نامه‌یه‌ك له‌ قوتابیانه‌وه‌!!!!!!!!!!!

له‌ یه‌ك ملیۆن و قسور که‌سه‌وه‌
به‌یه‌ك هاوار و یه‌ك نه‌فه‌سه‌وه‌
له‌ قوتابیان و خوێنکارانه‌وه‌
... ... له‌ بنه‌ڕه‌تی و ئێوارانه‌وه‌
نامه‌ ده‌نێرین نیوه‌ی سکاڵا
بۆ وه‌زاره‌تی خوێندنی باڵا
نیوه‌که‌ی تری پڕ داخ و ده‌رده‌
بۆ وه‌زاره‌تی عامی په‌روه‌رده‌
ئه‌گه‌ر ئه‌م نامه‌ گه‌یشته‌ لاتان
جوان بیخوێننه‌وه‌ بۆ خاتری خواتان
هه‌رچه‌ند نامه‌که‌ش زیاد و بێسووده‌
هه‌ر سه‌ر ئێشه‌یه‌و ڕه‌نجی بێ هووده‌
چونکه‌ له‌ ده‌ردی ئێمه‌ نازانن
هه‌ر له‌سه‌ر ڕیتم و به‌زمی خۆتانن
عاله‌م گه‌یشتوه‌ته‌ لوتکه‌ی عیلم وفه‌ن
ئێوه‌ش خوێندنتان لێ کردین به‌په‌ن
ئه‌م هه‌موو کێشه‌ و گیرو گرفته‌
دێته‌ ڕێگاتان ده‌یخۆن وه‌ك کفته‌
زانکۆ و په‌یمانگا هه‌ر وه‌ك خۆیه‌تی
ئه‌مساڵیش خه‌ریج باوکه‌ ڕۆیه‌تی
خوێندنی خێرا و ناوه‌ندی و کۆلێژ
به‌ده‌ست ئێوه‌وه‌ بوون به‌ مه‌ڕی گێژ
هه‌موویان به‌رزه‌ ده‌نگی داوایان
تا بنه‌ڕه‌تری و باخچه‌ی ساوایان
ده‌ ئێوه‌ش تۆزێ ویژدانتان هه‌بێت
تا که‌ی خوێندنگا ڕه‌حله‌ی تیا نه‌بێت؟
ئاخر ئێوه‌ زۆر هه‌زه‌لی و خۆشن
بۆچی کتێبی تازه‌ ده‌فرۆشن ؟
وه‌عدی زه‌به‌لاح مه‌ده‌ن به‌ خه‌ڵکی
مه‌نهه‌جێك وابێت کامه‌یه‌ که‌ڵکی ؟
باقی وه‌سه‌لام پێشنیار ده‌که‌م
خۆتان چاك نه‌که‌ن ئینتیحار ده‌که‌م!!

سه‌رچاوه‌
توی مه‌لیك