 رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ * رَبَّنَا وَاجْعَلْنَا مُسْلِمَيْنِ لَكَ وَمِنْ ذُرِّيَّتِنَا أُمَّةً مُسْلِمَةً لَكَ وَأَرِنَا مَنَاسِكَنَا وَتُبْ عَلَيْنَا إِنَّكَ أَنْتَ التَّوَّابُ الرَّحِيمُ .
 رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ .
 رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ .
 رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ .
 رَبَّنَا لا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ .
 رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ .
 رَبَّنَا آمَنَّا بِمَا أَنْزَلْتَ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ .
 رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ .
 رَبَّنَا إِنَّنَا سَمِعْنَا مُنَادِيًا يُنَادِي للإيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَ كَفِّرْ عَنَّا سَيِّئَاتِنَا وَ تَوَفَّنَا مَعَ الأبْرَارِ * رَبَّنَا وَ آتِنَا مَا وَعَدْتَنَا عَلَى رُسُلِكَ و لا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ .
 رَبَّنَا ظَلَمْنَا أَنفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنْ الْخَاسِرِينَ .
 رَبَّنَا لا تَجْعَلْنَا فِتْنَةً لِلْقَوْمِ الظَّالِمِينَ * وَنَجِّنَا بِرَحْمَتِكَ مِنْ الْقَوْمِ الْكَافِرِينَ .
 رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ .
 رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا.
 رَبِّ اشْرَحْ لِي صَدْرِي * وَيَسِّرْ لِي أَمْرِي   .
 رَبِّ زِدْنِي عِلْمًا .
 رَبِّ أَنزِلْنِي مُنْزَلا مُبَارَكًا وَأَنْتَ خَيْرُ الْمُنزِلِينَ .
 رَبِّ أَعُوذُ بِكَ مِنْ هَمَزَاتِ الشَّيَاطِينِ * وَأَعُوذُ بِكَ رَبِّ أَنْ يَحْضُرُونِ .
 رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ  .
 رَبِّ اغْفِرْ وَارْحَمْ وَأَنْتَ خَيْرُ الرَّاحِمِينَ .
 رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا .
 رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ  .
 رَبَّنَا وَسِعْتَ كُلَّ شَيْءٍ رَحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ  * رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدْتَهُم وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ إِنَّكَ أَنْتَ الْعَزِيزُ الْحَكِيمُ.
 رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنْ الْمُسْلِمِينَ  .
 رَبَّنَا اغْفِرْ لَنَا ولإخْوَانِنَا الَّذِينَ سَبَقُونَا بِالإيمَانِ و لا تَجْعَلْ فِي قُلُوبِنَا غِلاًّ لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ .
 رَبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ * رَبَّنَا لا تَجْعَلْنَا فِتْنَةً لِلَّذِينَ كَفَرُوا وَاغْفِرْ لَنَا رَبَّنَا إِنَّكَ أَنْتَ الْعَزِيزُ الْحَكِيمُ .
 رَبَّنَا اغْفِر لي وَلِوَالِديَ  وَلِلمُؤمِنِينَ  يَومَ  يَقُومُ  الحِسَابُ  .
 رَبَّنَا هَب لنا مِن أزواجنا وذُرياتنا قُرَّةَ أعيُنٍ واجعلنا للمُتقينَ إمَامًا  .
 رَبِّ هَب لي من لدُنكَ ذُريةً طَيبةً إنكَ سَميعُ الدُّعاءِ .

غه‌مباری پاش مردنی كه‌سێكی خۆشه‌ویست مه‌ترسیداره

مرۆڤ به‌له‌ده‌ستدانی كه‌سێكی خۆشه‌ویستی زۆر غه‌مبار ده‌بێت و ئه‌و غه‌مبارییه‌ش ده‌بێته هۆكاری مردن. لێکۆڵینه‌وه‌یه‌كی هۆڵه‌ندی نیشانی ده‌دات، كه پیاوان پاش له‌ده‌ستدانی ژنه‌كانیان زۆر غه‌مبار ده‌بن و به‌هۆیه‌وه گیان له‌ده‌ستده‌ده‌ن.

له‌ئاكامی شیكاركردنه‌وه‌ی داتاكان "Margaret Stroebe" و هاوه‌ڵه‌كانی له "Utrecht University" له‌سه‌ر ڕووپه‌ری گۆڤاری "The Lancet"دا ده‌نووسن، كه پیاوان به مردنی ژنه‌كانیان ژیانیان لێ تاریك ده‌بێت و دووچاری غه‌مبارییه‌كی یه‌كجار زۆر ده‌بنه‌وه.

پاش تێپه‌ڕبوونی چه‌ند مانگێك به‌سه‌ر مردنی ژنه‌كانیان له 21%ی پیاوان گیان له‌ده‌ستده‌ده‌ن، ئه‌مه‌ش هه‌روه‌ك ئه‌نجامه‌كانی شیكاركردنه‌وه‌ی داتاكان ده‌ریانخست. له‌كاتێكدا ڕێژه‌ی مردنی ژنان به‌هۆی غه‌مباری مردنی مێرده‌كانیانه‌وه ده‌گاته له 17%.

توێژه‌رانی ئه‌م لێكۆڵینه‌وه هۆكاری مردن به‌هۆی غه‌مباره‌یه‌وه بۆ باری ده‌روونی ده‌گه‌ڕێنه‌وه، ئه‌وانه‌ش كاردانه‌وه‌ی نه‌گه‌تیڤیان بۆ سه‌ر ته‌ندروستی مرۆڤه‌كان ده‌بێت.

زۆربه‌ی پیاوان به له‌ده‌ستدانی ژنه‌كانیان ڕێگای خواردنه‌وه‌ی مه‌ی ده‌گرنه‌به‌ر و به‌هۆیه‌وه دووچاری نه‌خۆشییه‌كانی دڵ و شێرپه‌نجه‌ی سی و هه‌وڵدان بۆ خۆكوشتن ده‌بنه‌وه. له ‌لێکۆڵینه‌وه‌كانه‌وه ده‌ركه‌وتووه، كه به‌هۆی خۆكوشتنه‌وه مردنی پیاوان پاش‌ مردنی ژنه‌كانیان سێ ئه‌وه‌نده‌ به‌هۆی نه‌خۆشییه‌وه زیاتره‌.

بێجگه له‌وانه‌ش، ئه‌وانه‌ی دووچاری غه‌مباری ده‌بنه‌وه زیاتر دووچاری خه‌مۆكی و دڵڕاوكی و نه‌مانی وام بۆ خۆراك ده‌بنه‌وه.

ئه‌نجامه‌كانی ئه‌م لێکۆڵینه‌وه‌یه نیشانی ده‌ده‌ن، كه پیاوان زۆر زیاتر له ژنان ڕێگای خواردنه‌وه‌ی مه‌ی ده‌گرنه‌به‌ر و به‌و شێوه‌یه‌ش دووچاری سترێسكی زۆر ده‌بنه‌وه.

ئه‌نجامه‌كانی شیكاركردنه‌وه‌ نیشانی ده‌ده‌ن، كه تێپه‌ڕ كردنی مانگی یه‌كه‌می له‌ده‌ستدانی ژن بۆ پیاوان زۆر ناهه‌مواره و ئه‌گه‌ره‌كانی خۆكوشتن به‌رزن.

له‌میانه‌ی شیكاركردنه‌وه‌كانی ئه‌م لێكۆڵینه‌وه‌یه‌وه كاریگه‌ری له‌ده‌ستدانی ئه‌ندامێكی خێزان ده‌رنه‌كه‌وت، چونكه داتای پێویست بۆ ئه‌و مه‌به‌سته له‌به‌رده‌ستدا نه‌بوو. به‌ڵام لێكۆڵینه‌وه‌یه‌كی دانیماركی ده‌ریده‌خات، كه دایكان و باوكان به‌له‌ده‌ستدانی منداڵێكیان زۆر غه‌مبار ده‌بن، ئه‌وه‌ش به‌تایبه‌ت له 30 ڕۆژی پاش مردن. لێره‌دا ئه‌گه‌ری خۆکوشتن زۆر به‌رز ده‌بێته‌وه، به‌تایبه‌ت ئه‌گه‌ر ته‌مه‌نی منداڵی كۆچكردوو زۆر گه‌وره نه‌بووبێت.

سه‌رچاوه‌ی هه‌واڵ:خۆزگه

پێكه‌وه‌ هه‌ندێك له‌ تایبه‌تمه‌ندییه‌كانی هاوسه‌رێكی باش بناسین.

1- دڵخۆش بێت، چونكه‌ دڵخۆشی هه‌میشه‌ جێی بایه‌خه‌، كه‌واته‌ پێویسته‌ هه‌رده‌م دڵخۆش وگه‌شاوه‌ بێت، بۆ ئه‌وه‌ی ماندووبوونی هه‌ردوولا ده‌رچێت.

2- سه‌بری هه‌بێت، كاتێك هه‌ڵسوكه‌وتی هاوسه‌ره‌كه‌ی به‌دڵ نه‌بوو، سه‌بری هه‌بێت و له‌ كاتی گونجاودا به‌ شێوه‌یه‌كی شیاو تێی‌بگه‌یه‌نێت، كه‌ ره‌فتاره‌كه‌ی شیاو نه‌بووه‌.

3- له‌ رووی گونجاوییه‌وه‌‌ ره‌فتار بكات، واته‌ گیرو گرفت و كێشه‌كان به‌ دروستی و له‌ رووی گونجاندنه‌وه‌‌‌ هه‌ڵسه‌نگێنیت، له‌بری به‌رژه‌وه‌ندی تاكی خۆی‌دا، به‌رژه‌وه‌ندی ژیانی هاوبه‌شی له‌به‌ر چاو بگرێت.

4- داواكارییه‌كانی كه‌م كاته‌وه‌، واتا تا ئه‌و راده‌یه‌ چاوه‌ڕوانی له‌ هاوسه‌ره‌كه‌ی بکات، كه‌ له‌ توانای‌دا هه‌یه‌.

5- گه‌شبین بێت، بیرهێنانه‌وه‌ی ساته‌ خۆشه‌كانی ژیان ره‌شبینی دوور ده‌كاته‌وه‌، كه‌واته‌ ره‌فتاره‌ باشه‌كانی هاوسه‌ره‌كه‌ی بیر خۆی بێنێته‌وه‌ و لایه‌نه‌ خراپه‌كان له‌بیر به‌رێته‌وه‌.

6- دڵیان ئاوێنه‌ی یه‌کتر بێت، ده‌رككردنی یه‌كتر ده‌بێته‌ هۆی هاوئاهه‌نگی و یه‌كدڵی پێك دێنیت.

7- ئاشقی هاوسه‌ری خۆی بێت، رێز بۆ قسه‌ و ره‌فتاری هاوسه‌ری خۆی دابنێت و سه‌ركه‌وتنه‌كانی بیر بێنێته‌وه ‌و بۆ سه‌ركه‌وتنی زیاتر له‌ دوارۆژدا، هانی بدات.

8- بیسته‌رێكی باش بێت، كاتێك هاوسه‌ره‌كی قسه‌ی له‌گه‌ڵ ده‌كات لانی كه‌م چاو له‌ چاوه‌كانی هاوسه‌ره‌كه‌ی بكات و به‌ سه‌ر له‌قاندنێك دڵنیای كاته‌وه‌ كه‌ گوێبیستی قسه‌كانێتی.
9- به‌ پێشكه‌وتنی هاوسه‌ره‌كه‌ی دڵ خۆش بێت، له‌ گه‌ڵ هاوسه‌ره‌كه‌ی‌دا ئه‌وه‌نده‌ ته‌با بێت، كه‌ پێشكه‌وتنی هاوسه‌ره‌كه‌ی یه‌ك له‌ ئاواته‌كانی بێت.

10- به‌ڵێنه‌كانی خۆی به‌رێته‌سه‌ر، رێز بۆ قسه‌كان و به‌ڵێنه‌كانی خۆی دابنێت و له‌ به‌رامبه‌ر به‌ڵێنه‌كانیدا، خۆی به‌ به‌رپرسیار بزانێت.

11- رێز بۆ كه‌سایه‌تی هاوسه‌ره‌كه‌ی دابنێت و كه‌سایه‌تی هاوسه‌ره‌كه‌ی له‌ لای خه‌ڵك و دراوسێکان بپارێزێت.

12- په‌یوه‌ندی وتووێژ و خۆشه‌ویستی له‌گه‌ڵ هاوسه‌ره‌كه‌ی بپارێزێت، قسه‌كردن و بیروڕا گۆڕینه‌وه‌ باشترین رێگایه‌ بۆ ئاگادار بوون له‌ هه‌ست یه‌كتر.

13- دڵوڤانخواز بێت و دووره‌ په‌رێز بێت له‌ شه‌ڕ و گرژی، ئه‌وه‌ش‌ خه‌سڵه‌تی هاوسه‌ری لێبورده‌یه‌.

14- راستگۆ بێت، پاكی و راستی گه‌وره‌ترین سه‌رمایه‌ی ژیانه، خۆێ له‌ درۆ به‌ دوور بگرێت، چونكه‌ درۆ پایه‌كانی ژیان له‌رزۆك ده‌كات.

15- چوار چێوه‌ی ماڵ پڕ بكات له‌ خۆشه‌ویستی بۆ هاوسه‌ره‌که‌ی، تاكو ژیانی هاوبه‌شیان ئارامی  و ئاسایشی تێدا بێت.

16- پابه‌ند بێت به‌ به‌ها ره‌وشتییه‌ مرۆڤایه‌تییه‌كان، چونكه‌ به‌ها ره‌وشتییه‌‌كان بنه‌مای سه‌ره‌كی پته‌وبوونی كۆڵه‌كه‌ی ژیان پێك دێنن.

17- هه‌وڵ بدات نیازه‌كانی هاوسه‌ره‌كه‌ی بناسێت، ره‌فتاری جوان بێت تاكو هاوسه‌ره‌كه‌ی بتوانێ به‌ متمانه‌وه‌ نیازه‌كانی خۆی باس كات.

18- گفتوگۆ بكه‌ن و بیر و را بگۆڕنه‌وه،‌ هه‌ر كام له‌ هاوسه‌ران مافی خۆیه‌تی بیر و رای خۆی ده‌ربڕێت.

19- ئه‌مه‌ك ناس بێت، سوپاسی هاوسه‌ره‌كه‌ی بكات له‌ به‌رامبه‌ر ئه‌نجامدانی ئه‌ركه‌كانی و ته‌نها به‌ وتنی سوپاسێك ده‌توانێ دڵی هاوسه‌ره‌كه‌ی به‌ ده‌ست بێنێت.

20- له‌ ژیاندا هه‌ۆڵ بدات به‌رنامه‌ی بۆ كاره‌كانی هه‌بێت، چونكه‌ داڕشتنی به‌رنامه‌، رێك و پێكی به‌ ژیان ده‌به‌خشێت.

په‌یامنێر ...

سه‌ر قافڵه‌ى خۆ ڕاگران و شاى سابیران و ده‌رده‌داران پێغه‌مبه‌ر ئه‌ییوب درودى خواى له‌سه‌ر بێ. بابزانین ئه‌و پێغه‌مبه‌ره‌ نازداره‌ تووشى چ به‌لآو موسیبه‌تێک بوو؟ له‌گه‌ڵ ئه‌وه‌شدا چه‌ند سابیر و خۆ ڕاگر بوو,
بۆ ئه‌وه‌ى ئه‌گه‌ر خوا نه‌ خواسته‌ تووشى ته‌نگ و چه‌ڵه‌مه‌یه‌ک بوین و به‌ڵا و موسیبه‌تێکمان به‌سه‌رهات یادى پێغه‌مبه‌ر ئه‌یوب بکه‌ینه‌وه‌ و چاو له‌و بکه‌ین تا خواى گه‌وره‌ وه‌ک حه‌زره‌تى ئه‌ییوب له‌ نه‌خۆشى ڕزگارمان بکا حه‌زره‌تى ئه‌ییوب یه‌کێکه‌ له‌و پێغه‌مبه‌رانه‌ که‌ خواى ته‌عالا له‌ قورئانى پیرۆزدا چوار جار ناوى بردووه‌,

حه‌زره‌تى ئه‌ییوب له‌ئه‌ولادى عه‌یسى کوڕى حه‌زره‌تى ئیسحاقى کوڕى حه‌زره‌تى ئیبراهیمى (خليل الله)یه‌ له‌ ولآتى شام له‌ دایک بووه‌, خواوه‌ندى گه‌وره‌ مالأ و سه‌روه‌ت و سامان و داراێیکى زۆرى دابویه‌, له‌ هه‌موو خه‌ڵکى وولآتى شام ده‌ولأه‌مه‌ندتر بوو. ده‌ڵێن ڕه‌حمه‌ى کچى حه‌زره‌تى یوسفى هێنا و چه‌ند کوڕ و کچیان بوو, هه‌ر به‌ گه‌نجى خواى ته‌عالا زوهد و ته‌قوا و عیباده‌تى خسته‌ دڵه‌وه‌, چاکه‌و پیاوه‌تى له‌گه‌ڵ فه‌قیر و غه‌ریب و بێوه‌ژن و هه‌تیو و هه‌ژاران زۆر ده‌کرد, ده‌ستى داماوانى ده‌گرته‌وه‌, بێ میوان نانى نه‌ده‌خوارد, هه‌تیو نه‌بوو کراسى بۆ نه‌کا, شه‌و ڕۆژ حه‌مد و سه‌ناى خواى ده‌کرد, زۆر شوکرانه‌ى ناز و نیعمه‌تى خواى ده‌کرد, خوا کردى به‌ نه‌بى و له‌ هه‌موو خو ڕه‌وشتێکدا له‌ خه‌ڵک باشتر بوو, واى ناو بانگ کرد مه‌لائیکه‌ى ئاسمان ئاواتیان به‌و ده‌خواست و باسیان ده‌کرد. ڕۆژێک له‌ ڕۆژان کۆمه‌ڵێک مه‌لائیکه‌ له‌ ناو خۆیاندا ده‌یان گوت: ئه‌و ڕۆ له‌ سه‌رپشتى زه‌وى که‌س نیه‌ له‌ حه‌زره‌تى ئه‌ییوب چاکتر بێ, به‌ تایبه‌تى ڕووى هه‌موو ده‌وڵه‌مه‌ندێکى سپى کردۆته‌وه‌, چونکه‌ که‌م که‌س ئه‌گه‌ر سه‌روه‌ت و سامانیان بوو ده‌وڵه‌مه‌ند بوون خوایان له‌ بیر ده‌مێنێ, له‌م لاشه‌وه‌ شه‌یتان که‌ ته‌ماشاى حاڵى حه‌زره‌تى ئه‌ییوبى کرد زۆر ناره‌حه‌ت بوو, زۆرى پێ ناخۆش بوو ئینسانێکى وا هه‌بێ له‌ ئه‌ولادى حه‌زره‌تى ئاده‌م به‌و جۆره‌ خواپه‌رست بێ, کوڕ و سه‌روه‌ت ماڵ و دارایى له‌ پیاوه‌تى چاکه‌ و خوا په‌رستى ئه‌و که‌م نه‌که‌نه‌وه‌ و هه‌میشه‌ ڕوو خۆش بێ له‌گه‌ڵ خه‌ڵک و ئامۆژگاریشیان بکا شه‌یتان هات هه‌ر چه‌ند کردى و کراندى نه‌ى توانى به‌ خه‌ته‌ره‌ و وه‌سوه‌سه‌ هیچى له‌گه‌ڵ بکا و بۆى به‌ سه‌هو نه‌چوو, که‌ به‌ وه‌سوه‌سه‌ هیچى بۆ ده‌گه‌ڵ نه‌کرا هات ماڵ و سه‌روه‌ت و سامانى له‌ پێش چاوان شیرین ده‌کرد فائیده‌ى نه‌بوو, زه‌فه‌رى پێ نه‌برد, شه‌یتان عه‌رزى باره‌گاى ئه‌قده‌سى کرد و گوتى: ئه‌ى خواى گه‌وره‌ تاعه‌ت و عیباده‌ت و چاکه‌ کردنى حه‌زره‌تى ئه‌ییوب به‌ هۆى ماڵ و سه‌روه‌تى زۆرى دنیایه‌وه‌, ئه‌گه‌ر سه‌روه‌ت و دارایى نه‌مێنێ ئه‌و خوا په‌رستى و پیاوه‌تیه‌ى نامێنێ, خواى ته‌عالا فه‌رمووى ئه‌ى شه‌یتان من عه‌بد و به‌نده‌ى خۆم باشتر ده‌ناسم, ئه‌گه‌ر هیچ ماڵ و سه‌روه‌ت و کوڕیشى نه‌مێنێ ده‌ست له‌ خوا په‌رستى هه‌ڵ ناگرێ, بڕۆ ئه‌وا ئیزنم داى چى به‌سه‌ر دێنى بیکه‌ و چۆنى به‌ تاقى ده‌که‌یه‌وه‌ بیکه‌, شه‌یتان شه‌یتانى له‌خۆى کۆ کردنه‌وه‌ و چوون له‌ ته‌ویڵه‌ و ئاغه‌ڵ و مۆڵه‌مه‌ڕدا هه‌موو ئه‌سپ و حوشتر و بزن و مه‌ڕه‌که‌یان سوتاند, ئاگریان به‌ خه‌له‌ و خه‌رمانه‌که‌شه‌وه‌ نا و سوتاندیان, شه‌یتان خۆى برده‌ سه‌ر شکڵى پیاوێکى پیر و چوو سه‌لامى له‌ حه‌زره‌تى ئه‌ییوب کرد و گوتى تۆ ده‌زانى هه‌موو سه‌روه‌ت و سامانه‌که‌ت سووتا؟ حه‌زره‌تى ئه‌ییوب له‌ جوابدا فه‌رمووى: خوا دابوى خواش بردویه‌تیه‌وه‌ چ قه‌یدى هه‌یه‌ ڕۆژێکى دى شه‌یتان خۆى برده‌ سه‌ر ڕه‌نگى مامۆستاى کوڕه‌کانى حه‌زره‌تى ئه‌ییوب و بانگ هێشتى کردن و خانوه‌که‌ى به‌سه‌ردا ڕوخاندن و خۆى نه‌بێ هیچیان ده‌رنه‌چوون, ده‌رپه‌ڕى و چو بۆلاى حه‌زره‌تى ئه‌ییوب و گووتى: هاوار به‌ماڵم ئه‌و ڕۆ کوڕه‌کانم ده‌عوه‌ت کردن: من بۆ ئیشکى تایبه‌تى چومه‌ ده‌رێ تا چومه‌وه‌ خانووه‌که‌یان به‌سه‌ردا ڕووخا بوو یه‌کیان ده‌رنه‌چوو. حه‌زره‌تى ئه‌ییوب هه‌رچه‌ند له‌ تاوى کوڕه‌کانى دڵى وه‌ک مه‌نجه‌ڵ ده‌کوڵى, به‌لآم وه‌سه‌ر خۆى نه‌هێنا فه‌رمووى: ئه‌مانه‌تى خوا بوون خوا بردنیه‌وه‌ و شه‌هیدن, ئه‌گه‌ر تۆش باش بویتایه‌ ده‌رنه‌ده‌چوى ڕاوى دڵى شه‌یتان به‌ ڕوو ڕه‌شى و خه‌ساره‌ت مه‌ندى گه‌رایه‌وه‌ و عه‌رزى باره‌گاى ئه‌قده‌سى کرد و گوتى ئه‌ى خواى گه‌وره‌ به‌ نه‌مانى ماڵ و ئه‌ولاد هیچم بۆ له‌گه‌ڵ نه‌کرا, چونکه‌ به‌ده‌نى ساغه‌ ده‌ربه‌ست نیه‌, ئومێدى به‌ که‌ره‌مى تۆ زۆره‌, ده‌ڵێ خوا خاوه‌ن ده‌سه‌لآته‌, ده‌توانێ ماڵ و سه‌روه‌ت و کوڕى باشتر و زیاترم بداتێ, ئه‌گه‌ر ڕوخسه‌تم بده‌ى تووشى نه‌خۆشى بکه‌م هۆشى خوا په‌رستى نه‌مێنێ. جا بۆ ئه‌وه‌ى حه‌زره‌تى ئه‌ییوب بێته‌ جێگاى سه‌رنج ڕاکێشانى خه‌ڵک و ده‌رس و په‌ند و عیبره‌ت و ئامۆژگارى لێ وه‌رگرن و ته‌واوى نه‌خۆش و بریندار و ده‌رده‌دار به‌ یادى سه‌برى ئه‌ییوبه‌وه‌ سه‌بر بگرن و چاوه‌ڕوانى شیفاى ده‌رده‌که‌یان بن و ببێته‌ مامۆستاى خۆڕاگران و سابیران و پشت به‌ پشت خه‌ڵک بۆ یه‌کترى وه‌رگێڕن, خواى ته‌عالا فه‌رمووى ئه‌ى شه‌یتان بڕۆ ئه‌وا ئیزنم داى و نه‌خۆشیم دایه‌ ده‌س تۆ, به‌لآم به‌لاى دڵ و زمان و روح و عه‌قڵیه‌وه‌ نه‌چى! ئه‌وانه‌ جێ ئه‌سرارى ئیمانن. ڕاوى ده‌ڵێ به‌ ئه‌مرى خواڕۆژێک حه‌زره‌تى ئه‌ییوب له‌ میحرابدا له‌ سوجده‌دا بوو, شه‌یتان هات به‌ هه‌ناسه‌ى پیسى خۆى فوێکى له‌ حه‌زره‌تى ئه‌ییوب کرد, و تووشى نه‌خۆشى گولى و سه‌ودایى بوو, زۆرى پێ نه‌چوو کرمه‌ ڕێژ بوو, که‌س نه‌ده‌چوو به‌لاى دا ڕه‌حمه‌ى ژنى نه‌بێ, خه‌ڵک له‌ناو خۆیاندا ده‌ستیان کرد به‌ باس کردنى و قسه‌ پێ گوتنى. یه‌کێک ده‌ى گوت ئوه‌ خوا خۆشى ده‌وێ بۆیه‌ تووشى ئه‌و نه‌خۆشیه‌ بوو. یه‌کێ تر ده‌ى گوت ئه‌و هه‌موو خواپه‌رستى یه‌ فریاى نه‌که‌وت. هێندیکیان ده‌یانگوت ده‌بێ گوناحێکى زۆر گه‌وره‌ى کردبێ ده‌نا خوا ئاواى ماڵ وێران و ده‌رده‌دار نه‌ده‌کرد ئاخرى چوون به‌ ڕه‌حمه‌ى خێزانیان گوت: ده‌بێ دوورى خه‌یته‌وه‌, زۆر ده‌ترسین ماڵ و منداڵمان لێ بگرنه‌وه‌. ڕه‌حمه‌ى خێزانى زۆر به‌وه‌فا بوو, به‌و حاڵه‌ته‌ش هه‌ر خزمه‌تى ده‌کرد. له‌ کۆڵى کرد و بردیه‌که‌لاوه‌ کۆنێک داى نا, به‌و حاڵه‌ش شه‌یتان له‌ کۆڵى نه‌ده‌بۆیه‌وه‌ وه‌سوه‌سه‌ى ده‌دا هه‌ر وه‌کو خواى گه‌وره‌ له‌ سوره‌تى (ص) دا بۆمان باس ده‌کا ده‌فه‌رموێ (وَاذْكُرْ‌ عَبْدَنَا أَيُّوبَ إِذْ نَادَىٰ رَ‌بَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ)ئه‌ى پێغه‌مبه‌ر له‌ کاتى ته‌نگانه‌ و ناڕه‌حه‌تیدا یادى عه‌بد و به‌نده‌ى ئێمه‌ ئه‌ییوب بکه‌وه‌, وه‌ختێک کرمه‌ڕێژ بو شه‌یتان ده‌ستى لێ هه‌ڵ نه‌گرت, وه‌سوه‌سه‌ى و خویاڵ و خه‌ته‌ره‌ى ده‌خسته‌ دڵه‌وه‌, به‌لآم ئه‌و هه‌ر هاوارى خواى ده‌کرد و ده‌ى گوت ئه‌ى خواى گه‌وره‌! ئاگادارم به‌, شه‌یتان ناڕه‌حه‌تم ده‌کا و عه‌زابم ده‌دا هه‌زار ئافه‌رین بۆ ڕه‌حمه‌ى خێزانى و هه‌زار ڕه‌حمه‌ت له‌ گۆڕى که‌ به‌ ڕۆژ کارى ده‌کرد و ده‌هاته‌وه‌ ده‌رخواردى حه‌زره‌تى ئه‌ییوبى ده‌دا و شه‌و تا به‌یانى به‌ دیاریه‌وه‌ ده‌بوو, شه‌یتان وه‌خت بوو له‌ داخى ئه‌و ژن و مێرده‌ بمرێ. ڕۆژێک هه‌مووى شه‌یتانى کۆ کردنه‌وه‌ و گوتى من سه‌رم له‌ حاڵى ئه‌و ژن و مێرده‌ سوڕماوه‌ ماڵ و سه‌روه‌ت و ئه‌ولادم له‌ به‌ین بردن ئه‌ییوبم توشى ئه‌و ده‌رده‌کرد, که‌چى ده‌ست له‌ شوکرى خوا و سه‌بر و شوکر هه‌ڵناگرى, گوتیان ئه‌ى باوکه‌ گه‌وره‌ى ئێمه‌ تۆ ئاده‌مت به‌ چ فێڵێک له‌ به‌هه‌شت ده‌رکرد به‌و فێڵه‌ش ئه‌ییوب به‌ سه‌هو به‌ره‌ گووتى ڕاست ده‌که‌ن ئاده‌مم, به‌هۆى حه‌واوه‌ به‌ سه‌هو برد, بابچم بۆلاى ڕه‌حمه‌ى خێزانى و بزانم به‌ هۆى ئه‌وه‌وه‌ له‌ خشته‌ى نابه‌م هه‌ستا خۆى برده‌ سه‌ر شکلى پیاوێکى پیر و سه‌لامى له‌ ڕه‌حمه‌ کرد گووتى کوا مێرده‌که‌ت؟ ئه‌ویش به‌ گریانه‌وه‌ گووتى ئه‌وه‌تا حاڵى ئاوایه‌ که‌ ده‌بینى نه‌وه‌یه‌ بمرێ و نه‌وه‌یه‌ چاک وه‌بێ شه‌یتان ئه‌وه‌نده‌ى باسى زه‌مانى گه‌نجى و لاوى و ساغ و سه‌لامه‌تى حه‌زره‌تى ئه‌ییوبى بۆ کردو ماڵ و سه‌روه‌ت و کوڕه‌کانى خسته‌وه‌ بیر, تا ده‌ستى کرد به‌ گریان و هه‌ستا چوو به‌لاى حه‌زره‌تى ئه‌ییوبه‌وه‌ گوتى ئه‌رێ پێم ناڵێت تاکه‌ى خوا عه‌زابت ده‌دا؟! نه‌ماڵت ما, نه‌ئه‌ولاد, نه‌دۆست دێ به‌لاته‌وه‌, نه‌که‌س و کار و خزم و ڕه‌فیق, نه‌ گه‌نجیت ما, نه‌ گه‌وره‌یى حه‌زره‌تى ئه‌ییوب فه‌رمووى دیاره‌ شه‌یتان به‌ سه‌هوى بردوى ئه‌و قسانه‌ ده‌که‌ى گوتى باشه‌ ئه‌ى بۆ دوعا ناکه‌ى خوا چاکت کاته‌وه‌؟ فه‌رمووى: زۆرم به‌سه‌لامه‌تى ڕابواردووه‌ به‌لآم ئه‌وه‌ حه‌وت ساڵه‌ نه‌خۆشم حه‌یا ده‌که‌م له‌ خوا داواى چاک بو بوونه‌وه‌ بکه‌م فه‌رمووى وادیاره‌ تۆ ئیمانت زه‌عیف بووه‌ به‌ قه‌زا و قه‌ده‌رى خوا تووڕه‌ بوو سوێندى خوارد و گوتى ئه‌گه‌ر خوا ڕه‌حمى کرد و چاک بوومه‌وه‌, شه‌رت بێ سه‌د دارت لێ ده‌م فه‌رمووى ئه‌وا له‌سه‌ر خۆشم حه‌رام کرد تازه‌ به‌ ده‌ستى تۆ نان ناخۆم و داواى هیچت لێ ناکه‌م, بڕۆ له‌ پێش چاوانم تا بزانین خواى گه‌وره‌ چ ده‌کا دایکه‌ ڕه‌حمه‌ ڕه‌حمه‌تى خواى لێ بێ به‌دڵى پڕ گریانه‌وه‌ به‌ره‌و ئاوایى ڕۆیشت حه‌زره‌تى ئه‌ییوب که‌ خۆى به‌ ته‌نهایى دى و که‌س نه‌ما خزمه‌تى بکا و ده‌رده‌که‌شى ساعه‌ت به‌ ساعه‌ت گرانتر ده‌بوو, گریا و به‌زه‌یى به‌ خۆیدا هاته‌وه‌ هاوار ى کرد و گوتى ئه‌ى خواى گه‌وره‌ (أَنِّي مَسَّنِيَ الضُّرُّ‌ وَأَنتَ أَرْ‌حَمُ الرَّ‌احِمِينَ)الانبیاْ /٨٣ ئازار به‌ دڵم گه‌ییوه‌ تۆش له‌ هه‌موو که‌ست زیاتر به‌زه‌یت به‌ به‌نده‌گاندا دێته‌وه‌ که‌یفى خۆته‌. (فَاسْتَجَبْنَا لَهُ فَكَشَفْنَا مَا بِهِ مِن ضُرٍّ‌)الانبیاْ /٨٢ خوا ده‌فه‌رموێ: فه‌ورى دووعاکه‌مان گیرا کرد و به‌لآکه‌مان له‌سه‌ر لابرد و به‌ هۆى حه‌زره‌تى جوبره‌ئیله‌وه‌ پێمان گوت: (ارْ‌كُضْ بِڕ‌جْلِكَ هَـٰذَا مُغْتَسَلٌ بَاڕ‌دٌ وَشَرَ‌ابٌ) ص/ ٢٢ پێ بده‌ به‌زه‌ویدا که‌ قاچى له‌ ئه‌رزدا ئاوێکى جوان و ساف و سارد و شیرین هه‌ڵ قوڵى, حه‌زره‌تى جوبره‌ئیل فه‌رمووى خوا ده‌فه‌رموێ له‌و ئاوه‌ خۆى بشوا, خۆى شت, به‌ ئه‌مرى خوا به‌ده‌نى وه‌ک جاران چاک بۆوه‌ و فه‌رمووى: بى خۆوه‌! خواردیشیه‌وه‌ برینى ده‌رونیشى سارێژ بوو, سوجده‌ى شوکرى برد و هه‌ستا به‌ره‌و ئاوایى که‌وته‌ ڕێ, ڕۆیشت. تا گه‌ییه‌ سه‌ر پردێک تووشى ئافره‌تێک بوو ده‌گریا و هاوارى ده‌کرد فه‌رمووى ئه‌ى زه‌عیفه‌ چیت لێ قه‌وماوه‌؟ ڕه‌حمه‌ خان هات به‌لایه‌وه‌ گوتى: به‌ قوربانت بم مێرده‌که‌م به‌ نه‌خۆشى له‌ فلآن که‌لاوه‌دا که‌وتبوو, تا هاتمه‌وه‌ له‌وێ نه‌ما بوو جا نازانم گورگ خواردوویه‌تى؟ چى لێ به‌سه‌ر هاتووه‌ وه‌خته‌ له‌ تاوانى شێت بم, فه‌رمووى باشه‌ مێرده‌که‌ت چ نه‌خۆشى یه‌کى بوو؟ ناوى چیه‌؟ گوتى به‌سه‌ده‌قه‌ت بم لێت به‌ دوور بێ نه‌خۆشى یه‌کى زۆر خه‌راپ بوو بۆ گێڕانه‌وه‌ نابێ ناویشى ئه‌ییوب بوو پێغه‌مبه‌رى خوا بوو فه‌رمووى باشه‌ به‌ ساغى وه‌ک کێ ده‌چوو؟ خاتو ڕه‌حمه‌ ته‌ماشاى کابراى کرد و گوتى والله وه‌ک تۆ ده‌چوو تۆ ده‌ڵێ هه‌وى ئینجا حه‌زره‌تى ئه‌ییوب خۆى ئاشکرا کرد و به‌یه‌کتر شاد بوونه‌وه‌ و شوکرانه‌ى خوایان کرد چوونه‌وه‌ خانوه‌ کۆنه‌که‌یان له‌و کاته‌دا به‌ ئه‌مرى خوا حه‌زره‌تى جوبره‌ئیل هات وه‌ک قورئان ده‌فه‌رموێ (وَوَهَبْنَا لَهُ أَهْلَهُ وَمِثْلَهُم مَّعَهُمْ رَ‌حْمَةً مِّنَّا وَذِكْرَ‌ىٰ لِأُولِي الْأَلْبَابِ)ص/ ٤٣ خێزانه‌که‌مان بۆ گه‌نج کرده‌وه‌ و کوڕه‌کانمان بۆ زیندوو کردنه‌وه‌ و ئه‌وه‌نده‌ى دیشمان ماڵ و سه‌روه‌ت و سامان دایه‌ به‌ ڕه‌حمه‌تى خۆمان, بۆ ئه‌وه‌ى ببێته‌ هۆى یادکردنه‌وه‌ و هه‌ت دنیا هه‌یه‌ به‌ داستان بگێڕنه‌وه‌ ئه‌وانه‌ى خاوه‌ن عه‌قڵ و بیر و هۆشن په‌ند و عیبره‌ت و ئامۆژگارى لێ وه‌رگرن. حه‌زره‌تى ئه‌ییوب ویستى بۆ ئه‌وه‌ى سوێندى لێ نه‌که‌وێ سه‌د داره‌که‌ له‌ ڕه‌حمه‌خان بدا خواوه‌ندى گه‌وره‌ حه‌زره‌تى جوبره‌ئیلى نارد فه‌رموى به‌ ئه‌ییوب بڵێ: (وَخُذْ بِيَدِكَ ضِغْثًا فَاضْڕ‌ب بِّهِ وَلَا تَحْنَثْ)ص/ ٤٤ وه‌ره‌ سه‌د شوڵک و تووڵه‌دارى باریک پێکه‌وه‌ ببه‌سته‌ و له‌ له‌ خێزانه‌که‌تیان ڕاکێشه‌ تا سوێنده‌که‌ت لێ نه‌که‌وێ و ئه‌زیه‌تیش به‌ ڕه‌حمه‌ خانى ژنت نه‌گا چونکه‌ زۆر به‌ عه‌هدو وه‌فا بوو له‌ گه‌ڵت با دڵى نه‌شکێ. (إِنَّا وَجَدْنَاهُ صَابِرً‌ا نِّعْمَ الْعَبْدُ إِنَّهُ أَوَّابٌ)ص/ ٤٤ خوا ده‌فه‌رموێ ئێمه‌ حه‌زره‌تى ئه‌ییوبمان به‌ تاقى کرده‌وه‌ باشترین به‌نده‌ بوو که‌ خۆى ڕاگرت بۆ به‌لآو موسیبه‌ت و ته‌نگ و چه‌ڵه‌مه‌ و هه‌ر باشترى زکرى خوا ده‌کرد نا شوکر نه‌بوو و زیاتر له‌ خوا ده‌ترسا و له‌به‌ر خوا ده‌پارایه‌وه‌. گوێ گرینه‌ له‌ باسى ژیانى و به‌سه‌رهاتى پێشه‌واى سابیران و خۆڕاگران و ده‌رده‌داران حه‌زره‌تى ئه‌ییوب پێغه‌مبه‌ردا ئه‌و ئامۆژگاریه‌مان ده‌ست ده‌که‌ون. یه‌که‌م ده‌بێ ئینسانى موسڵمان چاو له‌ حه‌زره‌تى ئه‌ییوب بکا, هه‌ر وه‌ک له‌ کاتى سه‌روه‌ت و خۆشى و سه‌لامه‌تیدا ده‌بێ شوکرانه‌ى نیعمه‌تى بکا, له‌ وه‌ختى ته‌نگ چه‌ڵه‌مه‌ و فه‌قیرى و نه‌خۆشى و به‌لآ و موسیبه‌تیشدا خۆڕاگر و سابیر بێ. دووه‌م ئینسان نابێ وا بزانێ به‌لآو موسیبه‌ت و فه‌قیرى نیشانه‌ى خه‌راپى ئینسانه‌ خۆ حه‌زره‌تى ئه‌ییوب پێغه‌مبه‌رى خوا بوو, خه‌راپ نه‌بوو ئه‌ى بۆ تووشى ئه‌و ده‌رده‌ گه‌وره‌ و گرانه‌ بوو؟ سێ یه‌م ده‌بێ بزانین که‌ به‌لآ بۆ تاقیکردنه‌وه‌ى ئاده‌میزاده‌. چواره‌م زانیمان که‌ سه‌بر و خۆ ڕاگرتن خولق وخو ڕه‌وشتى پێغه‌مبه‌رانه‌. پێنجه‌م ده‌بێ ئینسان له‌کاتى به‌لآدا په‌نا بۆ خوا به‌رێ و له‌به‌ر خوا وه‌پاڕێ. شه‌شه‌م له‌ئایه‌ته‌که‌دا که‌ خوا فه‌رمووى: له‌و ئاوه‌ خۆت بشۆ و بیخۆوه‌ ئه‌وه‌مان ده‌ست ده‌که‌وێ که‌ ده‌واو ده‌رمان به‌ ئه‌مرى خوا ده‌بنه‌ هۆى چاک بوونه‌وه‌ له‌ نه‌خۆشى هه‌ر وه‌ک به‌ زاهیرى ئاوه‌که‌ بۆ حه‌زره‌تى ئه‌ییوب بوو به‌ شیفا حه‌وته‌م ده‌بێ پیاو به‌ وه‌فا بێ و بێ وه‌فا نه‌بێ به‌ تایبه‌تى له‌گه‌ڵ ژن که‌ شه‌و و ڕۆژ له‌گه‌ڵتایه‌, ئه‌گه‌ر هه‌ڵه‌یه‌کیشى کرد ده‌بێ لێ ببورێ چونکه‌ خوا فه‌رمووى له‌ باتى سه‌د دار سه‌د تووڵى باریک به‌سه‌ر یه‌که‌وه‌ و به‌یه‌ک که‌ڕه‌ت له‌ ڕه‌حمه‌خان بده‌,ئینجا حه‌زره‌تى ئه‌ییوب له‌ته‌مه‌نى نه‌وه‌دو سێ ساڵیدا وه‌فاتى کرد و گۆڕى موباره‌ک و پیرۆزى به‌ ڕیوایه‌تێک له‌ ولآتى شامه‌. ئه‌وه‌بوو باسى ژیان و به‌سه‌رهاتى سه‌رده‌سته‌ى سابیران و پێشه‌واى خۆ ڕاگران حه‌زره‌تى ئه‌یبوب. ئومێد ده‌که‌م په‌ند له‌ ژیانى وه‌رگرن و له‌سه‌ر به‌لآ و موسیبه‌ت سابیر و خۆڕاگر بن تا خوا پاداشتان بداته‌وه‌ به‌ ئاوات بگه‌ن.