..
ژنێكی‌ دووگیان كه‌ به‌هۆی‌ نه‌خۆشییه‌وه‌ گیانی‌ له‌ده‌ستدا، دوای‌ تێپه‌ڕبوونی‌ چوار مانگ، منداڵه‌كه‌ی‌ به‌زیندوویی‌ له‌دایك بوو.

له‌یه‌كێك له‌نه‌خۆشخانه‌كانی‌ عه‌ره‌بستانی‌ سعودی‌، ژنێكی‌ دووگیان به‌هۆی‌ نه‌خۆشییه‌وه‌ گیانی‌ له‌ده‌ستدا، به‌ڵام پزیشكه‌كان داوایان له‌كه‌سوكار‌و مێرده‌كه‌ی‌ كرد، ته‌رمه‌كه‌ی‌ نه‌به‌نه‌وه‌‌و ڕێگا بده‌ن به‌تیمه‌ پزیشكییه‌كان چاودێریی‌ منداڵه‌كه‌ی‌ ناوسكی‌ بكه‌ن.

پاش ڕه‌زامه‌ندیی‌ كه‌سوكاری‌ ژنه‌كه‌، پزیشكه‌كان كه‌وتنه‌ چاودێریی‌ وردی‌ منداڵه‌كه‌‌و به‌ڕێگه‌ی‌ تایبه‌تی‌‌و له‌ڕێگه‌ی‌ ده‌رزییه‌وه‌، توانییان خۆراكی‌ ده‌ستكرد بۆ منداڵه‌كه‌ بنێرن.

سه‌رۆكی‌ به‌شی‌ چاودێریی‌ ورد له‌نه‌خۆشخانه‌ی‌ پسپۆڕیی (سه‌عد) ڕایگه‌یاند، توانییان ماوه‌ی‌ (28) بیست‌و هه‌شت هه‌فته‌ مناڵه‌كه‌ له‌ناو سكی‌ دایكیدا به‌خێو بكه‌ن، تا له‌كۆتایی واده‌ی‌ خۆیدا به‌نه‌شته‌رگه‌ری‌ منداڵه‌كه‌یان له‌سكی‌ ده‌رهێنا.   

دكتۆر (سامر ئیبراهیم قاره‌) ڕاشیگه‌یاند، منداڵه‌كه‌ ته‌ندروستی‌ باشه‌و یه‌كه‌مجاره‌ له‌جیهاندا كاری‌ له‌و جۆره‌ ئه‌نجام بدا

راديو ناخو

بێوه‌ی ئه‌حمه‌د

رۆژی پێنجشه‌ممه‌ 15/9/2011 سه‌رجه‌م یاریه‌كانی هه‌فته‌ی دووه‌می خولی نایابی تۆپی پێی یانه‌كانی كوردستان به‌ڕێوه‌ده‌چێت.
یانه‌ی سلێمانی كه‌هه‌فته‌ی رابردوو له‌ده‌ره‌وه‌ی یاریگای خۆی له‌گه‌ڵ یانه‌ی شێروانه‌دا یه‌كسان بوو ، ئه‌م هه‌فته‌یه‌ له‌سه‌ر یاریگای خۆی میوانداری یانه‌ی سه‌وره‌ی شاری كه‌ركوك ده‌كات ، كه‌ئه‌مه‌ی دووه‌میان هه‌فته‌ی رابردوو له‌سه‌ر یاریگای خۆی له‌گه‌ڵ یانه‌ی نه‌ورۆز یه‌كسان بوو.
له‌یاریه‌كی تردا یانه‌ی پێشمه‌رگه‌ی سلێمانی میوانداری یانه‌ی شێروانه‌ ده‌كات و ده‌یه‌وێت تیماری برینی شكسته‌كه‌ی هه‌فته‌ی یه‌كه‌م بكات ، كاتێك به‌رامبه‌ر یانه‌ی زاخۆ دووچاری شكست بویه‌وه‌.
خشته‌ی سه‌رجه‌م یاریه‌كانی هه‌فته‌ی دووه‌م به‌م جۆره‌یه‌ :

سلێمانی × سه‌وره‌
پ. سلێمانی × شێروانه‌
زێره‌ڤانی × نه‌ورۆز
هه‌ولێر × زاخۆ
هه‌ندرێن × ئارارات
پ.هه‌ولێر × بروسك

سه‌رجه‌م یاریه‌كان كاتژمێر 4ی عه‌سر به‌ڕێوه‌ده‌چن و یاری نێوان كه‌ركوك و هه‌ڵۆش ئه‌نجام نادرێت.

s.    sulyfc