[size=16]*پیاوێ زه‌ره‌ری له‌ خه‌ڵکی دابێت،،دڵی ناسره‌وێ بۆ ته‌نها ساتێک.

*تۆ ده‌رون پاک به‌ گوی مه‌رده‌ره‌ که‌س،،گوێ له‌ واتای چاک بگره‌و ئیتر به‌س..

*دارێکی وشک له‌ به‌هاردا سه‌وز ئه‌بێته‌وه‌،،ته‌نها مرۆڤ ناتوانێت دوو جار گه‌نج بێته‌وه‌،،

*ئه‌گه‌ر له‌ پاداشت کردن ده‌ستت کورت بوو،، با له‌ سوپاس کردندا زمانت درێژ بێت..

*که‌سێ دڵ سۆزبوو بۆ هه‌موو که‌سێ،،ده‌رگایشی نه‌بێت له‌ دز ناترسێ..

*هه‌موو که‌سێ خۆی به‌ پیاو ئه‌زانێ،،خه‌ڵکی مه‌شکێنه‌ بۆ پارووه‌ نانێ..

*ئه‌گه‌ر باوک چنینه‌وه‌ نه‌زانێت،،کوڕیش چاندن فێر نابێت،،

*ناوبانگی چاک له‌ ڕوخساری جوان چاکتره‌..

*سه‌ر سوکی ئه‌وه‌یه‌ دوور بیت له‌ خه‌لکی خراپ..

*زانا ئه‌و که‌سه‌یه‌ له‌ نه‌زانه‌وه‌ فێری شت ئه‌بێت..

*ئه‌وه‌ی به‌ حه‌قی خۆی ده‌بێ ڕازی،،ناکه‌وێته‌ ده‌ست حاکم و قازی..

*ته‌نگانه‌ کاتی تاقی کردنه‌وه‌ی ده‌روونی ئاده‌میزاده‌..

*راستی یه‌ک ڕێگه‌ی هه‌یه‌ چه‌وتی هه‌زار..

*کاتێک جه‌نگیت ئاشتیت له‌بیر بێت،،

*چیت له‌ دلدایه‌ زمانت وا بێت،،هه‌وڵی ئه‌وه‌ت بێ واته‌ت ره‌وابێت..

*ستایش ئه‌وه‌یه‌ که‌له‌دوای مردنت وه‌ری ده‌گری...

*لاوازترین مرۆڤ ئه‌وانه‌ن که‌ ناتوانن نرخی خۆیان ڕاگرن..

*که‌م بخۆ له‌شت بێ عیلله‌ت ئه‌بێ،،که‌م بڵی سه‌رت سه‌لامه‌ت ئه‌بێت،،

*دۆستت به‌ره‌و ڕوو قسه‌ی ڕه‌ق ئه‌کا،،پاشمله‌ پیاوت له‌سه‌ر شه‌ق ئه‌کا..

*ڕزق له‌ ئاسمان نایه‌ته‌ زه‌وی،،شه‌رتی ئه‌وه‌یه‌ تۆ شوێنی که‌وی..

:lol::lol::lol::lol:;)
*شوێن كه‌وتنی نه‌ریته‌ كۆنه‌كان ئه‌وه‌ ناگه‌یه‌نێت كه‌ مردووه‌كان زیندوون ،به‌ڵكوئه‌وه‌ئه‌وه‌ئه‌وه‌ئه‌گه‌یه‌نێ كه‌ زیندووه‌كان مردوون.

*ئاگر مه‌كه‌ره‌وه‌ چون هه‌ركات ویستت بۆت ناكوژێته‌وه‌ .

*هه‌ركات ئیراده‌یه‌كی به‌هێزت هه‌بوو بزانه‌ خاوه‌نی هه‌موو شتیكیت .

*عه‌قڵ سه‌روه‌تێكه‌ هه‌موو كه‌س نرخی نازانێت .

*هه‌نگاوی یه‌كه‌م هه‌موو كات سه‌ختترین ده‌ستپیكه‌ ، به‌ڵام گه‌وره‌ترین ئازایه‌تی و ئاسوده‌یی یه‌.

*ده‌سپێكی هاوڕێیه‌تی ئه‌وه‌یه‌ ئه‌بێت له‌ پێشا خۆمان هاوڕێیه‌تی ده‌ربڕین .

*به‌رده‌وام له‌ ئێستا ئاسوده‌یی خۆت به‌ده‌ست بێنه‌ئه‌وكات له‌ داهاتوشدا ئاسوده‌ئه‌بیت.

*هه‌ڵه‌كردن ته‌جوروبه‌یه‌كه‌ به‌ڵام به‌رده‌وامی له‌سه‌ری گێژاوه‌.

*به‌خته‌وه‌رترین مرۆڤ ئه‌و كه‌سه‌یه‌ كه‌ كه‌سانی دی ئاسوده‌بكات .

*هه‌میشه‌ دوژمنه‌كانت ببه‌خشه‌ ، چون هیچ شتێك به‌قه‌ت به‌خشین ناڕه‌حه‌تیان ناكات.

*له‌ مردن مه‌ترسه‌ ،، له‌وه‌ بترسه‌ كه‌ بمریت و حازرنه‌بیت بۆ دیداری خالق.

*هه‌ڵه‌ كردن به‌شێكه‌ له‌ ژیان ،كه‌واته‌كاتی خۆت به‌فێرۆ مه‌ده‌ له‌به‌ر خاتری هه‌ڵه‌ كانت خۆت بێتاقه‌ت بكه‌یت.

*ڕاستگۆیی بكه‌ یه‌كه‌م هه‌نگاوی به‌رده‌وامیت بۆ به‌ده‌ست هێنانی ئاسوده‌یی .

*ڕقت له‌ تاوان بێته‌وه‌ ، نه‌ك له‌ تاوان بار.

*چێژ له‌ ژیانی خۆت ببینه‌ ،، بێ ئه‌وه‌ی بیر له‌ ژیانی كه‌سێكی دی بكه‌یته‌وه‌ .

*دوو شتت هه‌رگیز له‌بیر نه‌چێت : خوای گه‌وره‌ و ڕۆژی دوایی .

*دوشت له‌ بیر خۆت به‌ره‌وه‌ : چاکه‌ کردنت له‌گه‌ڵ خه‌ڵک ، خراپه‌ی خه‌ڵکی له‌گه‌ڵت

[/size]

[size=16][center]زۆر دەمێکە لەم غوربەتا
جەستەى مەرگ لە ناو تابوتى تەمەنما ڕاکشاوە
دۆزەخێک ئازار بە بەرزەخى پێکەنینما هەڵواسراوە
دوعا ژەهراویەکانم جەستەى پەریەکان بۆگەن دەکەن
ئەستێرە ڕزیوەکان لەناو دڵما هەرەس دێنن
قریشکەى دارستانە دوو ڕووەکان نیگەرانم دەکەن
بە کۆڵێک بیرەوەرییەوە
بە مێزێک شەرابی قومار بازە ئیفلیجەکانەوە
سەر شانەکانم پڕن لە قامچى نەیزەکەکان
دەستەکانم بونە جێگاى سەماى زریانەکانى زوڵم
دەمەوێ بەرەو لاى تۆ بێمەوە
کە چى دەنگێکى غەریب    دەنگێک کە غەریبترە
لە خەندەى ئیبلیس...... پێم دەڵێت :
باڵندە لانەوازەکە
کەم لە خۆر ئاوابوون بڕوانە
ئەى خێر نەدیوو لە چەپۆکى شەو
ئەى ئەو کەسەى لە پێکەنینتا خوێن دیارە
ئەى خۆشەویسترین هاوڕێى پاسەوانەکانى نائومێدى
بۆ کوێ دەڕۆى ؟
منیش بە دەنگێکى حەزین
حەزینتر لە مەرگى ئاسمان
پێی دەڵێم :
ئەى سەفەر ناسی لەزەت
ئەى میراتگرى خوێنى خۆر
ئەى مژدەبەخشی وردبوونى پەلکەزێڕینە
دەگەڕێمەوە بۆ جێ ژوان
ئاخ ..... ئاخ
تۆ نازانى لەم غوربەتا چەند بێزارم
دەمەوێت شەهامەتى یاخى بوون هەڵگرم
جەستەم بۆنى کوشتارگەى پەپولەکانى لێ دێت
بە تەنافى گوناهدا هەڵیان واسیوم
بە فەرمانى دەریاکان کتێبەکانى خنکان تەفسیر دەکەم
ڕوخسارم پڕ بوو لە نەفرەت
هەر دێمەوە
ئەگەر هەموو کۆرپەکانى تاریکى ڕێم لێ بگرن
پێکەنینەکانى سینەم لە بەر پێما یەک یەک بمرن
هەر دێمەوە
دێمەوەو تۆش سەیرى لێوى خەندە لێ تۆراوم بکە
من ئەو باڵندە بێ پەڕو باڵەم کە خەونم ناگاتە ئاسمان
ئیتر چۆن بە ناو شۆڕەبیەکانى ڕۆحتا شۆڕ نەبمەوە ؟
ئەى یار  ئەى نیشتیمان ئەى ئەزیزم
چەند سادەیە مەرگ لە دوورى
ژیان لە دوورى تۆ
خەونێکە شەو سڵى لێ دەکاتەوە
من ون بووم ون بوو
وەرە بمدۆزەرەوە
بمدۆزەرەوە
لەناو پاشماوەى جوت بونى ڕیشۆڵەکاندا
لە ناو کەرنەڤاڵى شمشێرەکاندا
لە ژێر ئەو دەمامکانەى کە پڕن لە بێ حیکمەتى
بمدۆزەرەوە با باسی سەفەرەکەمت بۆ بکەم
پێت بڵێم : لەو سەفەرەدا
پێکەنینەکانم بە بەرتیل دایە بیابان
تاکو بمگەیەننە ئەو دیوى شەقامەکانى لێ خۆش بون
دەستێکم بەخشی بەو گۆچانە پیرەى
کە داواى شەرابی گەنجى لێم دەکرد
ڕۆشتمە لاى ئەو کاتژمێرانەى
کە لە تەنیایدا بوبونە ئاوێنەى خۆیان
ئەو پەریانەم بینى کە بوبونە
جوانترین درەختى دارستانەکانى کوفر
سەفەرێک کە داڕمان لە هەنگاوەکانم دەتکا
سەفەرێ کەجگە لە توانەوەى خۆم هیچم تێدا بەدى نەکرد
ئیتر بێزار بوم بێزار
بێزار بوم لە نوسینەوەى
وەسیەتى بەیانیە شومەکان
لە بینینى جوت بونى مانگ و کانى
لە خواردنەوەى شەهوەتى هەور
لە بیستنى چیرۆکەکانى ئەم ڕۆحە نیوە دەرچوەم
دێمەوە تاکو بە پێکەنینمان
باڵندە جادوگەرەکان هەتیو بکەون
خەیاڵە ڕوو ڕەشەکانى تەمەن
بخەینە ناو مەنجەنیقەکانى حەقیقەت
دێمەوە تاکو پێت بڵێم :
ژیان لەگەڵ تۆ
دەریایەکە شەپۆلەکانى ئاڵتونى
کیشوەرێکە لێوان لێو لە شارى عەشق
دێمەوە هەتاوەکو گۆرانیەکانى ئەوین لەبەردەم تۆ بڵێمەوە
تا وەک چیمەن لە بەر پێتا بڕوێمەوە
وەک بیمارێک تا جارێ تر نەکولێمەوە
وا دێمەوە ... وا دێًمەوە ... وا دێمەوە[/center]

ئارام عبدالڵە ( باران )[/size]

[center]حارسی ئه‌شعه‌ری (خوای لێ ڕازی بێت) ده‌فه‌رمووێت پێغه‌مبه‌ری خوا (دروودو سه‌لامی خوای له‌سه‌ر بێت) بۆی گێڕاینه‌وه‌و فه‌رمووی خوای گه‌وره‌ فه‌رمانی به‌ (یه‌حیای كوڕی زه‌كه‌ریا) كرد كه‌ پێنج ئامۆژگاری هه‌ن پێویسته‌ به‌نی ئیسرائیلییه‌كانی لێ ئاگادار بكاته‌وه‌و خۆشی جێ به‌جێیان بكات.

(عیسای كوڕی مریه‌م) چووه‌ لای یه‌حیاو پێی فه‌رموو خوا پێنج ئامۆژگاری پێ ڕاگه‌یاندوویت كه‌ به‌ به‌نی ئیسرائیلییه‌كانی ڕابگه‌یه‌نیت جا یان بۆ خۆت ئه‌و كاره‌ بكه‌ یان لێم گه‌ڕێ با من پێیان بڵێم. یه‌حیاش فه‌رمووی ئه‌گه‌ر تۆ پێش من پێیان بڵێیت له‌وه‌ ده‌ترسم خوا سزام بدات و زه‌وی قووتم بدات ئیتر خه‌ڵكه‌كه‌ی هه‌موو له‌ (بیت المقدس) دا كۆكرده‌وه‌ به‌شێوه‌یه‌ك كه‌مزگه‌وته‌كه‌ ته‌واو پڕببوو، ته‌نانه‌ت خه‌ڵكه‌ كه‌له‌سه‌ر دیواره‌كان دانیشتبوون پاشان ده‌ستی كرد به‌ ئامۆژگاری كردنیان و فه‌رمووی: خه‌ڵكینه‌ خوا پێنچ شتی پێ ڕاگه‌یاندووم ، له‌سه‌رتانه‌ كاری پێ بكه‌ن و له‌ پێش هه‌مووشتانه‌وه‌ من ده‌بێت كاریان پێ بكه‌م :

یه‌كه‌م: ئه‌وه‌یه‌ ده‌بێت هه‌ر خوا بپه‌رستین و هیچ هاو به‌شێكی بۆ قه‌رار نه‌ده‌ن هه‌ركه‌سێك ئه‌و كاره‌ بكات واته‌ هاوبه‌شی بۆ دابنێ وه‌ك ئه‌و كه‌سه‌ وایه‌ كه‌ به‌ پاره‌و پولی خۆی -ئاڵتوون یان زیو- به‌نده‌یه‌ك بكڕێت و پێ ڕابگه‌یه‌نێت: ئه‌مه‌ ماڵی منه‌ و ئه‌وه‌یش ئیشه‌كه‌مه‌ ده‌بێت ئیش بۆ من بكه‌یت و پاره‌كه‌ش بده‌ی به‌من ئه‌ویش به‌ پێچه‌وانه‌وه‌ چی په‌یدا بكات بیدات به‌ یه‌كێكی تر جا ئایا كامه‌تان پێ خۆشه‌ به‌نده‌كه‌ی كاری وابكات؟ ئه‌و خوایه‌ی ئیوه‌ی دروست كردووه‌ و ڕزق و ڕۆزی پێداون نابێت هاو به‌شی بۆ دابنێین

دووه‌م: فه‌رمانتان پێ ده‌كه‌م نوێژ بكه‌ن و لێ پاشگه‌ز مه‌بنه‌وه‌

سێ یه‌م: فه‌رمانتان پێ ده‌ده‌م كه‌ ڕۆژو بگرن. ئه‌وه‌ی ڕۆژو بگرێت وه‌ك ئه‌و كه‌سه‌ وایه‌ كه‌ بوخچه‌یه‌كی پڕ(میسكی ) پێ بێت بچێته‌ ناو كۆمه‌ڵێكه‌وه‌ هه‌موویان خه‌ز له‌ بۆنه‌ خۆشه‌كه‌ی بكه‌ن به‌ڕاستی ڕۆژو لای خوا له‌ بۆنی (میسك) خۆشتره‌.

چواره‌م: فه‌رمانتان پێ ده‌ده‌م كه‌ خێرو خێرات بكه‌ن ئه‌وه‌ی ئه‌وه‌ بكات وه‌ك ئه‌و كه‌سه‌ وایه‌ كه‌ دوژمن دیلی كردبێت و هه‌ردووده‌ستی بكه‌نه‌ ملی و به‌گوریس شه‌ته‌كی بده‌ن ئه‌ویش داوایان لێ بكات كه‌ به‌ پاره‌ خۆی ڕزگار بكات ئیتر كه‌م وزۆر چی هه‌بێت بیان داتێ تا خۆی ڕزگار بكات پێنچه‌م: فه‌رمانتان پێ ده‌ده‌م به‌زۆری (زیكری) خوا بكه‌ن ئه‌وه‌ی ئه‌و كاره‌ بكات وه‌ك ئه‌و كه‌سه‌ وایه‌ كه‌ دوژمن ڕاوی ئه‌نێت و دوای ده‌كه‌وێتئه‌ویش قه‌لاَتێكی قایم ده‌دۆزێته‌وه‌ و تیا حه‌شار ده‌دات به‌نده‌ش وایه‌ ته‌نها(زیكر)ی خوایه‌ له‌ده‌ست شه‌یتان ڕزگاری ده‌كات.

ئینجا پێغه‌مبه‌ر (درووی و ه‌لامی خوای له‌سه‌ر بێت)فه‌رمووی: منیش پێنچ شتان پێ ده‌ڵێم كه‌ خوا فه‌رمانی پێ كردووم ئه‌وانه‌ش ئه‌مانه‌ن: هه‌میشه‌ له‌گه‌ڵ ڕای زۆرینه‌دابن گوێڕایه‌ڵی سه‌ركرده‌كانتان بن. له‌ فه‌رمانیان سه‌ر پێچی مه‌كه‌ن كۆچ بكه‌ن بۆ چاكه‌ له‌ڕێگای خوادا(جیهاد) بكه‌ن هه‌ركه‌سێكیش به‌قه‌ده‌ر بستێك خۆی له‌ كۆمه‌ڵ دوور بخاته‌وه‌ ئه‌گه‌ر تۆبه‌ نه‌كات له‌ ئیسلام ده‌شۆرێته‌وه‌ و فڕی به‌سه‌ر ئیسلامه‌وه‌ نامێنێت هه‌ركه‌سێكیش نه‌ریتی (جاهیلیه‌ت) زیندوو بكاته‌وه‌ ئه‌وه‌ ده‌كرێته‌ ده‌سته‌ چیله‌ی دۆزه‌خ عه‌رزیانكرد: ئه‌گه‌ر له‌گه‌ڵ ئه‌وه‌دا نوێژو ڕۆژووه‌ش بكات ؟ فه‌رمووی: به‌ڵێ ڕۆژو نوێژه‌كه‌ی دادی نادات ئیوه‌ به‌قسه‌ی خوا بكه‌ن ئه‌و خوایه‌ی ناوی ئیسلامی لێ ناون ، به‌نده‌كانی خوا))

(حدیث صحیح اخرجه‌ الترمذی والنسائی واحمد وابن حبان واحاكم الذهبى[/center]

[right]چیرۆکی وەفای پێاوێک بۆ هاوسەرەکەی....

جوانترین مانای وەفا لە نێو ئەم چیرۆکەدا بەدی دەکرێت......

بەیانیەکی زوو بوو پیاوێکی پیر کە تەمەنی لە دەوروبەری (70) حەفتا ساڵان دەبوو خۆی کرد بە نێو یەکێک لە ژوورەکانی فریاکەوتن لە نەخۆشخانە کە برێک ناونیشانی دەرمان لە کاغەزێکدا بە دەستیەوە بوو دواوی لە پزیشکێکی ئافرەت کرد کە بە زووی ئەم پێداویستیانەی بۆ دابین بکات چونکە مەوعیدی هەیە،لەم کاتەدا لە نێوان پیاوە پیرەکە و پزیشکەکە چەند گفتوگۆیەک روویدا.
پزیشکەکە بە پیاوە پیرەکەی وت ئەتوانم هەندێک پرسیارت ئاراستە بکەم؟؟
پیاوە پیرەکەش وتی فەرموو بەڵام کەمێک بە پەلەم..

پزیشکەکە بە پیاوە پیرەکەی وتت تۆ وتت مۆعیدم هەیە ئەتوانم بزانم مەوعیدی چیت هەیە؟

پیاوە پیرەکەش وەڵامی دایەوە وتی لەبەر ئەوەی ئەچم بۆ خانەی بەساڵا چوان بە مەبەستی خواردنی نانی بەیانی لەگەڵ خێزانەکەم.

پزیشکەکە  پرسیاری کرد وتی بۆچی خێزانەکەت چۆتە خانەی بەساڵاچوان؟

پیاوە پیرەکە وەڵامی دایەوە وتی لەبەر ئەوەی خێزانەکەم توشی نەخۆشی لە بیرچونەوە بووە زاکیرەی لاواز بووە،

پزیشکەکە نەی ویست زیاتر هەستی بریندا بکات زۆر لە سەر نەخۆشی خێزانەکەی پرسیاری نەکرد.

پاشان پزیشکەکە لێ پرسی خێزانکەت توشی دوو دڵی نایەت ئەگەر تۆ ئەمرۆ تاخیر برۆیت نانی لەگەڵ بخۆیت؟؟

پیاوە پیرەکە لە وەڵامدا وتی ئەو نازانێت من کێم ، لەبەر ئەوە ئەوە ماوەی پێنچ ساڵ دەبێت نازانێت من کێم وە ناتوانێت بم ناسێتەوە.
پزیشکەکە وتی زۆر جوانە : وتی تاکو ئێستا ماوەی پێنچ ساڵە نازانێت تۆ کێت و بەردەوام هەموو بەیانیانێک ئەرۆیت نانی لەگەڵ ئەخۆیت بێ ئەوەی بتناسێتەوە؟؟!!

پیاوە پیرەکە زەردەخەنەیەکی کرد و بە توندی دەستی پزیشکەکەی گرت و وتی:
راستە خێزانەکەم بە هۆی لە دەستدانی زاکیرەیەوە من ناناسێتەوە ، خۆ من ئەو ئەناسمەوە و ئەزانم ئەو خێزانمە تەمەنێکی لەگەڵم بردۆتە سەر لە ژیاندا ناتوانم من ئەو لە بیر بکەم.

ئایا ئەمە جوانترین وەفای ئەو پیاوە نیە بۆ خێزانەکەی؟ئەم جۆرە وەفایە مانای زۆر هەڵدەگرێت............[/right]

[b][center]ئه‌مڕۆ یادی ئه‌و ڕۆژه‌یه‌
که‌ چووینه‌ دڵی یه‌که‌وه‌
به‌ڵێنماندا ئاوێته‌ بین
تا ده‌چینه‌ ژێر خاکه‌وه
له‌بیرت دی هه‌ناسه‌که‌م

له‌ڕۆژێکی وه‌ک ئه‌مڕۆدا

دڵم کرد به‌ ئه‌ڵقه‌یه‌ک و

کردم به‌ په‌نجه‌ی تۆدا؟

بیرت نه‌چێ یه‌که‌م ژوان

کاتێ ماچمان به‌یه‌ک به‌خشی

ده‌ست له‌ناو ده‌ست‌ به‌ڵێنمدا

ژیانمان پڕکه‌ین له‌ خۆشی

ئێستا ده‌ستم له‌ده‌ستایه‌ و

وا سه‌رم به‌ سه‌رته‌وه‌یه‌

گومان نه‌که‌ی ڕۆژێ دووربم

هه‌رخۆشمه‌وێی به‌م شێوه‌یه

له‌وه‌ته‌ی هه‌م هیچ شک نابه‌م

کردبێتم بۆ ئه‌و دونیا

نه‌که‌ی ڕۆژێ لێم زویر بی و

جێمبهێڵێ لێره‌ ته‌نیا‌[/center]

گه‌شبیر ئه‌حمه‌د[/b]