پهڕه 1
تۆ له ژوورهوه نیت. تكایه بچۆژوورهوه یان خۆت تۆمار بكه.
گرنگ!
بەخێربێیت، جگە لەم چەند بەشەی خوارەوە سەرجەم بەشەكانی یانەمان بە مەبەستی چاككاری شاردۆتەوە! لەماوەیەكی نزیكدا یانە بەتەواوی بابەتەكانی خۆی لە 2008ی ساڵی دامەزراندنیەوە تاكو ئێستا دەكەوێتە كار. [٢٠٢٣\٢\١٥]
هه‌ڵبژاردنه‌كانی گه‌ڕان
یانەی سەرهەنگ موحسین » پهیامهكانی SHAIDAM
په‌یام دۆزرایه‌وه [ 13 ]
3 2010-09-13 21:55:14
بابه‌ت: عه‌شقی تۆ خۆش (1 وه‌ڵام, نووسراو له شیعر)
عه‌شقی تۆ خۆش
کچێ دوای تۆ مه‌ی خانه‌یه‌ک
دڵی ته‌نیام ده‌گرێته گۆش
ده‌خۆ مه‌وه تا ئه‌و کاته‌ی
به‌یادی تۆ ده‌بم سه‌رخۆش
به سه‌ر پارچه په‌ڕۆیه‌کدا
که ناویان لێ ناوه سه‌رپۆش
ده‌گریم خه ڵکی ده ڵین شێتی
مرۆف چۆن ده‌گری بۆ په‌ڕۆش
با هه‌موو دونیا لۆمه مکا
دارو به‌ردیش لێم بێته جۆش
بڵێن شێته کڕنۆش ده‌با
ته نانه‌ت بۆ پارچه په ڕۆش
کۆڵ نادام له‌م ڕێبازه‌ی خۆم
سه‌د هێنده بێ وه‌فا بی تۆش
تا ده‌مکوژێ خۆشه‌ویستیت
گه‌ر مردیشم عه‌شقی تۆ خۆش
.............................................
قوربانی عه‌شق
تا ئه‌م ووڵاته پێش که‌وێ و
خۆری ئازاد هه ڵ بێته‌وه
تا دڵسۆزێک به ئاگابێ و
دڵی گه‌نج بخوێنیته‌وه
تا خوێندنگایه‌ک دامه‌زرێ
بۆ فێر بوونی ئه‌وین داری
سه‌دان که‌سی وه‌ک من ده‌مرێ و
که‌س هه‌ست ناکا به ئازاری
ده‌من چی بکه‌م له‌م ووڵاته
ئه وینی تێدا مردووه
سه‌دان که‌سی دڵ پڕ ئاوات
ناجار سه‌ریان هه‌ڵگرتووه
تا مامۆستای ئه‌وین داری
ده‌ست بکا به وانه‌ی عه‌شق
هه زاران گه‌نچی وه‌کوو من
ده‌بێ به قوربانی عه‌شق
....................
عمران خمبار
8 2010-05-16 06:13:22
بابه‌ت: شه‌وێکی شاد (2 وه‌ڵام, نووسراو له شیعر)
[imgl]
[/imgl]
شه‌وێکی شاد
شه‌وت شاد بێت ئه‌ی ئه‌و که‌سه‌ی
کردت به خۆڵ هیواکانم
وا نیوه‌ی شه‌ویش تێپه‌ڕی
هه‌ر بێداره چاوه‌کانم
. . .
خۆ ده‌زانم گۆڵم دووری
تۆ بێاگای له سووتانم
پێلۆی چاوت له خه‌ودایا
منیش هاوڕێی بێدارانم
. . .
هه‌ر چه‌ند دووریت خۆشه‌ویستیت
گه‌وره ده‌بێ له ماڵی دڵ
خۆشم ده‌وێی تا ئه‌و کاته‌ی
ده‌ردی دووریت ئه‌مخاته گڵ
. . .
دڵنیا به مه‌گه‌ر بمرم
من عه‌شقی تۆ بکه‌م له یاد
ئێستاش بنوو به ئارامی
به ئومێدی شه‌وێکی شاد
.................................................
عاشقێکی شێت
من ده‌زانم تۆ دڵڕه‌قی
ده‌ست هه‌ڵناگری له‌م کرداره
تا به چاوی خۆت نه‌بینی
له ڕۆژنامه و له گۆفارا
. . .
له سوچێکی په‌ڕه‌یه‌کدا
وێنه‌یه‌کم هه‌ڵواسراوه
له خواری وێنه که شمه‌وه
به خه‌تێکی ڕه‌ش نووسراوه
. . .
سه‌د مه‌خابن له‌م ڕۆژانه
ئه‌م عاشقه تازه لاوه
له پێناوی خۆشه‌ویستی
کچێک عاقڵی له ده‌ست داوه
.........................................
دیلی ئه‌وین
مانگم کردۆته ئاوێنه
لێی ده‌ڕوانم هه‌موو شه‌وێ
به ئومێدم ته‌نها جارێ
ڕوخساری تۆ تیا ده‌ر که‌وێ
به‌ڵام زوو مانگ ئاوا ده‌بێ و
دیسان شه‌به‌ق هه‌ڵ دێته‌وه
تۆ هه‌ر نایه‌ی کۆرپه‌ی دڵم
له باوه‌شتا ژیر بێته‌وه
نه‌نیگایه‌کم پێ ماوه
به‌دوای تۆدا هه‌نگاو بنێم
نه ئه‌جنۆم هێزی پێماوه
تاکو له‌ده‌ستی خه‌م هه‌ڵێم
تۆ به‌جۆرێ دیلت کردووم
له سه‌ر ڕووی ئه‌م زه‌مێنه‌دا
نه ئه‌وه‌تا خه‌م بمکوژێ
نه‌ده‌ستیشم به تۆ بگا
................................
بێ تۆ
بێ تۆ چۆن بژیم ئه‌ی خاوه‌ن شکۆ
چوار وه‌رزی ساڵم له پایزدایه
ته‌من له وه‌رزی گه‌ڵا ڕێزانه
ده‌ریا وه‌ستاوه خۆریش هه‌ڵنایه
بێ تۆ وڵاتی دڵم ڕوخاوه
خۆشیم پێنه‌ما خه‌م به ده‌ریایه
له دوای خۆت شاریش بوو به گۆڕستان
ترپه‌ی هه‌ناسه‌ی مرۆفێک نایه
بێ تۆ هه‌ر ده‌گریم وه‌ک ته‌عزێ بارێ
که‌سێک به‌هانای ناڵێم نایه
شعری بێ نازم پرسه‌ی داناوه
پێنوس هه‌ر ده‌گرێ و به لایه نایه
ده بگه‌ڕێوه له جێی هه‌ناسه‌م
بێ تۆ ژیانم وه‌ک دۆزه‌خ وایه
ده‌ڵێی له نازی دایک بێ به‌شم
بێ تۆ سه‌بوویم به هیچ که‌س نایه
..................................................
9 2010-05-16 06:10:13
بابه‌ت: پۆسته‌ری شعری نۆئ (0 وه‌ڵام, نووسراو له پۆسته‌ره شیعر)
[imgl]http://www.hakary.net/up//uploads/image … b3d871.jpg[/imgl]
[imgl]http://www.hakary.net/up//uploads/image … 4fbaee.jpg[/imgl]
[imgl]http://www.hakary.net/up//uploads/image … e64e3f.jpg[/imgl]
[imgl]http://www.hakary.net/up//uploads/image … c0ced4.jpg[/imgl]
[imgl]http://www.hakary.net/up//uploads/image … 82e394.jpg[/imgl]
[imgl]http://www.hakary.net/up//uploads/image … 4dc3b1.jpg[/imgl]
10 2009-12-02 08:16:10
بابه‌ت: هونراوه‌ی نۆێ زۆر خۆش (3 وه‌ڵام, نووسراو له شیعر)
ڕێم لێ به‌رده باسه‌فه‌ر که‌م
ڕێم لێ به‌رده باسه‌فه‌ر که‌م
بۆ وڵاتی ئه‌وین داران
له پێش ئه‌وه‌ی ڕه‌نج بێوه‌ر بم
وه‌کو ڕه‌نجی مه‌می ئالان
ڕێم لێ به‌رده باسه‌فه‌ر که‌م
بۆ وڵاتی بت په‌رستی
با ده‌رباز بم له وڵاتی
پڕ له‌خه‌م و خۆ په‌رستی
له‌م وڵآته تاکوو ئێستا
هه‌ڵ نه‌کێشام هه‌ناسه‌یه‌ک
نه‌م نێنیوه دوو خۆشه‌ویست
به ئازادی بگه‌ن به یه‌ک
له‌پێش ئه‌وه‌ی قه‌ده‌ر بێت و
جلی خه‌می ڕه‌ش له به‌ر که‌م
تکا ده‌که‌م ڕێم لێ به‌رده
له‌م وڵاته به‌سه‌فه‌ر که‌م
،،،،،،،،،،،،،،،،،
به‌هه‌ناسه‌م به ساقه‌ت بێ
سه‌یره ئه‌م شاره له‌وه‌ته‌ی ده‌ژیم
من له باوه‌شیا هه‌ر ده‌م ژیاوم
که‌چی گه‌ڕ ڕۆژێ تۆ تێیدا نه‌بی
وه‌کو دۆزه خێک دێته پێش چاوم
خۆ من وام زانی جوانی ڕوخسارت
به‌ته‌نها له نێو دڵما ئه‌سیره
تازه زانیومه که‌وا نێو شاریش
به‌ڕه‌نگ و سیمای تۆۆه دڵگیره
وه‌کو فریشته هه‌تاکو ئێستا
که‌س سه‌ر له عه‌سقی پاکت ده‌رناکا
هێنده پیرۆزی نه‌ک به‌ته‌نها من
شاریش به‌بێ تۆ ڕۆژێک هه‌ڵ ناکا
کچێ ئه‌م شاره شه‌قام به‌شه‌قام
هه‌ر هه‌مووی تێکڕا جهوری تۆ بێ
ڕێشم لێ مه‌گره ئه‌گه‌ر پێت بڵێم
هه‌ناسه‌م سه‌د جار به‌ساقه‌ی تۆبێ
،،،،،،،،،،،
خوادی شاعرێک
که‌سێک بۆ نیه ده‌ستی من بگرێ
بڵێ له پای چی ئه‌م له خۆدانه
من خۆم ده‌زانم ئه‌مڕۆ یا سبه‌ی
ده‌مکوژێ ئێشی ئه‌م دابڕانه
ته‌مه‌ن به‌ره‌و دوا هه‌نگاو هه‌ڵدێنێ
منیش وام له نێو کوڵپه‌ی سووتانه
کچێ خۆ کفری خوام نه‌کردووه
ئاخر له پای چی ئه‌م ئازار دانه
بۆ ڕه‌حمی خودات له دڵدا نیه
دووریت وه‌کو مۆم دام ده‌گرسێنێ
بۆ چی ناترسی خودای شاعرێک
ڕۆژی دۆزه‌خت پێ بناسێنێ
مردم ئه‌وه‌نده کڕنۆشم هێنا
تۆ بۆ ئه‌وه‌نده بێ سۆز و هه‌ستی
من تازه ڕۆشتم به‌ڵام به‌هێوام
بتکات به خه‌ڵوز خوای خۆشه‌ویستی
،،،،،،،،،،،،،
گه‌ردنی عه‌شق ئازاکه
وا ئێواره‌یه و دیسان هه‌م شه‌و هات
بۆ خه‌م و پرسه‌ی و شین و بێزاریم
ده‌بێ هه‌م دیسان خه‌م ناخم بخوات
هه‌تا دوای دێ شه‌وی بێداریم
. . .
دیسان هه‌م گریان چاوی دیل کردم
پێکه نینیشم هه‌ر زوو مردوه
هێنده تاریک و سامناک ژورم
شه‌وی دی جوره ڕوی تێم کردووه
. . .
وه‌ک ڕێبوارێکی بێ نیشتیمانیم
ڕێگام تاریک و پڕترسناکه
ده‌فریام که‌وه ئه‌ی خاوه‌ن جوانی
گه‌ردنی عه‌شقی پاکم و ئازاکه
. . .
نه‌ک شه‌وێ ئه‌جه‌ل ڕێگام پێ بگرێ
له‌ناکاو مردن بێ به‌میوانم
تاپێڵوی چاوم له‌یه‌ک نه‌ناوه
وه‌ره بۆ دواجار تێر لێت بڕوانم
،،،،،،،،،
عمران خمبار
[email protected]
11 2009-11-22 00:25:08
وه‌ڵام: هونراوه‌ی ده‌نگی نۆێی عمران خمبار (1 وه‌ڵام, نووسراو له شیعر)
ئێره کلیک بکه بۆ گوێگردن
http://www.youtube.com/watch?v=8WraQTaUmho
12 2009-11-22 00:23:26
بابه‌ت: هونراوه‌ی ده‌نگی نۆێی عمران خمبار (1 وه‌ڵام, نووسراو له شیعر)
13 2009-11-02 08:32:18
بابه‌ت: هونراوه‌ی عمران خمبار (6 وه‌ڵام, نووسراو له شیعر)
دیلی ئه‌وین
مانگم کردۆته ئاوێنه
لێی ده‌ڕوانم هه‌موو شه‌وێ
به ئومێدم ته‌نها جارێ
ڕوخساری تۆ تیا ده‌ر که‌وێ
به‌ڵام زوو مانگ ئاوا ده‌بێ و
دیسان شه‌به‌ق هه‌ڵ دێته‌وه
تۆ هه‌ر نایه‌ی کۆرپه‌ی دڵم
له باوه‌شتا ژیر بێته‌وه
نه‌نیگایه‌کم پێ ماوه
به‌دوای تۆدا هه‌نگاو بنێم
نه ئه‌جنۆم هێزی پێماوه
تاکو له‌ده‌ستی خه‌م هه‌ڵێم
تۆ به‌جۆرێ دیلت کردووم
له سه‌ر ڕووی ئه‌م زه‌مێنه‌دا
نه ئه‌وه‌تا خه‌م بمکوژێ
نه‌ده‌ستیشم به تۆ بگا
................................
ئه‌م شه‌وو
ئه‌م شه‌وو دڵم وه‌کو باران شه‌ونمی بۆ ده‌بارێنی
من تێ ناگه‌م هه‌تاکوو که‌ی دوایی نایه چاوه‌ڕوانی
هه‌موو شه‌وێ گڕی دووریت ده‌سوتێنێ هه‌موو گیانم
دڵم به‌کوڵ بۆ تۆ ده‌گری و بێ ئاگایه چاوه‌کانم
وه‌کو ده‌روێش له خۆم ده‌ده‌م ئه‌دوێم له گه‌ڵ نیوه‌ی شه‌وا
تۆیش بێ ئاگا له حاڵی من ئێستا وای له قوڵی خه‌وا
خه‌یاڵ ده‌که‌م هاوسه‌ره‌که‌ت ئێستا ده‌بێ به‌قوربانت
له ژێر ماچا سوور بۆته‌وه سه‌ر ڕووی هه‌ردوو گۆناکانت
تۆش تووند باوه‌شت لێداوه نووساندووته به خۆته‌وه
منیش فرمێسک له سه‌ر گۆنام دڵۆپ دڵۆپ شۆڕ بۆته‌وه
ده‌خته ڕوحم دێته ده‌رێ و چه‌رگ و دڵم لێک بێته‌وه
حه‌ز ده‌که‌م هه‌ر ئه‌م شه‌و بمرم سبه‌ینێ ڕۆژ نه‌بێته‌وه
....................................
سوجده‌یه‌ک بۆ خۆشه‌ویستی
یه‌ک ڕکات نوێژی فه‌رزم پێ ناکرێ
بۆ خوایه‌ک که‌وا دروستی کردووم
ئه‌وه‌نده سوجده‌م بۆ تۆ بردووه
ته‌نها به جه‌سته‌م دیاره که زندووم
تۆش واهه‌ست ناکه‌ی مرۆفێک هه‌یه
له نێو شعرێکا خۆی ئه‌سوتێنێ
هه‌تاکو شعرێک بۆ تۆ ده‌نووسێ
په‌نجه‌ی وه‌کو مۆم داده‌گرسێنێ
قه‌ت وا هه‌ست نه‌که‌ی چه‌رخی زه‌مانه
ڕه‌نگ و سیماتم لێ ده‌شێوێنێ
تا عمران مابێ له نێو په‌رتووکی
هه‌موو شعرێکا ناوت ده‌‌هێنێ
هه‌ر له کیژۆڵه‌ی سه‌رده‌می ئێستا
هه‌تا ده‌گاته حه‌زره‌تی ئاده‌م
هه‌ر هه‌مووم به‌نێ ئه‌و کاته‌ش ده‌ڵێم
یه‌ک تاڵ له زووڵفت به دوونیا ناده‌م
...................................
خه‌م
ئه‌م مشه‌و خه‌مێک ئه‌م دوێنێ چاوه‌کانم پڕگریانه
ئه‌و دڵه‌ی عه‌شقی تۆی تیابوو ئێستا پڕ له خه‌م و ژانه
هه‌ڵه‌ی من بوو ئازیزه‌که‌م دڵم بۆت کرد به هێلانه
بۆیه ئێستابه جێم دێلێ حاشاده‌که‌ی له‌وڕۆژانه
ئه‌م مشه‌و گریان گریانیشم بێ هوده‌یه
تۆبۆده‌بێ دڵت ڕه‌ق بێ به‌زه‌یت به‌منانه‌یه
هه‌ناسه‌که‌م بۆ پێشوازیت پێلوی چاوم له ڕێتایه
به‌ڵام ئه‌فسووس خۆشه‌ویستم عه‌شق لای تۆبێ به‌هایه
ئه‌مشه‌و بڕیار ئه‌ده‌م نه‌نووم ده‌رگای دڵم واڵا ئه‌که‌م
رۆحم ده‌که‌مه به‌مۆمێ بۆت فه‌رشی دڵم بۆت ڕائه‌خه‌م
چاوه‌ڕوانم دڵت نه‌رم بێ تۆبێته‌وه هه‌ناسه‌که‌م
ئه‌وسامنیش وه‌کو دیاری چه‌پکه گۆڵت ؤێشکه‌ش ده‌که‌م
عمران خمبار
[email protected]
په‌یام دۆزرایه‌وه [ 13 ]
پهڕه 1
یانەی سەرهەنگ موحسین » پهیامهكانی SHAIDAM
پشتبهسته به PunBB 1.4.6, پاڵپشتیی به كوردی له [مهكۆكانی وێبچن]