درەنگ هاتی

زۆر درەنگ بوو كە پێت وتم بم بەخشە

بەخشینێك ناسكتر لە بەهار و

زەرد تر لە گەڵاكانی پایز

سارد تر لە سەرمای زستان و

جوانتر لە ژیان

من مرۆڤێكی پایزیم

كەچی ناتوانم كەس بوەرێنم

عاشقێكم تینوم لە تۆ و ئەو

هەرچەند دەكەم ناتوانم بت ڕەنجێنم

ونبووم لەناو گەڵا زەردەكانی پایز و

زەرد بووم لە تۆ و شین بووم لە ئەو

مرۆڤێكم لە بەرگێكی جوانەوە تۆ دەبینم

لە درەنگانێك كە نە بە هی ئێوارە دەچێت و

نە بە هی كۆتایی تەمەن

لە وشەی ناسك و پەڕەی گوڵ دەت نەخشێنم

مرۆڤێكم لەو دیو دونیای خەیاڵەوە نەهاتووم

تاكو زوو زوو لە خەیاڵێكی بێمانا بت ڕەنجێنم

توانا عومەر