چەورییەكـــانی پەنیر

رێژەی چەوری لەناو بەرهەمە جیاجیاكانی ئەلباندا Dairy products جیاوازی هەیە و زۆربەی هەرە زۆری چەورییە تێرەكانن كە دەبنە ئەگەری بەرزبوونەوەی ئاستی كۆلیستیرۆلی خوێن و تووشبوون بە نەخۆشی دڵ. ژمارەیەكی یەكجار زۆر لە جۆرەكانی پەنیر لە بازارەكاندا هەیە، بۆ نموونە تەنها لە فەرەنسادا پتر لە 300 جۆری پەنیر هەیە. زۆربەی هەرە زۆری جۆرەكانی پەنیر رێژەیەكی بەرزی چەوری لەخۆدەگرن كە دەگاتە 20-40% یان 20-40 گرام لە هەر 100 گرام پەنیردا، لە هەندێك جۆری تردا. ئەم رێژەیە كەمترە ئەگەر هەوڵ دەدەیت كە تەندروستییانە سەبارەت بە خواردنی پەنیر بڕیار بدەیت، پێویست ناكات كە واز لە خواردنی بێنیت، بەڵكو بڕیار لەسەر ئەوە بدە كە چەند پەنیر و چەند كەڕەت و كام پەنیر دەخۆیت. بۆ نموونە هەوڵ بدە كە كەم كەم و درەنگ درەنگ پەنیر بخۆیت، یان هەوڵ بدە كە پەنیری كەم چەوری هەڵبژێریت كە رێژەی چەورییەكەی لە نێوان 10-16% دایە. ئەگەر دەتەوێت كە چەورییە تێرەكان كەم بكەیتەوە، شیر لە جیاتی پەنیر بخۆ، چونكە شیركەم چەوری كە رێژەكەی دەگاتە نزیكەی 1% یان شیری بێ چەوری كە رێژەكەی دەگاتە تەنها 0.15- 0.5% هەموو پێكهاتە خۆراكییە گرنگەكانی ئەلبان لە كالسیۆم و پرۆتین و ڤیتامین و كانزاكان لەخۆدەگرێت. نابێ ئەوەش لە یاد بكەین كە هەندێك بەرهەمی ئەلبان رێژەیەكی بەرزی خوێ لەخۆدەگرن، لەو كاتەی كە رێژەی بەرزی خوێ ئەگەری بەرزبوونەوەی پەستانی خوێن زیاد دەكات. هەندێك جۆری ئەلبانیش بەتایبەتی شیر، رەنگ و چێژ و شەكریان تێدەكرێت، شەكری زیادیش زیانبەخشە بۆ تەندروستی بە گشتی و بۆ ددانەكان بەتایبەتی. بە هەرحاڵ، بە خوێندنەوەی زانیارییە خۆراكییەكانی سەر قوتووی ئەلبان، بڕیاری بەكارهێنان یان بەكارنەهێنانی بدە بە گوێرەی رێنماییەكان و باری تەندروستی خۆت.

gulan

به‌سه‌ .. ماندوبووم

كوردستانی خۆشمان لە دیمەنی سەرنجڕاكێش كەمتر نییە لە ناوچەكانی دیكەی جیهان، ئەوەی لەو وێنەیەدا دەبینن یەكێكە لە حاڵەتە سەیرەكان كە بەسەر گوێدرێژێكی بەستەزماندا هاتووە! لە شارۆچكەی مەخموور، كە دەكەوێتە باشووری شاری هەولێر، وادیارە باری ئەم گوێدرێژە زۆر دەبێ و لە توانای خۆی نابێ، لە شەكەتیان لە هۆش خۆی چووە.

دوای هێنانە خوارەوەی بارەكە لەسەر پشتی گوێدرێژەكە، چەند دەبەیەك ئاوی ساردی پێدادەكەن، گوێدرێژەكە بەهۆش خۆی دێتەوە، رەنگە دوای بەهۆش هاتنەوەی كە چاوی بە بارەكە بكەوێ، بڵێ خۆزگە بەهۆش نەهاتبماوە.

گولان

[size=16]خانووێك له‌ بوتل

له‌زۆبه‌ی وڵاتان که‌لوپه‌لی له‌ کارکه‌وتوو فرێده‌د‌رێت به‌بێ ئه‌وه‌ی سوودی لێوه‌ربگیرێت که‌چی له‌ هه‌ندێ وڵات هه‌وڵده‌درێت به‌شێوه‌یه‌کی زۆر جوان سوود له‌و که‌لوپه‌لانه‌ وه‌ربگرێت.

بۆ نموونه‌ له‌ وڵاتی مه‌کسیك هاوڵاتیه‌ك بیری له‌وه‌ کرده‌وه‌ که‌ چۆن سوود له‌ بوتڵی بیبسی به‌تاڵ وه‌ربگرێت، کاتێ بینی زۆربه‌ی بوته‌ڵه‌کان فرێده‌درێت و ئه‌و هاوڵاتییه‌ ئه‌و ‌ بوتڵه‌ به‌تاڵانه‌ی کۆکرده‌وه‌ به‌مه‌بستی درو‌ستکردنی خانوو و بیرۆکه‌که‌ی سه‌رکه‌وتوو بوو و توانی خانوویه‌کی جوان بۆ خۆی دورست بکات هه‌ر وه‌کو له‌ وێنه‌که‌ دیاره‌.

zagrostv[/size]