بابه‌ت: مه‌یلی ووڵات
چه‌ند ڕۆژێكــه ، دڵم مه‌یلی ئێوارانی ووڵات ده‌كا
چاوم مه‌یلی سه‌رچنار و شنه و ئاوی ووڵات ده‌كا
چۆن بیر ده‌چن باده‌ی ئه‌وێ و چپه و ڕازی دڵدارانی
گه‌ڵای زه‌ردی پیره دار و كوانووی گـــه‌رمی دڵدارانی
خۆزگه ده‌كرا له‌سه‌ر باڵی گۆرانیه‌ك ده‌هاتمه‌وه
له شه‌قاما ، له كۆڵانا ، وه‌ك مناڵی ده‌خولامه‌وه
ئه‌ی نیشتیمان قه‌زای به‌فری كـــــوێستانه‌كه‌ت له ئێره خه‌م
قه‌زای هۆبه‌ی گه‌رمیانه‌كه‌ت ، سه‌د هه‌زار جار له ئێره خه‌م
چۆله‌كـــه‌ی سه‌ر هه‌ر چڵێكت ، سه‌د كـــه‌ناری ئێره دێنێ
شه‌رم و بزه‌ی هه‌ر شۆخێكت ، سه‌د فریشته‌ی ئێره دێنێ
ئه‌ی نیشتیمان ئێمه بێ تۆ ، ڕووبارێكین ، ڕۆخمان كوژراو
ئێمه لێره ، ئێمه بێ تۆ ، به‌هــــارێكین ، گـــــوڵمان كوژراو
ئه‌ی كوردستان دۆزه‌خیش بی ، هه‌ر به‌هه‌شتی ئێمه‌ی به‌خوا
خوێنمان بۆ تۆ ، دڵمان بۆ تۆ ، تۆ به‌هــــه‌شتی ئێمه‌ی به‌خوا
(اسماعیل خورماڵی - مه‌یلی ووڵات)
