[size=16]
درێژترین و كورترین ناوی شوێن!

لە هەر شوێنێك بۆ رێنمایی و ناسراو كردن ناوی ئەو شوێنانە دەنووسرێن كاتێك لە بەردەم هەر شوێنێكی دانیشتن وەك شار – گوند – شەقام یان هەر شوێنێك بۆ ئەوەی ناسراو بێت، ئەمەش لەسەر شەقامە سەرەكییەكان دادەنرێت بۆ ئەوەی ئەو شوێنەی پێوە بناسرێت. كەچی لەهەندێك شوێن ناوی سەیر و تایبەت هەن، وەك ئەوەی ناوێكی درێژ بێت یان ناوێكی كورت، لە جیهاندا دوو شوێن هەن هەر یەكە ناوێكی سەیری لە خۆ گرتووە. ئەوەی یەكەم لە وڵاتی نەرویجە و ناوی دانیشگەیەكی بچووكە، ئەوەی سەیر بێت ناوەكە تەنیا بریتییە لە پیتێك ئەویش پیتی (ئەی) بە ئینگلیزی یان بە زمانی خۆیان نوسراوە. ئەوەی دوومیش بریتییە لە ناوی گوندێك لە وڵاتی هەنگارییا، ئەگەر سەیرێكی تابلۆیەكە بكەیت هەرگیز ناتوانیت بە تەواوی بیخوێنیتەوە!

[/size]

[size=16]دار خــــورمــــا سەیرەكان

شتە سەیرەكان لە ناكاوێك دەبینرێت و دەردەكەوێت، بەمەش دەبێـتە كەرەستەیەك یان بابەتێك بۆ هەواڵێكی سەیر وتایبەت، بۆی لە رێگەی دۆزینەوەی شتەكان یان دروست كردن یان بەهرەكان دەتوانین كارە تایبەتەكان دەربخەین بۆ گشت كەسێك كە جێگەی سەرەنجراكێشی بێت.
یەكێك لەو شتە سەیرانە بریتییە لە (داری خورما)، وەك دەزانین داری خورما بە راستی گەشە دەكات و، بەرەو ئاسمان بەرز دەبێـتەوە. كەچی ئەو چەند دارە جیاوازیان هەیە لەگەڵ هەر دار خورمایەك، چونكە هەر یەكێكیان بە شێوەیەك گەشەی كردووە، یەكێكیان بە درێژایی زەوی رۆیشتووە و دواتر بەرەو ئاسمان بەرز بۆتەوە!

گولان

[/size]

[size=16]شێخێكی ئیماراتی "فیل"ێكی به‌ 450 ملیۆن یۆرۆ كرِی

لە دوای ژمارەی خۆیدا رۆژنامەی(كۆریرا دیلا سیرا)ی، ئیتاڵی هەواڵی ئەوەی بڵاوكردەوە كە یەكێك لە بنەماڵەی ئال نهیانی ئیماراتی لە گفتوگۆیەكی چڕ و گەرمدایە بۆ كڕینی فیلێك بەناوی(چیر تۆزا) كە هی سەرۆك وەزیران ئیتاڵیا سلڤیۆ بەرلسكۆنییە.

رۆژنامەكە ئاماژەی بەوەشدەدا كە نرخی فیلەكە تەنیا 450 ملیۆن یۆرۆیە، كە ئەمەش بۆتە مایەی قسە و دەنگ لە نێو نێوەندەكانی وڵاتی ئیتاڵیا ئەو كەسە ئیماراتییەی كە یەكێكە لە بنەماڵەی ئال نهیان بۆ كڕینی فیلەكە سێ كەسی وەكو شاندێك رەوانەی لای بەڕێوەبەری كارە بازرگانییەكانی برلسكۆنی رەوانە كردووە.

گولان

[/size]

[size=16]

باوكێكی ئیتاڵی دەستگیرانی كوڕەكەی خۆی، بۆ خۆی دەڕفێنێت
بە پێچەوانەی داب و نەریت و بەها ئەخلاقییە جێگرەكانی هەموو جیهان و بگرە ئەوڕوپاش، باوكانی ئیتاڵیا هەمیشە و بەردەوام لە ململانێیەكی سەختدان لەگەڵ كوڕەكانیان و ئارەزوو ناكەن كوڕەكانیان پێش خۆیان بكەون لە ژیاندا بەتایبەت شتە مادی و مەلموس و بەرجەستەكان، بە دەگمەن دەبیندرێ باوكێكی ئیتاڵی گەورەیی و دەست رۆیشتی و پیاوەتی كوڕەكەی بەهی خۆی بزانێت، لەم ماوەیەی دواییدا كوڕێكی ئیتاڵی خوازبێنی كچێك دەكات و دوای پێك هاتن و رەزامەندی، هەردوولا لە ماوەی دەستگیرانیدا دەبن دوای چەند رۆژێك بەسەرماوەی دەستگیرانی تێپەڕدەبێت، باوكی كوڕەكە ئێرەیی بە كوڕەكەی دەبات و بە نهێنی دەكەوێتە ململانێی كوڕەكەی و نەخشە دادەنێ چۆن دەستگیرانەكەی بۆ خۆی بدزێت، ئەوەبوو باوكی كوڕەكە توانی نەخشەكەی سەكەوێ و كچەكەی بۆ خۆی رفاندووە، كە ئەمەش بووە تەمایەی ئەوەی كوڕەكەی تووشی شۆك و خەمۆكی بكات و بێز لە خۆیی و ئیتاڵی بوونی خۆی بكاتەوە لەبەردەم پۆلیس بۆ رۆژنامەنووسان قسەی كردووە و گوتوویەتی نامەوێ لە وڵاتێك بژیم باوكان راوی دەستگیرانی كوڕەكانیان بكەن و ببنە مافیای حەز و ئارەزوو موڵك و هاوسەری ئەوان.

gulan[/size]