بابه‌ت: دره‌نگ نییه
[center][size=18]دره‌نگ نییه
(1)
خۆشه‌ویستم !
که ژووره‌که‌م جێده‌هێڵیت
تیشکی خۆر له ژووره‌که‌ما
بوخچه‌ی خۆی ده‌پێچێته‌وه
میلی سه‌عات
خولی له یاد ده‌چێته‌وه
که ژووره‌که‌م جێده‌هێڵی و له‌لام ده‌ڕۆی
هه‌ر چوار ده‌ورم،وه‌ک داره مه‌یت
هه‌ستی سڕم ده‌گرێته خۆی
له په‌نجه‌ره‌و ده‌رگاکه‌وه
بۆ قورگم دێ ده‌ستی زریان
کتێبخانه‌ی بچکۆڵانه‌م
دیواره‌کان
هه‌موو یه‌ک یه‌ک دێنه گریان
له‌گه‌ڵ مندا دێنه گریان
(2)
خۆشه‌ویستم !
دنیا سارده ... ئاو شه‌خته‌یه...
دڵی ته‌نیام هه‌ڵپه‌یه‌تی
بۆ لێوێکی گه‌رم،گه‌رم
گه‌رم وه‌کو پشکۆی په‌تی
(3)
چ ڕوده‌دا با ڕوبدا !
دڵنیابه ، جێم مه‌هێڵه
باوه‌شی من – به هه‌شتێکه
ده‌تپارێزێ له ڕه‌هێڵه
جێم مه‌هێڵه...
دره‌نگ نییه
با نیگای چاو دڵنیا بێ
ئێستا...خۆرت بۆ ڕاده‌گرم
ناهێڵم وا زوو ئاوابێ !
.....................
عه‌بدوڵڵا په‌شێو[/size][/center]
نازانم بۆ قسه یكم بۆ وتن نییه هیچ ناڵێم .....ته نیا یه ك شت نه بێ
ئه ڵێم خودایه هه رگیز جێم مه هێڵه من هه میشه موحتاجی تۆم .. [/center]
