بۆ ئه‌و گه‌نجانه‌ی تاکه‌ ئاواتیان چوون بۆ ئه‌وروپایه‌

بۆ به‌ده‌ستهێنانی ئیقامه‌ ، بووم به‌ مه‌سیحی

تاراوگه‌ زۆر گه‌نج به‌لارێدا ده‌بات زۆرێکیش له‌ گه‌نجان به‌خته‌وه‌رده‌کات له‌ چه‌ند ساڵی رابردوو تا ئیستا به‌و‌مه‌به‌سته‌ی پیدانی مافی په‌نابه‌رێتی که‌م بوه ‌و بگره‌ هه‌ر نه‌شماوه‌ له‌ چه‌ند ولاتێک به‌مه‌ گه‌نجان نیگه‌ران ده‌کات و به‌رده‌وامیش گه‌نجان روو له ‌ئه‌وروپا ده‌که‌ن هه‌ندێک جار گه‌نجان توشی شۆک ده‌کات به‌ پێنه‌دانی مافی په‌نابه‌رێتی به‌مه‌ هه‌ندیک له ‌گه‌نجان رو له‌ کاری نابه‌جێ ده‌که‌ن‌ و زۆرجاریش ئه‌وگه‌نجه‌ خۆی له ‌ده‌ست ده‌دات هه‌ندێکیشیان دینی خۆیان ده‌گۆرن بۆدینێکی تربه‌لآم ئێستا ده‌رکه‌وتوه‌ که‌ زۆربه‌ی ئه‌وانه‌‌ی له ‌دینی خۆیان هه‌‌ڵده‌گه‌رێنه‌وه‌ وابیر ده‌که‌نه‌وه‌ که‌ به‌دوای تروسکایی ژیاندا ده‌گه‌رێن ئه‌لێن به‌ڵکو له‌م رێگاوه‌ که ‌دینی ئه‌وان هه‌لده‌بژێرین به‌ڵکو هاوکاریمان بکه‌ن ، یه‌کێک له‌ وگه‌نجانه‌ی که‌ دینی خۆی گۆریوه‌ له‌ نزیکه‌وه‌ دواندمان و راشکاوانه‌ وه‌لآمی داینه‌وه‌ ،

شاباز جه‌زا که‌ ته‌مه‌نی 20 ساڵه‌و دانیشتوی وولاتی هۆڵندایه‌ ووتی : ماوه‌ی چه‌ندین ساڵه‌ له‌ هۆڵندا ده‌ژیم و تا ئێستا مافی په‌نابه‌رێتیم پێنه‌دراوه‌ و له‌ ‌سه‌رجیگا که‌وتووم به‌و مه‌به‌سته‌ی که‌ که‌م ئه‌ندام بووم هه‌موو رۆژێکی ژیانم به‌سه‌ختی به‌سه‌ربردووه چه‌ندین جار نه‌شته‌رگه‌ری گه‌وره‌م بۆئه‌نجام دراوه‌ و به‌رده‌وامیش له‌ژێر چاودێری پزیشک دام‌ ..له ‌ماوه‌ی مانه‌وه‌م له ‌جێگا دا ته‌نها هاوکارو پشتیوانم برا مه‌سحیه‌کان بووه‌ بۆیه‌ له ‌چاوی ئه‌وانه‌وه‌ منیش بریارم دا که‌ ئه‌وڕێگایه‌ی ئه‌وان بگرمه‌به‌رله‌ به‌ر ئه‌وه‌ی دڵ پاک و به‌هه‌ستن بۆ به‌را‌مبه‌ره‌کانیان ، شاباز :ئاماژه‌ی به‌وه‌ دا که‌ هه‌موو رۆژانێکی یه‌ک شه‌مه‌ سه‌ردانی که‌نیسه‌ی(ئای سی ئێف) ده‌کات له‌ (ئوترێخت_هۆلندا) بۆ دوپات کردنه‌وه‌م له‌ دینه‌که‌م و پارانه‌وه ‌و نوێژکردنم.

له‌ شابازمان پرسی ؟ تا ئێستا په‌شیمان نیت له‌وه‌ی له‌ دینی ئیسلام هه‌ڵگه‌راویته‌وه‌ ودینی مه‌سیحت هه‌ڵبژاردوه‌ ” شاباز ووتی: نه‌خێر…به ‌دایک و باوک “یشم وتوه‌ که‌ تا مردن له‌م دینه‌ لا ناده‌م له ‌به‌ر ئه‌وه‌ی هه‌ست ده‌که‌م نزیک بونه‌وه‌ له ‌دینی مه‌سیح نزیک بونه‌وه‌یه‌ له‌ خودای گه‌وره‌

س:ف.ب

[center]

کیژه‌کانی قه‌ندیل ، کڵۆی قه‌ندن له‌ نێو کڵۆی به‌فردا
......له‌ناو شاباڵی هه‌ڵفریندا ، دیلن
...پۆلێک خاتووزینن ، باڵای تفه‌نگیان ، له‌ بالای کاکه‌مه‌م ، خۆشتر ده‌وێ
خوویان داوه‌ته‌ نارنجۆک . مه‌مکه‌ خورته‌کانی خۆیان له‌ بیر چۆته‌وه‌

کچه‌ به‌جه‌رگه‌کانی قه‌ندیل . به‌ئاگر لێویان سوور ده‌که‌ن
دیده‌یان به‌ باروود ده‌ڕێژن ، قژیان داوه‌ته‌ ده‌ست ره‌شه‌با
له‌ناو هه‌گبه‌ی ئه‌واندا ، شانه‌یه‌ک . ته‌نها شانه‌ی تفه‌نگ

هه‌ناسه‌یان ته‌مێکی چڕه‌ له‌ په‌لکه‌زێڕینه‌
له‌به‌ر پشتیاندا ، خه‌نجه‌رێک و چڵێک عیشق ، شه‌ڵال له‌ بۆنی نه‌هری
که‌ شوێن پێیان له‌سه‌ر سینگی به‌فر جێده‌هێڵن ،
ده‌بن به‌ سه‌دان ئینجانه‌ی گوڵه‌ مێخه‌کی ئومێد

ژنه‌ پاکیزه‌کانی قه‌ندیل ، ژیله‌مۆی ژێر که‌وییه‌ به‌فرن
دڵی ئه‌و رووبارانه‌ ده‌ده‌نه‌وه‌ ، که‌ زریان خوێنی کردوون به‌ شه‌خته‌
کاتێ پۆل پۆل ، له‌ ئه‌شکه‌وتی خه‌باتا ،دێنه‌ ده‌رێ
که‌ڵه‌ کێوی حه‌یرانیان ده‌بن

ژنه‌ بێ نازه‌کانی قه‌ندیل ، هاوسه‌ری چه‌کن
که‌مه‌ر به‌ندیان فیشه‌کدان و قؤڵیان خرمه‌ی دێ له‌ برین
حه‌ڵقه‌ی ژیله‌مۆ ، له‌ په‌نجه‌یاندا ، ده‌بریقێته‌وه‌
ئه‌وان ملوانکه‌یه‌ک ده‌که‌نه‌ گه‌ردن . زنجیر له‌ ئاگر
میدالیا ، له‌ بلاچه‌ی هێرش ،
خڵخاڵیان دڕکه‌زی

بووکه‌ پاکیزه‌کانی قه‌ندیل ، ژووری په‌رده‌یان ، سه‌نگه‌ره‌
شه‌عاده‌یان ، گه‌ڵای به‌فر
ئه‌وان خوێنی کچێنیان ، له‌ سینگه‌وه‌ ده‌ڕژێ

ژنه‌ ئه‌ڤینداره‌کانی قه‌ندیل . تیشک له‌ ئاسۆ ده‌ڕننه‌وه‌
گوڵه‌ سووره‌کانی بن به‌فر چه‌پک ده‌که‌ن
هاکا.... گه‌ردی به‌یانییه‌ک ، به‌سه‌به‌ته‌ی گوڵ و رووناکییه‌وه‌
رژانه‌ سه‌ر
شه‌قامه‌ خه‌مگینه‌کانی ئامه‌د ..!

قوبادی جه‌لیزاده[/center]