[size=16]
خورما بۆ تەندروستی ئێسكەكان

خورما Dates سەرچاوەیەكی دەوڵەمەندی ریشاڵی رووكییە، مرۆڤی پێگەیشتوو رۆژانە 20- 35 گرام ریشاڵی پێویستە. ریشاڵی رووەكی دوو جۆری هەیە ریشاڵی تواوە و نەتواوە، هەر یەكێكیان سوودی تەندروستی تایبەتی هەیە.جۆری تواوە كۆنترۆلی نەخۆشی شەكرە دەكات بەوەی كە ئاستی شەكری خوێن دادەبەزێنێت، هەروەها ئاستی كۆلیستیرۆل دادەبەزێنێت بەتایبەتی كۆلیستیرۆلی خراپ. جۆری نەتواوە تێكڕای جوولەی خۆراك لە ریخۆڵەدا تاودەدات و دژی قەبزی كاردەكات. رێژەی كاربۆهیدرات بە شێوەی شەكر لە خۆرمادا دەگاتە نزیكەی 73%، خورما هەر سێ شەكری فركتۆز و گلوكۆز و سوكرۆز لەخۆدەگرێت كە لەش بە ئاسانی سوودیان لێ وەردەگرێت، بۆیە خورما بە سەرچاوەیەكی دەوڵەمەندی وزە دادەنرێت. خورما سەرچاوەیەكی باشە بۆ پۆتاسیۆم كە زۆر گرنگە بۆ گرژبوونی ماسولكەكانی لەش و ماسولكەی دڵ و كۆئەندامی دەمار و دابەزاندنی پەستانی خوێن. خورما گەلێك ڤیتامین لەخۆدەگرێت وەكو ڤیتامینB1، ڤیتامینB2، ڤیتامینB5، ڤیتامینB6، ئەم ڤیتامینانە گرنگی تەندروستی زۆریان هەیە لە دروستبوونی هیمۆگلۆبین و خڕۆكە سوور و سپییەكانی خوێن، هێشتنەوەی ئاستی شەكری خوێن. هەروەها خورما مەگنسیۆمی تێدایە كە زەروورە بۆ تەندروستی ئێسكەكان، ئەمە جگە لە ئاسن كە گرنگە بۆ دروستبوونی خڕۆكە سوورەكانی خوێن. لەگەڵ هەموو ئەمانەدا، خورما هیچ چەوری و كۆلیستیرۆلی تێدا نییە.

GullaN

[/size]

[size=16]

چه‌ند پسپۆرێكی نه‌رویجی له‌میانی لێكۆڵینه‌وه‌یه‌كدا گه‌یشتنه‌ ئه‌و راستییه‌ی كه‌ خواردنی میوه‌ و سه‌وزه‌وات كاریگه‌رییه‌كی زۆری بۆسه‌ر له‌ناوبردنی زیپكه‌ (حب الشباب) هه‌یه‌. له‌مباره‌وه‌ ئه‌ندریز هالفۆرسین له‌ زانكۆی ئۆسلۆ روونیكرده‌وه‌ كه‌ خواردنی سه‌وزه‌ و میوه‌جاتی تازه‌ زیپكه‌ی سه‌ر جه‌سته‌ی كچان و كوڕان له‌ناوده‌به‌ن و رووخسارێكی ساف و لووسیان پێده‌به‌خشن. هه‌ربۆیه‌ ناوبراو ئامۆژگاری كوڕان و كچانی گه‌نج ده‌كات له‌پێناو رزگاربوون له‌ زیپكه‌ سه‌وزه‌وات و میوه‌جاتی تازه‌ و نوێ بخۆن.

DurGa

[/size]

[size=16]باوكێك مەرجێكی سەیر بۆ بە مێرد دانی كچەكەی داده‌نێت

KTV ...

ئەردەوان زۆرەگڤانی .. پیاوێكی عەرەبستانی سعودى داوای لەو گەنجە كردووه‌ كە بریارە بچێتە داخوازی كچەكەی پاره‌ى تەواوی ئەو سه‌رپێچیانه‌ى كه‌ كچەكەی له‌كاتى لێخورینى ئۆتۆمبێل ئه‌نجامى داوه‌ له‌برى كچه‌كه‌ى بیدات، به‌ر له‌وه‌ى ئه‌م كوڕه‌ كچه‌كه‌ى ماره‌ بكات مارەى بكات.

بە پێی هەواڵی"ئەل شهر ئیمارات الیوم"باوكێكى سعوودی لە رۆژی مەراسیمی داخوازی كچەكەی دا ووتی:ئەم مەرجانەم بۆیە پێشنیاركردووە تا ئەم گەنجە بە خۆیدا بچێتەوە و  كۆنترۆلی ژیانی هاوسەرگیری خۆی بكات و هیچكاتیش سەرپێچی لە یاسا نەكات و لە كاتی بە سەر چوونی ماوەی مۆلەتی شوفێری بە زوترین كات مۆڵه‌ته‌كه‌ى نوێ بكاتەوە.

به‌كورتى كابراى  زاواش  چونكه‌ كچه‌ى خۆشده‌وێت و لە قسەكانی باوكی  كچه‌ تێده‌گات، به‌ڵام   بۆئەوەی لەگەڵ خۆشەویستەكەی ژیانی هاوسەرایه‌تی پێك بێنێت ناچار دەبێت بری 5 هەزار ریاڵی سعوودی له‌برى كچه‌كه‌ ده‌دات.

[/size]

[size=16]تابلۆیه‌کی جوان

زۆر جار هونه‌ر‌مه‌ندان له‌رێگه‌ی فڵچه‌کانیان تابلۆی جوان ده‌کێشێن که‌ده‌بێته‌ مایه‌ی سه‌رنج راکێشانی بینه‌ران زۆر جار ‌تابلۆکان چه‌ندین وێنه‌ی شاراوه له‌خۆ ده‌گرێت‌.

که‌ته‌نها خودی ئه‌و هونه‌رمه‌نده‌ لێی تێده‌گا که‌وێنه‌که‌ی کێشاوه‌، گرنگ ئه‌وه‌ی لێره‌ مه‌به‌ستمانه‌ تابلۆیه‌که‌ هیچ وێنه‌ی شاراوه‌ی له‌ناودانیه‌ له‌هه‌مان کاتیشدا به‌فڵچه‌و بۆیه‌ نه‌کێشراون به‌ڵکو له‌رێگه‌ی به‌کار ‌هێنانی ده‌ستی مرۆڤی ئاسایی له‌گه‌ڵ رووناکی تابلۆیه‌کی زۆر جوانمان نیشان ده‌ده‌ن که‌ چه‌ندین ماناو مه‌دللول ده‌بخشێت.

زاگرۆس[/size]

[size=16]ئه‌حمه‌د شه‌ماڵ  ،،، رایدۆی  نه‌وا

شه‌ماڵ ناوی ته‌واوی "ئه‌حمه‌د مه‌حموود"ه‌ و به "ئه‌حه‌ی خوله‌سنه‌یی" ناسراوه، له ساڵی 1923 له گه‌ڕه‌كی سه‌رشه‌قام له‌ شاری سلێمانی له خێزانێكی هه‌ژار له‌دایك بووه. له‌سه‌ره‌تادا ده‌خرێته حوجره بۆ خوێندنی قورئانی پیرۆز ، ئه‌وكات حوجره‌كان بڕه‌وێكی زۆریان هه‌بووه، له‌به‌ر هه‌ژاری وازی له‌ خوێندن هێناوه و ده‌ستی به‌كاركردن كردووه و ئاواره‌ی ئه‌م شارو ئه‌و شار بووه‌ ، خه‌م و كه‌سه‌ر و مه‌ینه‌ت بۆته‌ به‌شێك ، له‌ژیانی ئه‌م كه‌ڵه‌هونه‌رمه‌نده، شه‌ماڵ هه‌ر له‌ سلێمانی ژنی هێناوه و چه‌ند منداڵێكیشی‌ هه‌بووه. له‌ساڵی 1953دا ده‌ستی به‌كاری هونه‌ریی كردووه، پاش ئه‌وه‌ی خه‌ڵكی‌ گوێبستی ده‌نگی ئه‌و هونه‌رمه‌نده بوون خه‌ڵكانێكی زۆر خۆشیان ویستووه‌، له‌گه‌ڵ‌ زۆربه‌ی هونه‌رمه‌نده‌كانی  سه‌رده‌می‌ خۆیدا گۆرانی وتووه، وه‌كو ماملێ و زیره‌ك و مه‌ردان. زۆرن ئه‌و كه‌سانه‌ی، كه به ئامێره‌ ناسكه‌كانیان یارمه‌تیانداوه، وه‌كو هونه‌رمه‌ند سمكۆ به‌ساز ئومێدو ڕه‌‌‌حیم به‌نه‌ی و ئیسماعیل به‌ زه‌ڕب و عوسمانی‌ برای ، به‌لێدانی زه‌ڕب .
هونه‌رمه‌ند ئه‌حمه‌د شه‌ماڵ دۆستایه‌تیه‌كی نزیكی له‌گه‌ڵ هونه‌رمه‌ند حه‌سه‌ن زیره‌ك دا هه‌بووه و وه‌ك خۆی توویه‌تی هه‌ر كاتێ زیره‌ك سه‌ردانی عێراقی بكردبێت‌ سه‌ری له وانیش ‌ده‌دا و ماوه‌یه‌ك له‌لایان ‌ما‌وه‌ته‌وه‌ و چه‌ندین ئاهه‌نگیان پیكه‌وه ‌گێڕاوه‌، به‌ڵام به‌داخه‌وه ئه‌و ئاهه‌نگانه تۆمار نه‌كراون.

شه‌ماڵ‌  زۆر جار له‌ ئاهه‌نگه‌كانیدا باسی هونه‌ره‌كه‌ی زیره‌كی‌ كردووه‌و رێزی‌ لێگرتووه. ده‌توانین بڵێن، ئه‌حمه‌د شه‌ماڵ بۆشاییه‌كی گه‌وره‌ی له هونه‌ری كوردیدا پڕكردۆته‌وه، تاكه هونه‌رمه‌ندیشه، كه باسی ژیانی خۆی ده‌كات و زۆر له گۆڕانییه‌كانی ڕه‌نگدانه‌وه‌ی ژیانی خۆیه‌تی ، شه‌ماڵ له شانۆیی "مه‌ته‌‌دا" ڕۆڵی سه‌ره‌كی ‌بینوه‌و حه‌یران بێژێكی زۆر كارمه‌ش بووه،ئه‌م هونه‌رمه‌نده له‌ ماڵانداو له‌بۆنه‌كاندا كاره هونه‌رییه‌كانی خۆی‌ ئه‌نجامداوه.
به‌ڵام به‌و شێوه‌یه‌ش توانی ئه‌ستێره‌یه‌كی گه‌ش بێت له ئاسمانی مۆسیقا و هونه‌ری كوردیدا، ئه‌گه‌ر بۆ ساتێك گوێمان له‌ده‌نگی خۆشی و گۆرانییه‌كانی ئه‌م هونه‌رمه‌نده بێت، ئه‌وا بۆمان ده‌رده‌كه‌وێت، كه له‌چ ڕه‌وشێكدا ژیاوه و چه‌نده هه‌ژار بووه ، هه‌ر ئه‌و هه‌ژارییه‌ش‌ وای كردوه‌، گۆرانی بڵێ و هه‌میشه‌ش گله‌یی له چاره‌نووسی خۆی و سكاڵای له‌ چه‌رخی گه‌ردوون كردووه، وه‌ك ده‌ڵێ:
ئه‌ی گه‌ردوون قابیلی خۆته چه‌رخت بگێڕی
زۆر ناپیاوت كرده پیاو زۆر پیاویشت كرده خوێڕی

  هونه‌رمه‌ندی‌ گۆرانی‌ بێژئه‌حمه‌د شه‌ماڵ جگه له‌وه‌ی ، گۆرانییه‌كانی ڕه‌‌نگدانه‌وه‌ی ژیانی خۆین، هاوكات گۆرانی بۆ دڵداران و سروشتی كوردستانیش وتووه و كه‌سێكی نیشتمان په‌روه‌ر بووه ، شه‌ماڵ له ژیانی خۆیدا گه‌لێك كاری وه‌ك توتنچێتی و كاروانچێتی و حه‌ماڵی‌ و شوانیی كردووه و ژیانی هه‌میشه پڕبووه له ده‌رد و كه‌سه‌رو ناخۆشی، به‌ڵام له‌گه‌ڵ ئه‌وه‌شدا له‌نێو خه‌ڵكیدا به قسه‌خۆش ناوبانگی ده‌ركردووه و هه‌میشه قسه‌ی خۆش له‌سه‌ر زاری بووه، بۆیه خه‌ڵكانێكی زۆر خۆشیان ویستووه و هه‌میشه سه‌ردانیان كردووه، وێرای‌ ئه‌وه‌ی‌ له‌و سه‌رده‌مه‌دا هونه‌ر نرخی كه‌مبووه‌ و به‌شێوه‌یه‌كی كه‌م  سه‌یركراوه ، ئه‌مه‌ش زۆر ئازاری ده‌روونیان داوه‌.
ئه‌م هونه‌رمه‌نده دوای ئه‌و هه‌موو ده‌ربه‌ده‌ری و نه‌هامه‌تییه‌ی، كه له‌ ژیاندا دیویه‌تی‌ و هه‌میشه له‌باوه‌شی قات و قڕی و برسێتیدا ژیاوه، بۆیه چیدی له‌شه ماندوو و شه‌كه‌ته‌كه‌ی نه‌یتوانی به‌رگه‌ی ئه‌و باره سه‌خته‌ی ژیان بگرێ و له ڕۆژی 1997.04.03دا له‌ شاری سلێمانی له‌دوای ململانێیه‌كی زۆر له‌گه‌ڵ نه‌خۆشیدا چاوی لێكناو بۆ یه‌كجاری به‌جێی هێشتین و هه‌ر له سلێمانیش به ئاماده‌بوونی ئاپۆرایه‌كی‌ زۆر له‌ خزمو و هونه‌ردۆستانی‌ به خاك سپێردرا.[/size]