یاریزانی ئەفریقای باشوور (ئۆسكار پیستۆریس) ئەگەرچی هیچ مێدالیایەكی نەبردەوە
لە ئۆلۆمپیادی “لەندەن”ـدا بەڵام خۆشەویستی هەموو ئەو جەماوەرەی بردەوە، كە ئامادەی یاریگای ئۆلۆمپی بوون.

(ئۆسكار)ـی تەمەن 27 ساڵان كە خاوەنی دوو قاچی دەستكردە و لە یاریی ڕاكردنی 400 مەتریدا
دوێنێ دوور خرایەوە، وەك خۆی بە ڕۆژنامەی “سەن”ـی بەریتانیایی گوتووە ئەو بە نیازی مێدالیا نەبووە،
بەڵكوو تەنیا ویستوویەتی بوونی هەبێت.

لە كاتی ئەنجامدانی یارییەكەدا، خەڵك بە چەپڵە و ناوبردنی هانی (ئۆسكار)ـیان دەدا،
كە جیاواز لە یاریزانەكانی دیكە، كە دوو قاچی سرووشتیان هەبوو ئەو بە قاچی دەستكرد ڕای دەكرد.

بەریتانیاییەكان وەكوو ئیلهامبەخشێك سەیری ئەو یاریزانە دەكەن.
وەكوو كەسێك ئەگەرچی كەمئەندامیشە،
بەڵام ددانبەخۆداگرتنەكەی جێگەی ڕێزی هەموو بینەران و یاریزانانی ئۆلۆمپیادیشە.

رۆژنامه‌ی هه‌ولێر

جارێکیان دزێک ده‌چێت بۆ مالی مالیکی کوری دینار " رحمه الله " بۆ دزین..
گه‌را به‌ دوای شتێک بیدزێت به‌لام هیچی نه‌دۆزیه‌وه‌ ..
پاشان بینی وا مالیک نوێژ ده‌کات ..
مالیک سه‌لامی دایه‌وه‌ له‌ نوێژه‌که‌ی و سه‌یرێکی دزه‌که‌ی کرد و گووتی :
" هاتووی به‌ دوای شتی دونیا هیچت نه‌ دۆزیه‌وه‌ ... ئایا هیچ شتێکت ده‌وێت بۆ دوا رۆژت ..؟! " ..
دزه‌که‌ وه‌لامی دایه‌وه‌ و دانیشت و زۆر سه‌ر سام بوو له‌ خاوه‌ن ماله‌که‌ ..!!
مالیک به‌رده‌وام ئامۆژگاری کرد ‌تاوه‌کو دزه‌که‌ گریا ..
دوای هه‌ردووکیان به‌ یه‌که‌وه‌ چون بۆ نوێژ .. له‌ مزگه‌وت خه‌لکه‌که‌ زۆر سه‌رسام بوون له‌م کاره‌:
" گه‌وره‌ترین زانا له‌گه‌ڵ گه‌وره‌ترین دز .. ئایا ئه‌مه‌ چۆن ده‌بێت ..؟؟! " ..

پرسیاریان له‌ مالیک کرد مالیک پێ ی گووتن :
" هاتبوو دزیمان لێ بکات.. به‌لام ئێمه‌ دڵه‌که‌مان له‌و دزی

خه‌ندان-

له‌ ولایه‌تی کالیفۆرنیای ئه‌مریکا منداڵێکی ته‌مه‌ن نۆ ساڵ به‌ ناوی (تانیشق)
به‌ هۆی ئه‌و زیره‌کییه‌ سه‌رسوڕهێنه‌ره‌یه‌وه‌ بۆته‌ جێگه‌ی سه‌رنجی خه‌ڵکی ئه‌و ناوچه‌یه‌،
باوکی ئه‌و مناڵه‌ ناوی ئیبراهیمه‌و ئه‌ندازیاری پرۆگرامسازییه‌ و دایکی پزیشکی ڤێتێرنه‌رییه‌.

له‌کاره‌ سه‌رسوڕهێنه‌ره‌کانی ئه‌م منداڵه‌ له‌ ته‌مه‌نی دوو ساڵیدا
توانیویه‌تی له‌ ژماره‌ 1یه‌که‌وه‌ تا 100 بژمێریت،هه‌ره‌ها له‌ ته‌مه‌نی چوار ساڵی و نیودا
له‌ تاقیکردنه‌وه‌ی ستانده‌ردی زیره‌کیدا توانیویه‌تی سه‌رکه‌وتن به‌ ڕێژه‌ی له‌%99 به‌ده‌ست بهێنێت
،هه‌روه‌ها له تاقیکردنه‌وه‌ی( IQ)‌ دا که‌ تاقیکردنه‌وه‌یه‌که‌
بۆ دیاریکردنی زیره‌کی ئه‌م مناڵه‌ توانیویه‌تی 148 خاڵ کۆ بکاته‌وه‌
که‌ به‌م ژماره‌یه‌ش له‌م ته‌مه‌نه‌دا ئاستی که‌مێک له‌ بلیمه‌ت که‌م تره‌و ئه‌گه‌ری هه‌یه‌
له‌ ساڵانی داهاتوودا ببێت به‌ بلیمه‌ت.

هه‌ر له‌ ته‌مه‌نی چوار ساڵ و نیودا له‌ یانه‌ی زیره‌که‌ سه‌روو ئاساییه‌کانه‌وه‌ وه‌رگیراوه ‌وله ته‌مه‌نی 8 ساڵیدا
له‌ زانکۆی ئه‌مێریکان ڕیڤه‌ر له‌ ولایه‌تی کالیفۆرنیا وه‌کو خوێندکار وه‌رگیراوه‌و بووه‌ته‌ بچوکترین خوێندکاری ئه‌و زانکۆیه‌،
پرۆفیسۆر ستیفن ستێرلینگ (تانیشق)ی به‌ سه‌رکه‌وتوترین خوێندکاری زانکۆکه‌
ناوبردو وتی هه‌موو خوێندکاره‌کانی تر تانیشقیان خۆش ده‌وێت و ڕێزی لێ ده‌گرن.

دوای تەواوبوونی یارییەكانی جامی وڵاتانی ئەوروووپا (یۆرۆی 2012)
بازاڕی كڕین و فرۆشتن و جێگۆڕكێی یاریزانان گەرم بووە و بە جۆرێك ڕۆژانە دەنگۆ،
یان هەواڵی فەرمی لەسەر چوونی ئەم یاریزان بۆ ئەو یانە و ئەوی دیكە بۆ یانەیەكی دیكە وە بەر گوێدا دەدرێت.

سیدۆ كیتا بەرشەی جێ هێشت:
وێبسایتی فەرمیی یانەی بەرشلۆنەی ئیسپانی ئەوەی بڵاو كردەوە
كە یاریزانی مالیی یانەكەیان، ڕیزی بەرشەی جێ هێشت و چووە یانەی دالیان ئەربینی چینییەوە.

وێبسایتی بەرشلۆنە، بەیاننامەیەكی یانەكەی بڵاو كردووەتەوە كە سوپاسی كیتا دەكەن
كە خزمەتێكی زۆری یانەكەی كرد و تواناكانی لە پێناو یانەكەیدا خستە گەڕ،
هیوایشی بۆ دەخوازن كە لە ژیانی وەرزشیی داهاتوویدا سەركەوتوو بێت.

جێگەی سەرنجە، كیتا لە 2008ـەوە لەگەڵ بەرشلۆنە 14 نازناوی جیای بردووەتەوە،
لە 188 یاریدا بەشداریی كردووە و 22 گۆڵی تۆمار كردووە.

ئاشلی كۆڵ چێڵسی جێ دەهێڵێت:
سەرەڕای ئەوەی نازناوی جامی خولی یانە پاڵەوانەكانی بردەوە،
بەڵام یانەی چێڵسی دەیەوێت خۆی نوێ بكاتەوە و بە تێكردنی خوێنی نوێ، گیانی وەگەڕتر بخاتەوە.

ئەو هەڵمەتە لە ڕۆییشتنی درۆگباوە دەستی پێ كرد كە چووە یانەی شەنگهای،
هەروەكوو چۆن سالۆمۆن كاڵۆ و بۆسینگوایش بڕیاری جێهێشتنی یانەكەیان دا.

بە پێی هەواڵی سایتی ئەی ئێس بی، بەرگریكاری چەپە ئاشلی كۆڵ قوربانیی نوێیە،
بەو پێیەی یانەكە باسی نوێكردنەوەی بۆندەكەی لەگەڵیدا نەكردووە.

كۆڵ بەو پێیەی تەمەنی 31 ساڵانە، لەوانەیە بچێتە یانەیەكی دەرەوەی خولی ئینگلیزی،
بە تایبەتی كە لەوانەیە چەند ساڵێكی كەمی لە نێو دنیای یاریكردندا مابێت.
هاوكات ئەگەر هەیە ئەو یاریزانە بچێتە ڕیزی یەكێك لە یانەكانی مانچستەر سیتی،
یان ڕیال مەدریدەوە. یانە دەوڵەمەندەكانی چینیش ئارەزوویەكی كراوەن لەبەردەم ئەو یاریزانەدا.

كاڵۆ بە شێوەیەكی فەرمی چووە یانەی لیلەوە
یانەی لیلی فەڕەنسی ڕایگەیاند كە هێرشبەری یانەی چێڵسی (سالۆمۆن كاڵۆ)
لە بۆندێكی ئازاددا پێوەندی بە ڕیزەكانیانەوە كردووە.
دوای تەواوبوونی بۆندەكەی و نوێنەكردنەوەی،
سالمۆن كاڵۆی كۆت دیڤواری بە پێی بۆندێكی 4 ساڵە چووە ڕیزەكانی یانەی لیلی فەڕەنسییەوە.

بۆ زانین، كالۆ لە ماوەی مانەوەی 6 وەرزدا لە چێڵسی 240 یاریی ئەنجام داوە و 60 گۆڵیشی تۆمار كردووە.
بەڵام بە هۆی ئەوەی لە پلانی نوێی دی ماتیۆدا نەبوو، بۆیە بۆندەكەیان بۆ نوێ نەكردەوە و ئەویش چووە یانەی لیلەوە.

بە چوونی ئەو یاریزانە بۆ یانەی لیل، ژمارەی ئەو یاریزانانەی ئەم وەرزە یانەی لیل كڕیونی گەییشتە 4 یاریزان.

ڕەنگە مانچینی ببێتە ڕاهێنەری ڕووسیا:
ڕاپۆرتە هەواڵەكان ئەوەیان بڵاو كردەوە، كە ڕۆبێرتۆ مانچینیی ڕاهێنەری
یانەی مانچستەر سیتیی پاڵەوانی پرێمەر لیگ نزیك بۆتەوە لەوەی ببێتە ڕاهێنەری هەڵبژاردەی ڕووسیا.

سایتی كاڵچیۆ میركاتۆی ئیتاڵی، ئەوەی بڵاو كردووەتەوە كە ڕۆبێرتۆ مانچینی
واز لە پۆستە هونەرییەكەی لە یانەی مان سیتی دەهێنێت و
دەبێتە ڕاهێنەری ورچەكانی ڕووسیا و لە شوێنی ڕاهێنەری هۆڵەندی “دیك ئەدڤۆگارت”
دەستبەكار دەبێت، كە لە یۆرۆدا بە دەستبەتاڵی چوونە دەرەوە.

دەنگۆی ئەوە هەیە بۆندی مانچینی بۆ ماوەی شەش ساڵ بێت و ساڵانە
یەكیەتیی تۆپی پێی ڕووسیا 7.5 ملیۆن یۆرۆی پێ دبدات،
مانچستەر سیتیش بڕی 20 ملیۆن یۆرۆی لەو یەكیەتییە وەردەگرێت.

نانی مانچستەر یونایتد بە جێ ناهێڵێت:
لویس نانیی پورتوگالیی یانەی مانچستەر یونایتدی ئینگلیزی،
خستییە ڕوو كە لە ڕیزەكانی یانەی مانچستەر یونایتددا زۆر ئاسوودەیە و ئەو یانەیە جێ ناهێڵێت.

نانی كە ئێستا لە یاریی ژمارە 200ـی لەگەڵ یانەی مانچستەر یونایتددا نزیك بووەتەوە
و ماوەی 5 ساڵە لە ڕیزەكانی ئەو یانەیەدایە،
هەوڵی ئەوە دەدات قەرەبووی وەرزی ڕابردوو بكاتەوە،
كە لە دواساتەكاندا نازناوەكەیان بە قازانجی مانچستەر سیتی لە دەست دا.

نانی بۆ ڕۆژنامەی تایمز گوتوویەتی: “من لە یانەی مانچستەر یونایتد
زۆر ئاسوودەم، 5 ساڵم لێرە بەسەر بردووە و هەموو نازناوەكانم بردووەتەوە،
ڕاهێنەر متمانەیەكی زۆری پێمە، ئەمەیش بۆ من گرینگە،
ئێستا بەڕێوەبەری كارەكانم لە گفتوگۆدایە بۆ نوێكردنەوەی بۆندەكەم،
سەیر دەكەین بزانین چی ڕوو دەدات

مامەیارە ئەحمەد

دەستگای میدیایی هەولێر