بابه‌ت: < یادی جاران >
< یادی جاران >
چه‌ند ڕۆژێكه یادی جاران
ده‌مداته ده‌ست
ڕه‌شـه‌بای به‌تینی ترسه‌وه،
غه‌رقى زه‌ریای ته‌نیایم
شه‌قـام شــه‌قام ڕێ ئه‌كه‌م
به‌دڵێكی وه‌ڕسه‌وه،
له ڕاوی به‌خته‌وه‌ریدام
وەلێ نه ده‌یبینم
نـه‌یش خـۆی ده‌دا به‌ده‌سته‌وه،
هاكا ڕۆژێ كه‌وتم
چه‌ند خۆشه بێیت و
ده‌ستت بێنی
بڵێی هه‌سته‌وه،
غه‌ریبی ڕابردوومان ده‌كه‌م
چ هێزێ بــۆ گه‌ڕاندنه‌وه‌ی
شریتی ته‌مه‌ن
دوای دنیـایه‌ك بێ ئومێدی
ده‌مگه‌ڕێنـێـته‌وه نێو پێناسه‌ی
تاكه‌كه‌سیته‌وه؟!
چی ده‌مانباته‌‌وه شه‌قامه
ته‌واو نه‌كراوه‌كه‌و
كه تۆ ده‌ناسم میلی كاتژمێر
له پێنج و بیستوویه‌ك و
خـۆر بـه‌ر له ئاوابوون
به ئاسمانه‌وه ده‌به‌ستێته‌وه؟!!
سه‌رهه‌نگ موحسین
18-09-2010، هه‌ولێر.
:(:(:(:(:|