارێكیان دۆزیوه‌ته‌وه‌ كه‌ له‌ سه‌رده‌می دیناسۆره‌كان ژیاون و هێلكه‌ی دیناسۆره‌كانیان خواردووه‌. هه‌روه‌ها پسپۆره‌كان ئه‌وه‌شیان روونكرده‌وه‌ كه‌ ئه‌و جۆره‌ مارانه‌ هۆكارێكی كارای له‌ناوچوونی دیناسۆره‌كان بوونه‌، چونكه‌ خۆراكی سه‌ره‌كی ئه‌و مارانه‌ خواردنی هێلكه‌ی دیناسۆره‌كان بووه‌ و دوای له‌ناوچوونی دیناسۆره‌كانیش ئه‌وانیش له‌ناوچوونه‌.

پێش ئه‌وه‌ی بمرێت موسڵمان ببوو: گۆرانییه‌كی مایكڵ جاكسۆن له‌سه‌ر ئایینی ئیسلام و پێغه‌مبه‌ر (د. خ)
دوورگه‌- ئه‌ستێره‌ی پۆپیی جیهانی خوالێخۆشبوو (مایكڵ جاكسۆن) پێش ئه‌وه‌ی بمرێت موسڵمان ببوو، هه‌واڵی موسڵمان بوونیشی ئه‌وكات له‌ رۆژنامه‌ی (زه‌ سه‌ن)ی به‌ریتانی بڵاوكرایه‌وه‌. به‌پێی هه‌واڵی رۆژنامه‌كه‌ش مایكڵ جاكسۆن ناوی خۆی گۆڕیوه‌ و كردوویه‌تی به‌ (میكائیل). له‌ ماڵپه‌ڕی دوورگه‌وه‌ گۆرانییه‌كی مایكڵ جاكسۆن)مان بۆ ئاماده‌كردوون كه‌ له‌سه‌ر خودا و ئایینی پیرۆزی ئیسلام و پێغه‌مبه‌ری ئیسلام (د.خ)ی گوتووه‌. ئه‌م گۆرانییه‌ به‌ هه‌ردوو زمانی ئینگلیزی و عه‌ره‌بییه‌ و یه‌كێكه‌ له‌ گۆرانییه‌ سه‌ركه‌وتووه‌كانی مایكڵ جاكسۆن. فه‌رموو له‌ خواره‌وه‌ ئه‌م گۆرانییه‌ دابگره‌.

دوورگه‌- به‌ڕێوه‌به‌رایه‌تی ئه‌وقاف و كاروباری ئایینی له‌ كه‌رتی (غه‌ززه‌) خولێكی فێربوونی قورئانی پیرۆزی بۆ چه‌ندین قوتابی كرده‌وه‌ و له‌م خوله‌شدا 44 قوتابی ته‌نها له‌ماوه‌ی دوو هه‌فته‌دا نیوه‌ی قورئانی پیرۆزیان ئه‌زبه‌ركرد. هه‌روه‌ها 25 قوتابیی دیكه‌ش له‌م خوله‌دا و له‌ماوه‌ی دوو هه‌فته‌دا 5 جوزئی قورئیانی پیرۆزیان ئه‌زبه‌ركرد..ئه‌مه‌ش بووه‌ مایه‌ی خۆشحاڵی و هه‌میش سه‌رسامی ئه‌و مامۆستایه‌ی كه‌ خوله‌كانیان به‌ڕێوه‌برد.

دوورگه- كه‌مێك پێش ئێستا یاری نێوان هه‌ردوو هه‌ڵبژارده‌ی ئیسپانیا و پارگوای له‌میانی یارییه‌كانی قۆناغی هه‌شته‌می مۆندیال به‌كۆتاهات. یارییه‌كه‌ش له‌ به‌رژه‌وه‌ندی هه‌ڵبژارده‌ی ئیسپانیا به‌ ئه‌نجامی گۆڵێكی بێ به‌رامبه‌ر كۆتایی هات. شایانی باسه‌ ناوبژیوان گۆڵێكی پارگوای ره‌تكرده‌وه‌ به‌وه‌ی كه‌ ئۆفساید بوو و كه‌چی ئۆفسایدیش نه‌بوو. هه‌روه‌ها پارگوای لێدانێكی سزای له‌ده‌ستدا و ئیسپانیا به‌هه‌مان شێوه‌ لێدانێكی سزای له‌ده‌ستدا. تاكه‌ گۆڵه‌كه‌ی ئیسپانیا له‌لایه‌ن یاریزانی به‌توانا (داڤید ڤیا) تۆماركرا. ‌به‌مشێوه‌یه‌ش ئیسپانیا گه‌یشته‌ قۆناغی چواری مۆندیال و له‌ رۆژی 7/7/2010 رووبه‌ڕووی ئه‌ڵمانیا ده‌بێته‌وه‌ و براوه‌شیان ده‌گاته‌ یاری كۆتایی و له‌به‌رامبه‌ر هه‌ڵبژارده‌ی هۆڵه‌ندا یان ئۆرگوای یاری ده‌كات.

خانه‌كانی ئافره‌ت له‌ به‌رگریكردن له‌ نه‌خۆشی له‌ خانه‌كانی پیاو به‌هێزترن

دوورگه‌- لێكۆڵینه‌وه‌یه‌كی ئیتاڵی ئه‌وه‌ی سه‌لماندووه‌ كه‌ له‌ به‌رگریكردن له‌ نه‌خۆشییه‌كان خانه‌كانی ئافره‌تان له‌ خانه‌كانی پیاوان به‌هێزترن. به‌پێی ئاژانسی هه‌واڵه‌كانی ئیتاڵیا (ئانسا) ئه‌م لێكۆڵینه‌وه‌یه‌ له‌لایه‌ن تیمێكی پزیشكی سه‌ر به‌ زانكۆی (سارساری) له‌ (سه‌ردینا) ئه‌نجامدراوه‌ و به‌پێی لێكۆڵینه‌وه‌كه‌ش خانه‌كانی پیاوان گه‌رمییه‌كی كه‌م به‌ جه‌سته‌ ببه‌خشن، به‌ڵام خانه‌كانی ئافره‌تان گه‌رمی زیاتر به‌ جه‌سته‌ ده‌به‌خشن. هه‌روه‌ها به‌پێی لێكۆڵینه‌وه‌كه‌ش خانه‌كانی ئافره‌تان توانای خۆگۆڕین و سه‌رله‌نوێ گه‌رمی به‌خشینه‌وه‌یان هه‌یه‌، بۆیه‌ خانه‌كانی ئافره‌تان زیاتر به‌رگه‌ی نه‌خۆشییه‌كان ده‌گرن.