گولم له‌و رۆژه‌وه‌ی که‌ دلت بردوم

بوی به‌ خه‌یالی شه‌وانم و نه‌نوستوم

له‌و چرکه‌ ساته‌ی که‌ ده‌نگم بیستوی

هێنده‌ی قولای ده‌ریا خۆشم ویستوی

گولم خۆشم به‌و راده‌ خۆش نه‌ویستوه‌

له‌سه‌ر دلم ناوی تۆم هه‌لکه‌ندووه‌

ئی دی تۆش بمکه‌ به‌ گلێنه‌ی چاوه‌کانت

تالێت نه‌ترازێم بمبه‌سته‌ به‌ قژی خاوت

له‌ وولاتی ئه‌م خۆر ئاوایه‌ تۆ شک ئه‌به‌م

له‌ شه‌وانی پر ته‌نیایم هانات بۆ ببه‌م

تۆم گه‌ر نه‌ بێ غوربه‌ت پر زامم ده‌کا

ده‌نگی تۆ نه‌بێ هیچ ئاوازێک شادم ناکا

گه‌ر عیشقی پیرۆزی تۆ نه‌ ده‌بوو

ئیلهامی شعرێکی ئاوام له‌ کوێ بوو

ئه‌رده‌لان گیان رۆحی تۆ چرۆیه‌ک بوو ، ته‌مه‌نت تازه‌ سه‌ره‌تا بوو ، زوو جێت هێشتین له‌ چه‌ند شوێن و سه‌فه‌رێک یادگاری هاورێیه‌تیم دێته‌وه‌ یاد ، ئه‌و شوێنانه‌ی تۆم لێی دێته‌وه‌ یاد فرمێسک له‌ چاوانم ناوه‌ستێت ، دڵنیابه‌ تۆ به‌ سه‌ربه‌رزی ئێمه‌ت جێ هێشت قه‌ت سه‌رشۆری هیچ که‌س و حزب و حوکومه‌تێکت نه‌ده‌کرد،خه‌م خۆری فه‌قیروو لهێقه‌وماوانی لاوان و که‌سان و میله‌تی کورد بووی ، ئێستاکه‌ له‌وه‌ته‌ی هه‌واڵی کۆچی مه‌رگی تۆ بیستووه‌، هه‌موو چرکه‌یێك ،ده‌نگی تۆی برام به‌ گوم دا دێتوو ده‌چێت هه‌ر که‌ باسی هه‌ر شتێک ئه‌که‌م هه‌ر تۆ دێیته‌ به‌رچاوانم،ئارام بخه‌وه‌ برا جوان و رو‌ح سوک و قسه‌ خۆشه‌که‌م ئارام بخه‌وه‌ ئه‌ی ئینسانی مه‌رد،،،دیاره‌ له‌ لای خوداش شیرن بوویت بۆیه‌ وه‌ها زوو کۆچت کرد . ئێمه‌ی مرۆڤ هه‌روه‌ک تۆ ڕێگای ئه‌م کاروانه‌ کۆتایی ته‌مه‌ن له‌ پێشه‌ ه‌ دێینه‌وه‌ بۆ لات . سه‌ربه‌رزن به‌ تۆ خودا به‌ به‌هه‌شتت شاد بکات سه‌بووری بۆ که‌س و کارو هه‌موو دۆستانت .قه‌د له‌ یادت ناکه‌ین.

سۆران سه‌فیر