بابه‌ت: به‌لێن بده
به‌لێن بده
كه تاریكیم بۆ رانه‌خه‌یت
به‌ڵێن بده :
كه شه خته به‌ند نا كه یته به‌ر پێم
منیش .. به‌ڵینت پێ ده‌ده‌م
دان به رابردووما بنێم
پێش چاوی تۆ ..
له په‌رداخی وه‌نه‌وشه‌یی
چاوی ترم پێك هه‌ڵداوه
پێش نامه‌ی تۆ ..
قژی گه‌لێك نامه‌ی ترم داهێناوه !
پێش ژوانی تۆ
زۆر ژوانی تر رێگای دووریان پێ بریوم
شاعرێك بووم
گه‌رووی وشكم
به دوای قومێك ئاوا وێل بوو
بۆ بارانی هه‌ر ئاسمانێك نوشتامه‌وه ،
ئاوی لێل بوو
گه‌ر ئه‌ته‌وێ
خوێنی ده‌ماری شعرم بیت
داستانێك بیت بێ كۆتایی
گه‌ر ئه‌ته‌وێ ..
خۆشه‌ویستیت
به دوای دا نێت ، ماچی زه‌ردی مالئاوایی
به‌لێن بده ..
هه‌ناسه‌م بیت .. سێبه‌رم بیت .. بارانم بیت
تاكو منیش شانۆی كۆنم جێ بهێلم
ده‌مامكی رووم فرێ بده‌م ..
دوو بالی پڕ خۆشه‌ویستیم
له گه‌ردنت گرێ ده‌م ..
عبدالله په‌شێو
له‌لایه‌ن هونه‌رمه‌ندی کۆچ کردوو (مه‌رزیه فه‌ریقی) کراوه به گۆرانی
کـاتـێـک ژیـان سـه‌د هـۆکـارم نـیـشـان ده‌دات بـۆ گریان و ئازار . .
مــن هه‌زار هۆکاری نیشان ده‌ده‌م بۆ خه‌نده و ژیانێکی به‌ختیار . . !
