PNA - رێبین ره‌مزی/ هه‌ولێر - سبه‌ی (یه‌كشه‌ممه‌) له‌ یاریگه‌ی دووه‌می شه‌هید فره‌نسۆ هه‌ریری له‌ شاری هه‌ولێر، تیپی یانه‌ی هه‌ولێر یه‌كه‌م مه‌شقی رۆژانه‌ی خۆی ئه‌نجام ده‌دات.
سبه‌ی هه‌ولێر یه‌كه‌م مه‌شقی خۆی ئه‌نجام ده‌دات 
به‌ مه‌به‌ستی خۆ ئاماده‌كردنیان بۆ وه‌رزی داهاتوو، سبه‌ی (یه‌كشه‌ممه‌) له‌ یاریگه‌ی دووه‌می شه‌هید فره‌نسۆ هه‌ریری له‌ شاری هه‌ولێر، تیپی یانه‌ی هه‌ولێر یه‌كه‌م مه‌شقی رۆژانه‌ی خۆی ئه‌نجام ده‌دات.
له‌م مه‌شقه‌ هه‌ندێك له‌ یاریزانه‌كان به‌شداری ده‌كه‌ن، چونكه‌ تا ئێستا زۆربه‌ی یاریزانه‌ نوێیه‌كان به‌ فه‌رمی گرێبه‌ستیان ته‌واو نه‌بووه‌ و هه‌روه‌ها یاریزانه‌ كۆنه‌كانیش تا ئێستا گرێبه‌ستیان نوێنه‌كراوه‌ته‌وه‌، بۆیه‌ وا چاوه‌روان ده‌كرێت له‌م مه‌شقه‌ ته‌نیا بایه‌خ به‌ لایه‌نی لیهاتوویی جه‌سته‌یی بدرێت.

جێی باسه‌، تیپی یانه‌ی هه‌ولێر پاڵه‌وانی سێ وه‌رز له‌سه‌ر یه‌ك، له‌ وه‌رزی رابردوو كه‌ مانگی رابردوو كۆتا هات نازناوه‌كه‌ی له‌ده‌ست دا و پله‌ی چواره‌می به‌ده‌ست هێنا دوای دهۆك و ته‌ڵه‌به‌ و زه‌ورا.

وه‌رزشی - یانه‌ی تۆپی پێی هه‌ولێر به‌ فه‌رمی بۆندی له‌گه‌ڵ پێنج یاریزان مۆركرد 
PNA – رێبین ره‌مزی / هه‌ولێر - یانه‌ی تۆپی پێی هه‌ولێر بۆندێكی له‌گه‌ڵ پێنج یاریزانی یانه‌كانی عێراقی مۆركرد كه‌ سێ له‌ یاریزانه‌كان له‌ هێڵی هێرشبه‌ر یاری ده‌كه‌ن.
به‌پێی هه‌واڵێكی ماڵًپه‌ڕی تایبه‌ت به‌ یانه‌ی هه‌ولێر، ئه‌م یانه‌ بۆندی له‌گه‌ڵ هه‌ر یه‌ك له‌ یاریزانان (محه‌ممه‌د قاسد) گۆڵچی یانه‌ی زه‌ورا و (ئاوس ئیبراهیم) یاریزانی هێڵی به‌رگری یانه‌ی شوڕته‌ و (مسته‌فا ئه‌حمه‌د) یاریزانی هێرشبه‌ری یانه‌ی زه‌ورا و (ئه‌مجه‌د كه‌له‌ف) یاریزانی هێڵی هێرشبه‌ری یانه‌ی شوڕته‌ و (عه‌لی مه‌نسور) یاریزانی هێڵی هێرشبه‌ری یانه‌ی به‌غدا مۆركردووه‌.

به‌پێی راگه‌یاندنی سه‌ره‌تایی ئه‌م یانه‌، گوایه‌ بۆنده‌كه‌ بۆ یه‌ك ساڵه‌.

هه‌ر له‌مباره‌یه‌وه‌ به‌رپرسی راگه‌یاندنی یانه‌ی وه‌رزشی تۆپی پێی هه‌ولێر (سامان بریفكانی) له‌ په‌یوه‌ندییه‌كی ته‌له‌فۆنیدا پێی راگه‌یاندین كه‌ ئه‌مڕۆ به‌ فه‌رمی چۆنییه‌تی مۆركردنی بۆند و مووچه‌ی ساڵانه‌ و بڕی گوژمه‌ی بۆنده‌كه‌ راده‌گه‌یه‌ندرێت.

جێی ئاماژه‌یه‌ ئه‌مساڵ یانه‌ی تۆپی پێی هه‌ولێر نه‌یتوانی به‌رگری له‌ نازناوی پاڵه‌واتێی یانه‌ پله‌ نایابه‌كانی عێراق بكات، به‌ڵام نازناوی ئه‌مساڵ به‌ بردنه‌وه‌ی گۆڵێكی بێبه‌رامبه‌ر له‌ یاری نێوان  دهۆك – ته‌ڵه‌به‌، یانه‌ی تۆپی پێی دهۆك توانی بۆ یه‌كه‌مینجار له‌ مێژووی خۆیدا ببێته‌ خاوه‌نی ئه‌م نازناوه‌.

PNA - رێبین ره‌مزی/ هه‌ولێر - بۆ ئه‌وه‌ی له‌ وه‌رزی داهاتوو له‌ خولی نایابی عێراق و جامی یه‌كێتی ئاسیا به‌شداری بكه‌ن، یانه‌ی دهۆك به‌ فه‌رمی بۆند له‌گه‌ڵ 7 یاریزان مۆرده‌كات.

سه‌رچاوه‌یه‌ك له‌ یانه‌ی دهۆك ئاشكرای كرد، كه‌ یانه‌كه‌یان بۆندی له‌گه‌ڵ هه‌ریه‌كه‌ له‌ یاریزانان ئه‌حمه‌د سه‌ڵاح و ویسام زكی له‌ یانه‌ی هه‌ولێر و نه‌دیم كه‌ریم و نواف سه‌ڵال له‌ یانه‌ی ته‌ڵه‌به‌ و حوسێن كه‌ریم له‌ یانه‌ی شورته‌ و عیسام یاسین له‌ به‌غداد و عه‌مار كایم له‌ مه‌سافی مۆركردووه‌، به‌ڵام سه‌رچاوه‌كه‌ ئاماده‌ نه‌بوو برِی بۆندی یاریزانه‌كان ئاشكرا بكات.

له‌ لایه‌كی تره‌وه‌ یانه‌ی دهۆك به‌ فه‌رمی بۆندی یاریزان ئه‌حمه‌د مناجدی نوێكرده‌وه‌ بۆ وه‌رزی داهاتوو و هه‌روه‌ها یاریزانی پیشه‌گه‌ری لوبنانی نه‌سرت جه‌مه‌ل به‌شێوه‌ی خواستن له‌ یانه‌ی ئه‌نساری لوبنانی له‌ وه‌رزی داهاتوو یاری بۆ یانه‌ی دهۆك ده‌كات.

جێی باسه‌ یانه‌ی دهۆك بۆ یه‌كه‌م جار له‌ مێژووی خۆیدا توانی ببێته‌ پاڵه‌وانی خولی عێراق بۆ تۆپی پێی.

نووسینی : بەهمەن غەریب /

هەموومان بینیمان ئەمساڵیش خۆشبەختانە جامی خولی یانە نایابەكانی عێراق لەكوردستانی خۆشەویست مایەوە‌و دهۆك بردیەوە، یانەی هەولێریش بەهۆی چەند هەڵەیەكەوە لەجامەكە بێبەش بو، كە هیوادرین لەساڵانی داهاتو، دهۆك‌و هەولێر یاریی كۆتایی بكەن.
ئەوەی مەبەستمانە لەم بابەتەدا باسی بكەین، وتەی چەند كەسێك‌و چەند میدیایەكی كوردستانە، كە لەنازناوەكانی ئەو دو یانە خۆشەویستە كەمدەكەنەوە، لەساڵانی رابردودا یانەی هەولێر بو، ئێستاش یانەی دهۆك، كە دەڵێن، “دهۆك‌و هەولێر بەعەرەبەكان نازناو دەبەنەوە‌و ئەنجامەكە بۆ ئەوانە”، بۆیە دەمانەوێت لەم كورتە بابەتەدا رونكردنەوەیەكی بچوك بدەین.
هەموان دەزانن یانەی دهۆك‌و هەولێر، زۆربەی یاریزانەكانیان كە لەخولی عێراق یارییان دەكرد، عەرەب بوون، بەڵام شتێكی ئاساییە‌و هەر ئەنجامێك بهێنن، كورد پێی بەرز دەبێتەوە نەك عەرەب، سێ ساڵی رابردو هەولێر پاڵەوان بو، جگە لەناوی هەولێر ناوی هیچ كەسێك یاخود هیچ راهێنەرێك ناهێنرێت كە جامەكەیان بردبێتەوە، بۆیە یانەی هەولێر جێگەی دەستخۆشییە كە توانیویەتی لەرێگەی عەرەبەكانەوە ناوی هەرێمی كوردستان لەكیشوەری ئاسیا بەرز رابگرێت نەك بەتەنیا عێراق.
یانەی دهۆكیش بەبونی چەند یاریزانێكی عەرەب‌و چەند یاریزانێكی دەرەوەی عێراقیش، بوە پاڵەوان، جگە لەكاپتن خالید موشیر، كەسیتر نەچوە سەر بڵندگۆی خەڵاتەكان، سەرەنجام ئەنجامەكە بۆ یانەی دهۆك بو، نەك ئەحمەد موناجد‌و فڵان‌و فڵان.
نمونەیەكی بچووك دەهێنینەوە، یانەی ئینتەرمیلان وەرزی رابردوو بووە پاڵەوانی چامپیۆنس لیگ، بەڵام بەدەگمەن یاریزانی ئیتاڵی یاریی كرد، دواجاریش ئیتاڵیا سودمەندی یەكەم بو، كورسییەكی لەچامپیۆنس لیگ بۆ زیاد بو، خۆ زانێتی ئەرجەنتینی‌و شنایدەری هۆڵەندی‌و جۆلیۆ سیزاری گۆڵچی نوكی رمەكە بون، ئەی بۆچی ئەوان ناویان لەكولەكەی تەڕیشدا نەبو؟.
بۆیە دەبێت هانی یانەی هەولێر‌و دهۆك بدەین، كەنەك بچنە وڵاتانی عەرەبی بۆ یاریزان كڕین، بەڵكو بچنە بەرازیل‌و ئەرجەنتینیش تاكو یاریزان بهێنن‌و لەرێگەیەوە ناوی كورد‌و كوردستان بەرزبكەیینەوە، نەك بڵێین، عەرەب پاڵەوانە بەڵكو هەولێر‌و دهۆك شێری شێرانن.
بۆیە لەكۆتایی دەڵێین، هەولێر‌و دهۆك‌و عەرەب نین، بەڵكو ئێستا عەرەبەكان، شەڕواڵ‌و مراخانی ‌و جامەنە لەسەر دەكەن، بۆ بەرزكردنەوەی كوردستان، كەواتە ئافەرین یانەی دهۆك‌و هەولێر كە ئێوە لەكەسە سیاسییەكان كاریگەرتن بۆ بەرز راگرتنی ناوی پیرزۆی كوردستان، خوای گەورە پشت‌و پەناتان بێت، نوخشەش بێت لەیانەی سلێمانی خۆشەویست، لەسیروانی نوێ‌، لەكەركوكی

PNA - / هه‌ولێر - كوردستان تیڤی یاریی كۆتایی خولی نایابی عێراقی له‌ كه‌ناڵی عێراقییه‌ی وه‌رزشی كرِیوه‌ته‌وه‌ و ئه‌مشه‌و یارییه‌كه‌ به‌ زمانی كوردی ده‌گوازێته‌وه‌.
گۆران تۆفیق، به‌رپرسی به‌شی وه‌رزشیی كوردستان تیڤی، به‌ ئاژانسی هه‌واڵی په‌یامنێری رِاگه‌یاند: "ئه‌مساڵیش وه‌كو ساڵانی پێشتر كه‌ یانه‌ی هه‌ولێر ده‌گه‌ییشته‌ یاریی كۆتایی، ئێمه‌ فیناڵی خولی نایابی عێراق ده‌گوازینه‌وه‌ كه‌ له‌ نێوان هه‌ردوو یانه‌ی دهۆك و ته‌ڵه‌به‌دایه‌، بۆ ئه‌و مه‌به‌سته‌یش برِی 4 هه‌زار دۆلارمان داوه‌.

ئه‌و یارییه‌یش به‌ ده‌نگی بێژه‌ری ئه‌و كه‌ناڵه‌ (ئه‌رده‌لان وه‌لی) ده‌گوازرێته‌وه‌.

بۆ بیرهێنانه‌وه‌، ئه‌مرِۆ كاتژمێر 08:30ـی شه‌و، یاریی كۆتایی خولی عێراق، له‌ یاریگه‌ی گه‌ل له‌ به‌غدا له‌ نێوان هه‌ردوو یانه‌ی ته‌ڵه‌به‌ و دهۆك ئه‌نجوێنه‌ به‌شێویه‌کی ڕاسته‌وخۆ له‌ یانه‌

ba hiwai brdnawaki bash bo kurani hawler aishala la finalin

نسوارەوە لەلایەن Erbil Club    چوار شەممە, 07 تەمموز 2010 16:59           

ئێوارەی ئەمڕۆ چوارشەممە 6 ی تەممووز دەستەی كارگێڕیی یانەی هەولێر لە كۆبوونەوەیەكدا بڕیاری دا بە بەڕێوەچوونی یارییەكانی خولی بژاردە كە لە 15 ی ئەم مانگەدا بەڕێوە دەچێت، لە یاریگەی سەرەكیی شەهید فڕەنسۆ بێت.

یاریی یەكەمی یانەی هەولێر لە بەرانبەر یانەی شوڕتە لە 15 ی هەمان مانگ دەبێت.

جێی باسە یاریگەی شەهید فڕەنسۆ ماوەی 8 مانگە لە ژێر نۆژەنكردنەوەدا بوو و ئێستا بە جوانترین شێوە ئامادەیە بۆ لە باوەشگرتنی یارییەكانی خولی بژاردە

PNA – پێش كه‌مێك له‌ لوتكه‌ی یارییه‌كانی خولی پله‌ نایابه‌كانی عێراق كۆمه‌ڵه‌ی یه‌كه‌مدا یانه‌ی هه‌ولێر به‌ گۆلێكی بێ به‌رامبه‌ر له‌ یانه‌ی قوه‌جه‌وییه‌ی برده‌وه‌ز
له‌ یاریگای (قوه‌جه‌وییه‌) له‌ شاری به‌غدا یانه‌ی قوه‌جه‌وییه‌ میوانداری یانه‌ی هه‌ولێر كرد ، تیادا یانه‌ی هه‌ولێر به‌ گۆلێكی بێ به‌رامبه‌ر  سه‌ركه‌وتنی به‌ده‌ست هێنا ، تاكه‌ گۆلی یارییه‌كه‌ له‌ رێگای یاریزان (یاسر ره‌عد) له‌ خوله‌كی (46) تۆماركرد.

به‌م سه‌ركه‌وتنه‌ش یانه‌ی هه‌ولێر كۆی خاڵه‌كانی به‌رزكردوه‌ بۆ (73) خاڵ و له‌ پێشه‌نگی ریزبه‌ندی كۆمه‌ڵه‌ی یه‌كه‌م خولی پله‌نایابی عێراق مایه‌وه‌ ، و یانه‌ی قوه‌جه‌وییه‌ كۆی خاڵه‌كانی وه‌كو خۆی مایه‌وه‌ به‌ كۆكردنه‌وه‌ی (69) خاڵ له‌ ریزبه‌ندی دووه‌می خوله‌كه‌دا مایه‌وه‌.

ئه‌نجامی یارییه‌كانی تر

زاخۆ × دهۆك (1-1)
كه‌ركوك × موسڵ (0-2)
كاره‌با × زه‌ورا (0-1)