⁀‵⁀) .
`⋎´¸.•°*”˜˜”*°•
..¸.•°*”˜˜”*°•.
☻/ღ˚ •。* ˚ ˚˚ ˛★* 。 ღ˛° 。* °♥ ˚ • ★ *˚ .ღ 。.................
/▌*˛˚ღ •˚ جه‌ژنتان پیرۆز بێت و هه‌موو ڕۆژێكتان هه‌ر جه‌ژن و خۆشی بێت * ★
/ \ ˚. ★ ˛ ˚ 。˚ ˚ღ。* ˛˚ 。˚* ˚ ★

خواى گه‌وره‌ ده‌فه‌رموىَ: [ وَاذْكُرْ عَبْدَنَا أَيُّوبَ إِذْ نَادَى رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ ] ص: 41، واته‌: ئه‌ى پێغه‌مبه‌ر صلى الله علیه‌وسلم سه‌ر گوزه‌شته‌ى به‌نده‌ى ئێمه‌ ئه‌یوب یان بۆ باس بكه‌ كاتێك بانگى له‌ په‌روه‌ردگارى كردو وتى: بێگومان شه‌یتان تووشى نه‌خۆشى و ئازارى كردووم، بابزانین [ مسني الشيطان ] به‌ماناى چى دێ؟ ماناى ئه‌وه‌ نیه‌ شه‌یتان ده‌ستى یا قاچى داوه‌تىَ نا به‌ڵكو به‌ماناى ماندى كردنى نه‌فسانی و هه‌روه‌ها ماندوو كردنى لاشه‌یی ! شه‌یتان له‌ دووره‌وه‌ وه‌سوه‌سه‌و خه‌ته‌ره‌ى خراپى ده‌خسته‌ دڵى ئه‌یوبه‌وه‌ هه‌روه‌كو وه‌سوه‌سه‌ى په‌یاكرد بۆ ئاده‌م سه‌لامى خوایان لێبێت، پێی ده‌گوت: ئه‌ى ئه‌یوب ئه‌گه‌ر تۆ به‌رِاستى هه‌ڵبژێردراوى [ خودا ] ى و تۆى هه‌ڵبژاردبێت به‌ پێغه‌مبه‌ر ئایه‌ تۆى تووشى ئه‌م به‌لاَو موسیبه‌ته‌ گه‌وره‌یه‌ ده‌كرد؟! شه‌یتان و شه‌پۆلى خه‌ته‌ره‌ خراپه‌كانى كاریگه‌رى زۆریان هه‌یه‌ له‌سه‌ر نه‌فس و دڵه‌كان ئه‌گه‌ر خوا ناسی رِاینه‌ماڵىَ ، ده‌زانن حه‌زره‌تى ئه‌یوب علیه‌السلام به‌ چى وه‌لاَمى شه‌یتانى داخ له‌ دڵى حه‌سودى دوژمنى گومرِاكه‌رى نه‌فره‌ت لێكراوى ده‌دایه‌وه‌؟ پێى ده‌گوت: (سوێند به‌خوا ئه‌ى شه‌یتان گه‌ر بێتو بتزانیبایه‌ به‌ چ نازو نیعمه‌تێكى گه‌وره‌ خوام به‌سه‌رى كردوومه‌ته‌وه‌ تۆ به‌خیلیت پێم ده‌برد)، ده‌زانن ئه‌م نیعمه‌ته‌ چیه‌؟ ئه‌م به‌خششه‌ ئه‌م قه‌لاَ به‌رزو بڵنده‌ خۆشه‌ویست صلى الله علیه‌وسلم بۆى رِوون كردوینه‌ته‌وه‌ له‌ نیو دێرِ كه‌ ده‌فه‌رموىَ: (( وارض بما قسم الله لك تكن أغنى الناس))صحيح الجامع للترمذى فه‌رموده‌ى: 2282، مه‌مله‌كه‌تى رِازى بوون به‌وه‌ى كه‌ [ خوا ] كردویه‌تى به‌به‌شت، كه‌واته‌: [ مسني ] به‌ده‌ستى یا به‌ قاچى نه‌بوو به‌ڵكو به‌ وه‌سوه‌سه‌و خه‌ته‌ره‌ بوو كه‌ ئه‌مه‌یان زۆر كاریگه‌رى هه‌یه‌ له‌سه‌ر دڵه‌كان و بگره‌ خودى ئه‌قڵیش گه‌ر بێتو ئیمان و پشت به‌ستان به‌ خوا نه‌بێت، بۆیه‌ خواى گه‌وره‌ ده‌فه‌رموىَ: [ وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللّهِ إِنَّهُ سَمِيعٌ عَلِيمٌ ] ألاعراف: 200، واته‌: ئه‌گه‌ر وه‌سوه‌سه‌یه‌كت له‌لایه‌ن شه‌یتانه‌وه‌ بۆ پێشهات و ویستى له‌ خشته‌ت به‌رێت و تووشى هه‌ڵه‌ت بكات جا ئه‌وه‌ تۆ په‌نا بگره‌ به‌ [ خوا ] و پشتت به‌و ببه‌سته‌ چونكه‌ به‌رِاستى ئه‌و زاته‌ بیسه‌رو زانایه‌، ئه‌یوب چیایه‌كه‌ له‌ سه‌برِو نمونه‌ى ئارامیه‌، ئه‌یوب علیه‌السلام نه‌خۆش كه‌وت مودده‌ى (18) ساڵ نه‌یتوانىَ هه‌ڵسێته‌وه‌ وه‌ك ئه‌وه‌ وابێت له‌به‌ینى ئه‌وو به‌ینى زه‌وى موغناتیسیه‌كى زۆر به‌هێز رِاى بكێشێته‌وه‌ بۆ لاى خۆى به‌م جۆره‌ تاوه‌كو (رِه‌حمه‌) خێزانه‌ به‌ وه‌فاو به‌ ئه‌مه‌كه‌كه‌ى له‌به‌ر دڵ پێسوتانى به‌ حاڵى ئه‌یوب بۆیه‌ داواى لێكردو پێی ووت: بۆچى دوعا ناكه‌ى كه‌ [ خوا ] شیفات ده‌؟ ئه‌میش له‌ وه‌لاَمى دا فه‌رموى: (ئافره‌ت چه‌ند ساڵ له‌ ته‌مه‌نم رِۆیی له‌ ناو نازو نیعمه‌ته‌كانى خوا و له‌ خۆشى و له‌ش ساغى دابووم)؟ ئه‌ویش له‌ وه‌لاَمى دا ده‌یگوت: (70) حه‌فتا ساڵ، ده‌یفه‌رموو: ( ئه‌ى ئه‌وه‌ بۆ چه‌ند ساڵ ده‌چێت كه‌ نه‌خۆش كه‌وتومه‌)؟ ئه‌ویش ده‌یگوت: ئه‌وه‌(18) هه‌ژده‌ ساڵه‌، ئینجا ده‌یفه‌رموو: (كه‌واته‌ من شه‌رم ده‌كه‌م له‌ رِووى په‌روه‌ردگارم كه‌ داواى شیفاى لێبكه‌م تاوه‌كو 70 حه‌فتا ساڵیش له‌ ناو نه‌خۆشى دانه‌بم، بۆچى به‌ ساغی و نیعمه‌ت رِازیبین به‌لاَم له‌كاتى ناخۆشى و نه‌خۆشى و تاقیكردنه‌وه‌ ئارام نه‌گرین)؟ والله گه‌ر بێتو به‌لاَو تاقیكردنه‌وه‌كه‌ به‌س به‌ ماڵ بێت زۆر ئاساییه‌ چونكه‌ ماڵ دێت و ده‌رِوات ، به‌لاَم تاقیكردنه‌وه‌كه‌ى حه‌زره‌تى ئه‌یوب له‌ (3)سىَ شتى سه‌ره‌كى ژیان بوو:-
1-له‌ ماڵ بوو:ماڵى ئه‌یوب هیچ نه‌ما،تاوه‌كو واى لێهات سه‌ره‌نجام(خۆى وخێزانه‌كه‌ى)په‌نایان برده‌ به‌ر ئه‌شكه‌وتێك.
2- له‌ ئه‌ولاده‌كانى بوو: مناڵه‌كانى ئه‌یوب هه‌موویان مردن.
3- له‌ صحه‌تى بوو: له‌ش ساغى نه‌ما نه‌خۆشكه‌وت و له‌سه‌ر جێگا كه‌وت.
كه‌واته‌: ماڵى نه‌ما و مناڵى هه‌مووى مردن و له‌ رِووى لا شه‌ش نه‌ساغ كه‌وت ! له‌گه‌ڵ ئه‌وه‌ش ده‌یفه‌رموو به‌ [ ربُ العزة ] : (خوایه‌ گیان تاقیم كه‌وه‌ به‌هه‌رچى ده‌ته‌وىَ، ته‌نها داوات لێده‌كه‌م زمانم له‌ ده‌ست نه‌ده‌م تاوه‌كو پێی به‌رده‌وام بم له‌سه‌ر یادت و به‌رده‌وام [ لا إله إلاالله ] ى پىَ بكه‌م، له‌گه‌ڵ ئه‌مه‌ش رِۆژێكیان خێزانه‌كه‌ى ئه‌ستوركه‌ نانه‌كى بۆ هێنا، ئه‌ویش پرسیاری لێی كرد: ( ئه‌وه‌ له‌ كوىَ هێنات )؟ پرسیارده‌كه‌، له‌گه‌ڵ ئه‌وه‌ش كه‌ زۆر پێویست بوو، له‌ دونیا هیچى نه‌بوو، نانه‌واخانه‌و فرِنیش له‌ ته‌نیشتیه‌وه‌ نه‌بوو ، سه‌به‌ته‌ى نانیش له‌ شوێنى حه‌وانه‌وه‌ى نه‌بوو! زۆریشى برسی بوو، به‌لاَم له‌گه‌ڵ ئه‌وه‌شدا ئاماده‌ نیه‌ شتێك بخوات تاوه‌كو نه‌زانىَ حه‌لاَڵه‌ یان حه‌رِام، خێزانه‌ له‌ سه‌ر خۆو به‌وه‌فاو به‌ ئه‌مه‌كه‌كه‌ى وه‌لاَمى داوه‌و پێى گوت: له‌لاى ماڵى دراوسێ ى پێشترمان بووم ئه‌م ئه‌ستوكه‌ مناڵه‌كه‌یان داواى كردبوو به‌لاَم به‌ر له‌وه‌ى بیخوات له‌ باوه‌شى بوو خه‌وى لێكه‌وت ئه‌مانیش پێیان گوتم: تازه‌ مناڵه‌كه‌مان نوست ئه‌ستوكه‌كه‌شى نه‌خوارد تا هه‌ڵده‌ستىَ رِه‌نگه‌ بیرى بچێته‌وه‌ بۆیه‌ داوات لێده‌كه‌ین ئه‌مه‌ به‌ره‌ بۆ ئه‌یوب منیش بۆتم هێنا، ئایه‌ یه‌كسه‌ر وه‌رى گرتو خواردى كه‌ زۆر پێویستیشى پىَ بوو؟ نه‌ به‌خوا به‌ڵكو به‌ خێزانه‌كه‌ى ووت: ( برِۆ بۆیان به‌ره‌وه‌)! ئه‌میش زۆرى لا سه‌یر بوو وتى به‌ ئه‌یوب: ئایا ئه‌ستوكێك بگه‌رِێنمه‌وه‌ بۆ ماڵێك كه‌ به‌رِه‌زامندى دڵى خۆیان پێیاندام كه‌ بۆتۆى بێنم، باشه‌ ئه‌ى ئه‌گه‌ر وتیان بۆچى هێناته‌وه‌ چیان پێ بڵێم؟ له‌وه‌لاَمى دا فه‌رموى: (پێیان بڵىَ: ئه‌یوب وتى نه‌باده‌ مناڵه‌كه‌ خه‌به‌رى بێته‌وه‌و ئه‌ستوركه‌كه‌ نه‌بینىَ و بگریێ)، رِه‌حمه‌ خان دڵى به‌مه‌ توند ده‌بێت، شتێك بگێرِمه‌وه‌ بۆ خانه‌واده‌یه‌ك كه‌ به‌ رِه‌زامه‌ندى دڵى خۆیان پێیان دابێتن؟، به‌لاَم بىَ دوودڵى فه‌رمانى پیاوه‌كه‌ى خۆى جێبه‌جىَ ده‌كات و كاتىَ كه‌ ده‌یگه‌رِێنته‌وه‌، ماڵه‌كه‌ پرسیارى لێده‌كه‌ن: ئاخۆ بۆچى گه‌رِانته‌وه‌ بۆمان ئه‌ى خێزانى ئه‌یوب؟ ئه‌میش له‌ وه‌لاَمیادا وتى: ئه‌یوب پێی وتم بیگه‌رِێنه‌وه‌ بۆ مناڵه‌كه‌یان نه‌باده‌ خه‌به‌رى بێته‌وه‌و داواى ئه‌ستوركه‌كه‌ى بكاته‌وه‌و نه‌ى بینىَ دڵى عادز بێت و بۆى بگریێت، هێشتا قسه‌ى ته‌واو نه‌كردبوو مناڵ خه‌به‌رى بۆوه‌و بینى ئه‌ستوركه‌كه‌ى نه‌ماوه‌ ده‌ستى كرد به‌گریان و داواى كرده‌وه‌ كاتىَ كه‌ بۆیان گێرِاوه‌و چاوى پێكه‌وت كرِ بۆوه‌، جا گوتیان: خوا رِه‌حم كه‌ به‌ ئه‌یوب ئه‌وان (پێغه‌مبه‌ران سه‌لامى خوایان لێبێت) شتىَ ده‌زانن ئێمه‌ ده‌ركى پىَ ناكه‌ین، پاشانیش كه‌ [ خوا ] شیفاى داو (ئه‌وها شیفاى نه‌خۆشى هه‌موو موسوڵمانان بده‌ إنشاءالله) ئه‌وه‌ى له‌ ده‌ستیشى دابوو خواى میهره‌بان به‌ باشترین شێوه‌ بۆى گه‌رِانده‌وه‌ دواى ئه‌مه‌ حه‌زره‌تى ئه‌یوب (سه‌لامى خوا له‌سه‌ر پێغه‌مبه‌رى ئێمه‌و گشت په‌یامبه‌رانى خوا بێت) بوو به‌ پێشه‌نگ و سه‌ر قافڵه‌ى ئارامگران.

باشە ، ئەگەر پێغەمبەر دروودی خوای لێبێت سەردانی کردیت لە خەوتدا .... پێی فەرموویت : پاش پێنج کاتژمێری تر ئەم ژیانی دونیایە بەجێ دەهێڵیت !!!!

تۆش لە پڕێکدا بە ترسێکەوە لەخەو هەڵدەسیت ... بێ گومان خەوەکەت شتێکی ئاسایی نابێت و شتی زیاتر هەڵدەگرێت ..
یەکەم شت چی دەکەیت ؟

ئایا ئەو کاسێتی گۆرانیانەی کە ژوورەکەتی پڕ کردووتەوە ئەیانشکێنی؟

یان دەچیتە ژوورەکای دایە و دەستەکانی ماچ دەکەیت و داوای لێبوردنی لێ دەکەیت بە هۆی خراپ مامەڵە کردنت لەگەڵی؟

پەیوەندی بە هەموو ئەو کەسانەوە دەکەی کە غەیبەتت کردوون و گاڵتەت پێ کردوون ..؟
دەست دەکەی بە ئیستیغفار و پاڕانەوەو دەربڕینی پەشیمانی کە ماوەیەکی زۆرە بەکارت نە‌هێناون و نەتوتوون ..بۆ دەربڕینی پەشیمانیت لە نەکردنی نوێژەکانت چەندین ساڵ ...؟
پەیوەندی بەو هاوڕێیەتەوە دەکەی بۆ داوای لێبوردن ،کە کا‌تیك ڕێگای دینداری هەڵبژارد تۆ پێکەنیت پێی و گاڵتەت پێ کرد ؟

پەوەندی بە خزمەکانت دەکەی ؟ ئەوانەی کە سەردانیان ناکەی و پەوەندیت لەگەڵیان پچڕاندوە ؟
هەڵدەسی بە سڕینەوەی ئەو گۆرانیانەی کە لە فایلی مۆبایل و کۆمپیوتەرەکەتدا هەیە ؟ ئەو گۆرانیانەی کە نەشیاون بۆ موسڵمان ؟
ئەو هاوڕێیەت کە ئازارت دا و بە هۆی خۆ بەگەورە زانینت پۆزشت بۆ نەهێنایەوە پەيوەندی پێوە دەکەی بۆ ئەوەی لێت ببورێ‌ ؟

چۆن ماڵئاوایی لە خێزانەکەت دەکەیت ؟
پێیان دەڵێیت کە بەجێیان دە‌هێڵیت ؟
چۆن ڕەفتار دەکەیت لەگەڵ کەل و پەل و پێداویستیە تایبەتییەکانت ؟
ئەو شتانەی کە دڵخۆش بووی بە بینینیان ئێستە چۆن سەیریان ئەکەی خۆتۆ ئیتر بە جێیان دەهێڵیت ...

ئایا ئاگات لەو شتانەت هەیە یان تەنها بیر لە تێپەڕبوونی کات دەکەیتەوە ؟
ئایا دەرگاکەت دادەخەیت ؟ دەست بە نوێژی کۆتایی دەکەیت ؟ پاشان قورئان دەخوێنیت ؟
ئایا ئەخیر کات قورئانت خوێند بیرتە ؟

سەرەتا تۆزی سەربەرگی قورئانەکەت بسڕە !!!

بۆ چی بڕیار نادەی ؟ یان هەر ئێستە دەست بەو هەموو شتانەی سەرەوە کە وتران بکە ..

ئەم پرسیارانە لەسەر گریمانەیەک کراون پێش پێنج کاتژمێر لە بە جێ هێشتنی دونیات ....
بینیت کاتەکە هێندە کەمە فریای هیچ شتێ ناکەوی بەجێی بهێنیت ..
باشە ئەگەر فریشتەی گیان کێشان بێ ئەوەی کاتت بداتێ هات بۆ لات ...تەنانەت بۆ چرکەیەکیش ڕێگەت نادات !!

ئەو کات چ هەڵوێستێکت دەبێت ؟؟؟؟
ئێستا بڕیاری مەسیری خۆت بدە...

خوای گەورە بە سۆز و میهری خۆت و لێبوردەییت لێمان ببورە و لە تاوانەکانمان خۆش ببە ، ڕێنوێنی ڕێگەی ڕاستمان بکە ، خوایە گیان لە گوناهی خۆمان و دایک و باک و هەموو موسڵمانان خۆش بە یا ارحم الراحمین ... اللهم امین

(النواس بن سمعان)) (خوای لێ ڕازبێت )ده‌فه‌رمووێت:سه‌ر له‌ به‌یانی یه‌كیان پێغه‌مبه‌ر (دروودو سه‌لامی خوای له‌سه‌ر بێت) و باسی ده‌ججالی كردجارێك به‌سووكی ناوی ده‌هێنا و جارێكیش باسی مه‌ترسییه‌ زۆره‌كانی ده‌كرد وای باس ده‌كرد وامان ده‌زانی كه‌ ئه‌وه‌تا له‌ نێوان دارخورماكاندایه‌ كه‌ هه‌ستی به‌وه‌ كرد كه‌ ترسمان لێ نیشتووه‌ فه‌رمووی:
((من ده‌ترسم شتی ترناره‌حه‌تتان بكات زیاتر له‌ ده‌ججال ئه‌گه‌ر له‌سه‌رده‌می ژیانمان په‌یدا بووه‌ ئه‌وامن خۆم ده‌زانم چۆن له‌گه‌ڵیا بدوێم خۆ ئه‌گه‌ر دوای من بێت ئه‌وا هه‌ر كه‌س ده‌بێت خۆی پارێزگاری له‌خۆی بكات و خواش یارمه‌تی ده‌دات .
ده‌جال لاوێكی، موولوول وگرژه‌ چاوێكی ده‌رپه‌ڕیوه‌ به‌زۆری له‌(عبدالعزی بن قگن)ده‌چێت یه‌كێك كه‌وته‌ ئه‌و زه‌مانه‌ با ئایه‌ته‌كانی سه‌ره‌تایی (الكهف) بخوێنێت ئه‌و له‌ شوێنێكی نێوان شام وعیراقدا سه‌ر هه‌ڵئه‌دات به‌چه‌پ وڕاستدا خراپه‌و وێرانكاری ده‌كات . ده‌بێت ئارام گربن.
پرسیمان ئه‌ی پێغه‌مبه‌ری خوا ماوه‌ی مانه‌وه‌ی لوسه‌ر زه‌وی چه‌نده‌؟
فه‌رمووی چل ڕۆژه‌ ڕۆژێكیان به‌قه‌ده‌ر ساڵێكه‌ وڕۆژێكی تر ئه‌وه‌نده‌ی مانگێكه‌ ڕۆژێكیش به‌قه‌ده‌ر به‌قه‌ده‌ر هه‌فته‌یه‌كه‌ ڕۆژه‌كانی تر وه‌ك ڕۆژی ئێستایه‌ .پرسیمان له‌و ڕۆژه‌ی كه‌ به‌قه‌ده‌ر ساڵێكه‌ هه‌ر پێنج نوێژ بكه‌ین؟ فه‌رمووی نه‌خێر ده‌بێت هه‌ر بیست و چوار سه‌عات به‌ڕۆژێك دابنێن لێمان پرسی خیرانی گه‌ڕانی به‌زه‌ویدا چۆنه‌ فه‌رمووی وه‌ك بارانێكه‌ كه‌هه‌ور ڕاوی بنێ كه‌ده‌چیته‌ ناو كۆمه‌ڵێكه‌وه‌ بڕوای پێ ده‌كه‌ن، فه‌رمان به‌ئاسمان ده‌كات یه‌كسه‌ر باران دا ده‌كات و زه‌وی سه‌وز ده‌بێت مه‌ڕو مالاَتیان به‌تێرو پڕی شیری زۆره‌وه‌ دێنه‌وه‌ به‌لاَم ئه‌گه‌ر كۆمه‌ڵێك بڕوایان پێ نه‌كرد ئه‌وا تووشی گرانی و قات وقڕی ده‌بن كه‌به‌لای ویرانه‌یه‌كدا تێده‌په‌ڕێ داوا ده‌كات چی خه‌زنه‌ و پاره‌ی تیایه‌ بیخاته‌ سه‌ر زه‌وی ئیتر هه‌مووخه‌زنه‌كه‌ شوێنی ده‌كه‌وێت چۆن هه‌نگ دوای شاهه‌نگ ده‌كه‌ون .دووایی لاوێكی ساغ و سه‌لیم بانگ ده‌كات و به‌شمشێر ده‌یكات به‌دوو له‌ته‌وه‌ پاشان بانگی ده‌كات زیندووی ده‌بێته‌وه‌ به‌پێكه‌نینه‌وه‌ به‌ره‌و ڕووی دێت.
له‌م كاته‌دا (عیسای كوڕی مریه‌م) په‌یدا ده‌بێت لای مناره‌ سپی یه‌كه‌ی ڕۆژهه‌لاَتی دیمه‌شق. جلێكی جوانی له‌به‌ردایه‌ ئه‌وه‌نده‌ پاك وخاوێنه‌ وه‌ك تازه‌ له‌حه‌مام هاتبێته‌ ده‌ره‌وه‌ هه‌ر كافرێك هه‌ناسه‌یی (عیسایی) بگاتێ یه‌كسه‌ر ده‌مرێت دوایی شوێن ده‌جال ده‌كه‌وێت تاله‌ نزیك (لده‌وه‌)پێی ده‌گات و ده‌ی كوژێ پاشان ئه‌وانه‌ی دژی ده‌جال جه‌نگابوون دێنه‌ خزمه‌تی ئه‌ویش ده‌ست به‌سه‌ریاندا دێنێت باسی به‌هه‌شتیان بۆ ده‌كات ئینجا خوا هه‌واڵ به‌(عیسا) ده‌دات كه‌وا خه‌ڵكانێك په‌یدا ده‌بن كه‌س ناتوانێت دژیان بوه‌ستێت له‌به‌رئه‌وه‌ موسوڵمانه‌كان به‌ره‌له‌ كێوی (گور) دا قایم یان بكه‌ ئیتر (یاجوج ماجوج) په‌یدا ده‌بن له‌هه‌موولایه‌كه‌وه‌ هه‌ڵده‌قووڵێن پێشه‌نگه‌كه‌یان ده‌گاته‌ ده‌ریاچه‌ی(گبریه‌)هه‌موو ئاوه‌كه‌ی ده‌خۆنه‌وه‌ كاتێك ئه‌وانی تر ده‌گه‌ن سه‌یر ئه‌كه‌ن ئاوی تیا نه‌ماوه‌ و له‌به‌ر خۆیانه‌وه‌ ده‌ڵێن ڕه‌نگه‌ ڕۆژێ له‌ڕۆژان ئاوی تیا بووبێت!
عیساو هاوڕێكانی توشی گرانیه‌كی وا ده‌بن ته‌نانه‌ت سه‌ری گایه‌كیان له‌سه‌د دیناری ئێوه‌ له‌لاباشتره‌ هه‌موو ده‌پاڕێنه‌وه‌ خوا ئه‌و كافرانه‌ له‌ناو به‌رێت خواش نزاكه‌یان گیرا ده‌كات و جۆره‌ كرمێكیان لێ په‌یدا ده‌بێت هه‌موویان له‌ناو ده‌چن ئینجا عیساو هاوڕێكانی له‌ كێوه‌كه‌ دینه‌ خواره‌وه‌ سه‌یر ده‌كه‌ن زه‌وی پڕبووه‌ له‌كه‌لاكی كافره‌كان ده‌پاڕێنه‌وه‌ له‌خوا له‌وانه‌ ڕزگاریان بكات ئیتر جۆره‌ باڵنده‌یه‌ك په‌یدا ده‌بن كه‌لاكه‌كان دوور ده‌خه‌نه‌وه‌ و بارانێك ده‌بارێت زه‌وی یه‌كه‌ ده‌شواته‌وه‌ ئینجا فه‌رمان به‌ زه‌وی ده‌كات به‌روبووم ده‌ربكات و به‌ره‌كه‌تی تێ بكه‌وێت به‌جۆرێك ده‌بێت كه‌ خه‌ڵكێكی زۆر به‌هه‌نارێك تێرببن و شیری ووشترێك یان مانگایه‌ك یان مه‌ڕێك به‌شی خه‌ڵكێكی زۆر بكات له‌وكاته‌دا بایه‌ك هه‌ڵده‌كات گیانی موسوڵمانان ده‌كێشێت هه‌ر پیاو خراپه‌كان ده‌مێننه‌وه‌ وه‌ك ئاژه‌ڵ له‌یه‌ك به‌ر ئه‌بن ئیتر قیامه‌ت دێت.))
(حديث صحيح واخرجة مسلم والترمذي وابن ماجة وأحمد وغيرهم)

گه‌نجێك له‌ ته‌مه‌نی 19 سال خۆی بۆمان ده‌گێرێته‌وه‌ وده‌لێت من گه‌نجێك بووم زۆر بێ ئاگابووم له‌ خواناسی به‌تایبه‌ت نوێژه‌كانم كه‌وام ده‌زانی دونیا ته‌نها رابواردنه‌و هیچی تر.. ئه‌وه‌بوو رۆژكیان له‌گه‌ل هاورێكانم له‌كه‌نار ده‌ریادا دانیشتبووین كه‌ وه‌ هاورێكانم وه‌ك من بێ ئاگا بوون له‌ له‌ خواپه‌رستی وه‌ كاته‌كانمان له‌ تاوان دا به‌سه‌ر ده‌برد جا له‌كاتێكدا گوێم له‌ بانگ بوو زۆر به‌لامه‌وه‌ ئاسایی بوو وه‌ زۆر جاران گوێم له‌و وشانه‌ ده‌بوو  له‌لام ئاسایی بوو  گوێم نه‌ده‌دایێ وام ده‌زانی گوێم له‌ده‌نگێك ده‌بێت كه‌من تێێ ناگه‌م بۆیه‌ نوێژو خواپه‌رستی به‌لامه‌وه‌ گرنگ نه‌بوو جائه‌وه‌ بوو خۆمان ئاماده‌كرد بۆگه‌شتێك به‌ژێر ده‌ریادا جله‌كانمان گۆری وجلی ژێر ده‌ریامان له‌به‌ر كرد ئۆكسجینه‌كه‌م له‌خۆم به‌ست و له‌ كه‌نار ده‌ریا دووركه‌وتینه‌وه‌ تا گه‌یشتینه‌ قولایی ده‌ریا له‌ناكاو ئه‌و بۆریه‌ی كه‌ ئۆكسجینم لێوه‌رده‌گرت بینیم ئاو لێی دێته‌ژووره‌وه‌ هه‌ستم  ده‌كرد سیه‌كانم پر ده‌بوون له‌ئاو ئه‌وه‌ بوو بێ ئومێد بوم وه‌ زانیم كه‌ كه‌س ئاگای له‌ حالم نیه‌و به‌ره‌و مردن ده‌چم دووا ساته‌كانی  ژیانمه‌  له‌به‌ر ئه‌وه‌ی هاورێكانیشم دوور بون لێم وه‌ زیاتر هه‌ستم به‌ مه‌ترسی ده‌كرد به‌لام به‌راستی ئه‌و كاته‌ هه‌ستم به‌ ده‌سه‌لاتی خوا كرد كه‌من چه‌نده‌ بێهێزم وه‌ من بیرم له‌وه‌ نه‌ده‌كرده‌وه‌ كه‌ده‌مرم به‌لكوو بیرم له‌دوای مردن ده‌كرده‌وه‌ كه‌ پرسیارم لێده‌كرێت چی بلێم ده‌رباره‌ی كرده‌وه‌كانم ده‌رباره‌ی نوێژه‌كانم ده‌رباره‌ی گوناهه‌كانم  جا یه‌كسه‌ر ویستم شهاده‌ بێنم وه‌ به‌و وشه‌یه‌ كۆتایی به‌ژیانم بێت به‌لام نه‌م ده‌توانی زۆر هه‌ولم دا هه‌ر نه‌م توانی ته‌نانه‌ت نیو وشه‌شم بۆ نه‌ده‌هات له‌به‌ر ئه‌وه‌ی ئاو تا قورگم هاتبوو.. به‌لام ره‌حه‌مه‌تی خوا زۆر فراوانه‌ وه‌ ئه‌گه‌ر به‌نده‌كان له‌ خوا بێئاگابن به‌لام هه‌رگیز خوا به‌نده‌كانی خۆی له‌بیر ناكات به‌لێ ئه‌وه‌ بوو تا ئه‌و كاته‌ ئاگام له‌ خۆم بوو كه‌ ویستم شه‌هاده‌ بێنم به‌لام نه‌م توانی .. دواتركه‌ به‌ ئاگا هاتمه‌وه‌ هه‌ستم كرد ئۆكسجین بۆ سیه‌كانم دێت  چاوه‌كانم كرده‌وه‌ هه‌ر وا له‌ژێر ئاودامه‌ بینیم هاورێیه‌كم به‌ هانامه‌وه‌ هاتووه‌ وه‌ زه‌رده‌خه‌نه‌ هاته‌وه‌ سه‌ر لێوه‌كانم له‌و كاته‌دا به‌دله‌وه‌ هاوارم كرد(اشهد ان لااله‌ الا الله واشهد ان محمد رسول الله‌) كاتێك هاتمه‌ ده‌ره‌وه‌ بوم به‌ كه‌سێكی تر وه‌ به‌ته‌واوه‌تی بۆچونم به‌رامبه‌ر به‌ ژیان گۆرا ته‌وبه‌یه‌كی یه‌كجاریم كرد وه‌ ئه‌و كاته‌ هه‌ستم به‌ نهێنی بونم كرد له‌ ژیان  وه‌ رۆژبه‌ررۆژ  ئیمانم پته‌وتر ده‌بوو زیاتر له‌ خوا نزیك ده‌بومه‌وه‌ سوپاس بۆ خوا  ئه‌وه‌ بوو رۆژگارێك تێپه‌ری ئه‌م روداوه‌م هاته‌وه‌ یاد جا  هه‌ر ئه‌و كاته‌بریارم دا چووم بۆ كه‌نار ده‌ریا جلی ژێر ئاوم له‌ به‌ر كرد وه‌ رۆیشتمه‌وه‌ بۆ شوێنی رووداوه‌كه‌ هه‌ر له‌و شوێنه‌دا له‌ قولایی ده‌ریادا سوجده‌یه‌كم بۆ خوا برد كه‌ به‌بیرم نایه‌ت له‌ژیانم دا به‌م شێوه‌یه‌ چێژم له‌سوجده‌ بردبێت وه‌ به‌ئومێدم له‌رۆژی دوایی ئه‌و شوێنه‌ شایه‌تیم بۆ بدات له‌ لایه‌ن په‌روه‌ردگار.

دوای ئەوەی ماوەیەک لەمەوبەر کۆمپانیای ئەپڵ لە وڵاتی ئوسترالیا توانیتی لەدادگا ، کۆمپانیای سەمسۆنگ تۆمەتباربکات بە کۆپێکردنی رووکار و هەندێک لە کردارەکانی ئایپاد لە تاتەبژمێری گالاکسی تاب ١٠.١ دا، دادگای ئەو وڵاتەش فرۆشی تاتەبژمێری گالاکسی تابی قەدەغەکرد، هەفتەی ڕابردوو ئەپڵ لە دادگایەکی ئەلمانیاش هەمان سیناریۆی دووبارەکردەوە و لەوێش دادگای ناوبراو بڕیاری قەدەغەکردنی ئەم تاتەبژمێرەی سامسۆنگی دەرکرد لەسەرانسەری ئەروپادا، جگە لە هۆڵەندا، بەپێی ئەم بریارە تەنیا ئەو بەرهەمانەی لە فرۆشگاکاندا هەن دەبێ بفرۆشرێن هیچیتر نەهێنن.
هەنوکە بەپێی مالپەڕی webwereld.nl ی هۆڵەندی ، پارێزەرکانی ئەپڵ لەو دیکۆمێنتانەی بۆ دادگایان بردووە، ساختەکارییان کردووە لەو وێنەکاندا تا زیاتر لە ئایپاد ٢ بچێت.
لەوێنەکەدا لە قەبارەدا زۆر لە یەک دەچن، بەڵام لەڕاستیدا samsung Galaxi Tab 10.1 زۆر لەئایپاد بچوکترە ، چونکە ئایپاد ١ ئایپاد ٢ ، پانتایی ٤:٣ بەکاردەبەن، بەڵام سامسنۆگ تاب ١٦:١٠ یە.
شایانی ئاماژەپیکردنە ئەپڵ لەم پێنج خاڵەی خوارەوەدا ،کۆمپانیای سامسۆنگی تۆمەتبارکردووە بە کۆپیکردنی ئایپاد ئەوانەش:-
١/ چوارگۆشەیی و لە گۆشەکانیدا چەماوەیی.
٢/ تەختیەکی ســادە.
٣/ چوارچێوەیەکی کانزایی لە پێشەوە.
٤/ پیشانەگەیەک کەوا چەقکراوە لەدەوری تەختاییە سادەکە.
٥/ کاتێک داگیرسا، ڕەنگی وێنۆچکەکان (ئایکۆن).

یه‌که‌م: له‌لایه‌ن خواوه‌ بۆ (لوح المحفوظ)
دووه‌م: له‌ (لوح المحفوظ) بۆ (بيت العزة) له‌ ئاسمانی دونیادا.
سێیه‌م: له‌ (بيت العزة) به‌هۆی (جبريل) دابه‌زێنراوه‌ بۆ سه‌ر پێغه‌مبه‌ر (ص) به‌ش به‌ش.

پێغه‌مبه‌ر (ص) چۆن قورئانی گه‌یاندووه‌

پێغه‌مبه‌ر (ص) به‌ دوو رێگا قورئانی به‌ ئێمه‌ گه‌یاندووه‌:
١-(مكتوباً) به‌ نووسین، کاتێک که‌ به‌ شێک له‌ قورئان دابه‌زیوه‌ پێغه‌مبه‌ر (ص)، فه‌رمانی به‌ نووسه‌رانی سروش (وحي) کردووه‌ که‌ بینووسنه‌وه‌ تا کاتێک پێغه‌مبه‌ر (ص)، وه‌فاتی کردووه‌ هه‌موو قورئان نووسرابۆوه‌.
٢-(منطوقاً) به‌ خوێندنه‌وه‌ی به‌سه‌ر ئه‌سحابه‌کاندا، ئه‌وانیش گواستییانه‌وه‌ بۆ دوای خۆییان.
جا ئه‌م جۆره‌ گواستنه‌وه‌یه‌ به‌ ده‌نگ (النقل الصوتي) به‌ (تواتر) ( ) به‌ ئێمه‌ گه‌یشتووه‌.

( ) (تواتر) ئه‌وه‌یه‌ که‌ چینێکی زۆر ده‌نگ و باسێک بگێڕنه‌وه‌ له‌ چینێکی زۆری تر چین له‌ دوای چین له‌ یه‌که‌م سه‌ندی تا کۆتا سه‌نه‌دی، به‌شێوه‌یه‌ک که‌ عه‌قل نه‌توانآ بڵآ ئه‌مانه‌ هه‌مووی درۆن.

هاوسه‌ره‌كه‌م جاران زۆری خۆشده‌ویستم، رۆژانه‌ چه‌ندین جار نامه‌ی خۆشه‌ویستی و رۆمانسی بۆ ده‌ناردم،

به‌ دڵ و گیان بانگی ده‌كردم، به‌ڵام فه‌یسبووك تێكیداو ئه‌و ئێستا ئاگای له‌ من نه‌ماوه‌، كچه‌ هاورِێكانی له‌فه‌یسبووك سه‌رقاڵیانكردووه‌، گله‌یی ژنێكی ته‌مه‌ن 31 ساڵ به‌رِه‌گه‌ز به‌ریتانییه‌ له‌ لاپه‌رِه‌ی فه‌یسبووكه‌ی نووسیویه‌تی

ناوى ته‌واوى (سه‌عد سه‌عید غامدییه‌) و له‌شارى (ده‌مام) ى مه‌مله‌كه‌تى عه‌ره‌بى سعودى له‌ساڵى 1967ى زایینى له‌دایك بوه‌.زانكۆى (ئیمام محه‌مه‌دى كورِى سعود)ى ئیسلامى كۆلیژى (شریعه‌ تخێیێ الدین)ى له‌ساڵى 1410 ى كۆچى به‌رامبه‌ر به‌ساڵى 1990 ى زایینى ته‌واو كردوه‌ وه‌ له‌وساڵه‌دا ده‌ستى كردوه‌ به‌ له‌به‌ركردنى قورئانى پیرۆز و توانیویه‌تى تاوه‌كو ساڵى 1995 ى زایینى هه‌موو سورِه‌ته‌كانى قورئانى پیرۆز له‌به‌ربكات.بۆیه‌كه‌م جار له‌ساڵى 1996 مۆڵه‌تى قورئان خوێندنى له‌سه‌ر رِیوایه‌تى (حفێ عن عاێم) وه‌رگرتوه‌و هه‌رئه‌وساڵه‌ش خه‌تمى قورئانى پیرۆزى بۆتۆماركراوه‌،كه‌له‌نوێژه‌كانى ته‌راویحى مانگى رِه‌مه‌زانى پیرۆز خوێندویه‌تى .غامدى چه‌ند جار داواى لێكراوه‌ سه‌ردانى ئێزگه‌ بكات به‌ڵام رِه‌تى ده‌كاته‌وه‌ و به‌باشى ده‌زانێت ته‌نها له‌ نوێژه‌كانه‌ ته‌راویح قورئانى بۆ تۆماربكرێت وه‌ك خۆى ده‌ڵێـت خوێندنى قورئان له‌كاتى ته‌راویحه‌كان تام و چێژى تایبه‌تى خۆى هه‌یه‌.هه‌روه‌ها خێزانداره‌ سێ منادڵى هه‌یه‌ تابڵێى پیاوێكى رِوخۆش و ده‌م به‌پێكه‌نینه‌ ....جگه‌ له‌ قورئان خوێندن ووتاربێژو مامۆستاى قوتابخانه‌یه‌ ،بۆ نمونه‌:

1-له‌ساڵى 1996 تاوه‌كو ساڵى 2002 كراوه‌ته‌ سه‌رپه‌رشتیارى په‌روه‌رده‌ له‌ قوتابخانه‌ ئایینیه‌كان.

2-سه‌رپه‌رشتیارى گشتیه‌ له‌بنكه‌ى ئیمام شاتبى بۆ قورئانى پیرۆز له‌شارى ده‌مام.

3-پێشنوێژ و ووتارخوێ،ى مزگه‌وتى (یوسف بن احمد)ه‌،له‌شارى ده‌مام.

4-ئێستاكه‌ش به‌رِێوه‌به‌رى گشتى قوتابخانه‌ى (محمد الفاتح)ه‌،له‌شارى ده‌مام.

له‌بڵاو كراوه‌كانیشى :

1-خه‌تمێكى قورئانى پیرۆز كه‌له‌ساڵى 1996 تۆمار كراوه‌.

2-رساله‌ الى أهل القران.

3-تنضیم الفیه‌ للحفض العراقى.

4-الاذكار.

4-الارقیة‌ الشرعیة.

كه‌ئه‌مانه‌ هه‌موو كتێبى قورئان خوێنن و شایه‌نى باسه‌ تا ئێستاش قورئان خوێن سه‌عد غامدى له‌ ژیاندا ماوه‌.

له‌ هه‌نگاوێکی چاوه‌ڕوان نه‌کراودا، گۆگڵ کۆمپانیای مۆبایلی مۆتۆرۆلا به‌ 7 ملیار دۆلار ده‌کڕێت . به‌بڕوای چاودێران ئه‌م هه‌نگاوه‌ی گۆگڵ بۆ کڕینی مۆتۆرۆلا وه‌ک کاردانه‌وه‌یه‌که‌ به‌رامبه‌ر پاوه‌ن خوازیه‌کانی کۆمپانیای ئه‌پڵ له‌ بازاڕی سمارت فۆندا . ...سه‌رچاوه‌

http://www.telegraph.co.uk/technology/g … -deal.html