[size=16]هەڤاڵ خەریكی عەزیزەیە[/size]

گۆرانیبێژ هەڤاڵ ئیبراهیم ئێستا خەریكی ئامادەكردنی كلیپێكە بەنێوی (عەزیزە) كە لە هۆنراوەی (سەلمان شێخ مەمی)یەو ئاواز و هۆنراوەی فۆلكلۆرەو، دابەشكردنی میوزیكیشی لەلایەن سەید یەڵدس ئەنجامدراوە. ئەم گۆرانییە ستایلی تەكنۆیە. ئەم كارە نوێیەی هەڤاڵ جیاوازی زۆرە لەگەڵ كارەكانی دیكەی و كلیپەكەی بە شێوازێكی كۆمیدی دروستدەكرێ.

ئەمان نهێلی: ئەگەر من كلیپەكا خۆ نەراگرتبا دا كچەك سەرا وێ هێتە كوشتن

سترانبێژا گەنج ئەمان محەممەد، بەرنیاس ب (ئەمان نهێلی) گەلەكا پەشیمانە كو دبەرهەمێ خۆ یێ نوی دا، كو بەری دوو حەفتیا بەلاڤبووی، چ سترانێن سۆرانی نەكرینە تێدا و سۆزدا د بەرهەمێ بهێتدا چەند سترانەكێن سۆرانی ببێژیت .
ل دەڤەرا بەهدینان هێشتا ژ بەر تیتالێن جڤاكی و عەشایری، ستران گۆتنا ئافرەتێ ب شەرم دبینن، بەلێ ئەمانێ گوه نەدا وان و، وەكو ژنەكا ب جەرگ و بێ ترس چۆ سەردەپێ شانۆیێ و دەست ب ستران گوتنێ كر. دهەڤپەیڤینەكێدا دگەل (رووداو) ئەمانێ دبێژی " مالا وان گەلەك پشتەڤانیا وێ كر". ئێكەم كلیپا وێ ل سالا 2001 بناڤێ (من تو دڤیێ یا رازیمە) تۆماركر، ژبەر كێمییا سترانبێژێن ژن ل دهۆكێ، گەلەك ژ دەزگەهێن راگەهاندنێ یێن دەڤەرا بەهدینان شەڤانە ئەف كلیپە لێددا د پروگرامێن هونەریدا ئەمان دهاتە مێهاڤانكرن.
ئەمان دبینیت كو پەیمانەگەها هونەرێن جوان لاندكا هونەرمەندایە، لەورا پەیمانگەه هەلبژارت و دبێژی"من دڤیا بشێوەیەكێ ئەكادیمی دەست ب هونەری و سترانا بكەم، لەورا چۆمە پەیمانگەها هونەرێن جوان".
ئەمان ژدایكبوویا 1985ە و سێ سالە پەیمانگەها هونەرێن جوان ل دهۆكێ ب داوی ئینای و نووكە ئاكنجیا ناحیا دێرەلوكێ یە كو سەرب دەڤەرا ئامێدیێ یە. چار هەیڤە شوی كریە. پشتی شووكرنا وێ وەسا بەلاڤبوو كو دێ ئەمان سترانا هێلیت، بەلێ ئەو دبێژی "شویكرنێ چ كارتێكرن ل هونەرێ من نەكریە، بەلكو بۆ من بوویە پالنەرەك كو ئەز پتر یا رژدبم لسەر كارێن هونەری". ئەو زەلامێ ئەمانێ شوی پێكری نە هونەرمەندە، لێ وەك ئەو دبێژی "ئەو هونەردۆستە و گەلەك حەز ژهونەری دكەت".
دپرانیا ئەو سترانێت ئەمان دبێژیت ب رۆلێ ئافرەت رادبیت و ب كوڕان ڤە دبێژیت "ئەز بخۆ كچم، نە یا جانە ئەز وەك كچ ب كچێ ڤە بێژم".
هەتا نووكە وەكو كلیپ ئەمانێ گەلەك كلیپ بەلاڤكرینە، بەلێ ئەو دبینیت ب سترانا (شارێ دلا) كو ب دووقۆلی دگەل هونەرمەند محەممەد تەها ئاكرەیی گۆتی و كلیپ كری، گەلەك بەرنیاس بوو.
ئەمان كێمیا هونەرمەندێن كچ ل دەڤەرا بەهدینان بۆ رێگریا مالێن وان دزڤرینیت و دبێژی"گەلەك كچ دەنگێ وان گەلەكێ خۆشە و پەیوەندی بمن كرنە و دبێژن ئەم گەلەك حەزدكەین ببینە هونەرمەند، بەلێ مالێن مە رێكێ نادەنە، ئەف چەندە بوویە كولەك ددلێ وان دا".
بۆ كارێن هونەری و چۆنا وێ بۆ هەولێر و سلێمانیێ و پشكداریكرن د پرۆگرامێن هونەری دا هەتا نوكە ئەمانێ چ ئاریشە نەدیتینە و دبێژی"سوپاس بۆ خودێ هەتا نووكە سەرا هونەری چ ئاریشە بۆ من دروست نەبووینە و هەر جهێ من ڤیای ئەزا چویمێ".
ئەمانێ گەلەك سوپاسیا كەسوكارو مالباتا خۆكر "ئەگەر مالباتا من هاریكاریا من نەكربا نووكە ئەز نەدبوومە هونەرمەند".
ئەلبووما نوو یا ئەمانێ بناڤێ (پەری ناسم) بریتییە ژ 9 سترانان "بۆ ئاواز و هۆزانا گەلەك هونەرمەندا هاریكاریا من كریە ژ واناژی عەبدولقەهار زاخۆیی، محەممەد تەها ئاكرەیی، شەعبان سلێمان، ئیبراهیم رەشاڤەیی و سلێمان هەركی". هەروەها ڤین پرۆدێكشن و سلێمان ئورەی و شڤان رێكانی هاریكارییا داراییا ئەلبووما ئەمانێ كریە.
ل دۆر كلیپكرنا سترانێن بەرهەمێ خۆ، ئەمان پیچەك رادوەستی و ب مخابنی ڤە گۆت "بەری نووكە سترانا فۆلكلۆری(بێ فرە فرا ڤان چیجكا) ب شێوەیەكێ گەلەكێ جوان كلیپ كربوو، چار كچ و كوڕان پشكداری تێدا كربوو، پشتی كلیپ ب دوماهی هاتی، مالا كچەكێ پەشیمان بوون و گوتە وێ كچێ ئەگەر ئەو كلیپ بەلاڤ ببیت، دێ تە كوژین". ژ بەر هندێ ژی بەلاڤنەكر.
بەلێ ئەو دێ ل ڤان نزیكان سترانا (ئەز كچم كچا كوردانم) كلیپ كەت و دەتە هەمی دەزگەهێن راگەهاندنێ.

62%ی كه‌ركووكییه‌كان رۆژنامه‌ و گۆڤاری ئه‌هلی ده‌خوێننه‌وه‌

رووداونێت-كه‌ركووك
به‌پێی راپرسییه‌ك كه‌ له‌ پارێزگای كه‌ركووك له‌گه‌ڵ 410 كه‌س ئه‌نجام دراوه‌، ده‌ركه‌وتووه‌ 62%یان داهاتی مانگانه‌یان له‌ 250 هه‌زار دیناری عێراقی كه‌متره‌، 36%یشیان داهاتی مانگانه‌یان له‌ 250 هه‌زار زیاتره‌. هه‌روه‌ها 62% به‌شداربووانی راپرسییه‌كه‌ رۆژنامه‌ و گۆڤاری ئه‌هلی ده‌خوێننه‌وه‌.
گرووپی گه‌نجانی ئارابخا له‌ ماوه‌ی نێوان 22ی كانوونی دووه‌مه‌وه‌ تا 4 شوباتی رابردوو‌ راپرسییه‌كیان ئه‌نجام داوه‌، تێیدا زۆربه‌ی ناوچه‌كانی كه‌ركووكیان رووماڵ كردووه‌ و ته‌واوی نه‌ته‌وه‌كانی شاره‌كه‌یان وه‌ك نموونه‌ بۆ راپرسییه‌كه‌ وه‌رگرتووه‌.
به‌پێی راپرسییه‌كه‌ كه‌ 76%ی به‌شداربووانی ته‌مه‌نیان له‌ نێوان 18 تا 25 ساڵیدا بووه‌، ته‌نیا 9%ی به‌شداربووان زۆر باشن له‌ خوێندنه‌وه‌دا، 52%شیان باشن، به‌ڵام 35%یان دانیان به‌وه‌داناوه‌ كه‌ هیچ ناخوێننه‌وه‌.
له‌و رێژه‌یه‌ش كه‌ ده‌خوێننه‌وه‌، ده‌ركه‌وتووه‌ 46%یان رۆژنامه‌ و گۆڤار ده‌خوێننه‌وه‌، 30%ش خوێنه‌ری كتێبن، 18%شیان بابه‌تی تر ده‌خوێننه‌وه‌.
له‌باره‌ی ئه‌وه‌ی داخۆ رۆژنامه‌ و گۆڤاری ئه‌هلی ده‌خوێننه‌وه‌ یان حزبی و حكومی، ده‌ركه‌وتووه‌ 62%ی به‌شداربووانی راپرسییه‌كه‌ رۆژنامه‌ و گۆڤاری ئه‌هلی، 36%یان رۆژنامه‌ و گۆڤاری حزبی ده‌خوێننه‌وه‌.

[size=24]پۆلیسی سلێمانى پلانێكى تۆكمه‌ی بۆ بانگه‌شه‌ی هه‌ڵبژاردن داناوه[/size]

رووداونێت-سلێمانى
به‌ڕێوه‌به‌رایه‌تی پۆلیسى پارێزگاى سلێمانى ئه‌مڕۆ پێنجشه‌ممه‌ به‌هۆی نزیكبوونه‌وه‌ى ده‌ستپێكردنى بانگه‌شه‌كانى هه‌ڵبژاردن، په‌یامێكى ئاراسته‌ى دانیشتووانى سنووره‌كانى ژێر ده‌سه‌ڵاتى خۆی كرد، ئه‌م په‌یامه‌ش پێش كه‌متر له‌ ڕۆژێك دێت بۆ ده‌ستپێكردنى بانگه‌شه‌كان.
له‌ راگه‌یه‌نراوێكی پۆلیسی سلێمانیدا كه‌ كۆپییه‌كی ده‌ست (رووداونێت) كه‌وتووه‌، هاتووه‌ "به‌هاوكاریى لایه‌نه‌ په‌یوه‌ندیداره‌كان، پلانی ئه‌منى تۆكمه‌مان داناوه‌ له‌ هێزه‌كانى پۆلیس و ئاسایش و هاتوچۆ و پۆلیسى چالاكییه‌ مه‌ده‌نییه‌كان".
ئه‌وه‌یان راگه‌یاندووه‌ كه‌ له‌م ماوه‌یه‌دا ئه‌و هێزانه‌ هه‌وڵه‌كانیان چڕ ده‌كه‌نه‌وه‌ تا پرۆسه‌ى بانگه‌شه‌ى هه‌ڵبژاردنه‌كان به‌ئارامى و هێمنى به‌ڕێوه‌بچێ و رێگرى له‌هه‌ر رووداوێكى نه‌خوازراو و نایاسایى ده‌كه‌ن.
راگه‌یانراوه‌كه‌ى پۆلیسى پارێزگاى سلێمانى، به‌رپرسیاریه‌تى ته‌واو ده‌خاته‌ ئه‌ستۆى هاووڵاتییان و جه‌خت له‌وه‌ ده‌كاته‌وه‌ "له‌ كاتى روودانى هه‌ر سه‌رپێچییه‌كدا، سه‌رپێچیكار ده‌ستگیر ده‌كرێ و به‌رپرسیاریه‌تى ته‌واوى ده‌كه‌وێته‌ ئه‌ستۆ".
ئه‌و په‌یامه‌ى پۆلیس، هه‌فته‌یه‌ك دواى راگه‌یه‌نراوێكی ئاسایشى گشتیى سلێمانى هات، كه‌ داواى پاراستنى ئارامى مه‌راسیمه‌كانى هه‌ڵمه‌تى هه‌ڵبژاردنی كردبوو.
له‌ هه‌ڵمه‌تى هه‌ڵبژاردنی رابردووی په‌رله‌مانی كوردستاندا، شارى سلێمانى گه‌رموگوڕترین بانگه‌شه‌ى به‌خۆیه‌وه‌ بینى.

[size=24]تریسكە لە شەوی تاقیكردنەوە خۆی خــنـــــكاند[/size]

سۆران بەهائەددین
رووداو - هەولێر
تریسكە لە ژوورە تایبەتییەكەی پەتێكی باریكی لە ملی خۆی كردو بە دەستی خۆی حوكمی لە سێدارەدانی بەسەر خۆیدا سەپاند. تریسكە دوای خۆی نامەیەكی جێهێشت، كە تێیدا نووسیویەتی"دایە گیان بمبوورە ژیانم پێ ناچێتە سەر، خوێندنەكەم پێ تەواو ناكرێت".
نەقیب ژیلەمۆ عەبدولقادر، بەڕێوەبەری بەداواداچوونی تووندوتیژی دژی ئافرەتان لە هەولێر بە(رووداو)ی راگەیاند كە تریسكە ئەسعەد تاهیر، 22 ساڵ، لە كاژێر 11ی شەوی 23/1/2010 لە گەڕەكی ئاری شاری هەولێر،كە قوتابی قۆناخی دووی زانكۆ بووە، لە ژوورەكەی خۆی بە پەتێك خۆی هەڵواسیوەو خۆی خنكاندووە. ئەو بەرپرسەی پۆلیس هۆكاری رووداوەكەی بۆ ئەوە گەڕاندەوە كە"تریسكە بەهۆی خراپی لە تاقیكردنەوەكانی خۆی خنكاندووە"، گوتیشی "لێكۆڵینەوە لەرووداوەكە بەردەوامە و تائێستاش كەس لەسەر رووداوەكە دەستگیر نەكراوە".
تریسكە بە كۆنمرەی %74، پۆلی شەشی ئامادەیی تەواو دەكات و لە كۆلێژی كشتوكاڵی زانكۆی سەلاحەددین وەردەگیرێت، ساڵی یەكەمی لەو كۆلێژە بەسەركەوتوویی تەواو دەكات. فەهد ئەسعەد، كە برا گەورەی تریسكەیە، پەسنی خوشكەكەی دا كە " كچێكی زۆر رووخۆش بوو"، براكەی دەڵێ ئەوەندەیان خۆشویستووە دڵیان نەهاتووە كاری ماڵەوەی پێ بكەن تاوەكو بە باشی خوێندنەكەی تەواو بكات.
فەهد باسی لەوە دەكرد، كە تریسكە بەردەوام لە ماڵەوە خەریكی خوێندن بووەو گوتوویەتی خوێندنم زۆر گرانە،بەتایبەتی لەساڵی دووەم خوێندنی بووەتە ئینگلیزی"هەرگیز تووندوتیژ نەبووین بەرانبەری، پێماندەگوت ئەگەر قۆناخێك بە سێ ساڵ ببڕی كێشە نییە".
ئەو رۆژەی تریسكە خۆی خنكاند، لەلایەن هاوڕێیەكییەوە دەستە جلوبەرگێكی بە دیاری بۆ هاتبوو، ئەو لە ماڵ خۆشحاڵی خۆی بەوە دەردەبڕی كە سبەی بۆ كۆلێژ لەبەری دەكات، ئەو شەوەش تا درەنگانی شەو لەگەڵ خێزانەكەی دانیشتبوو. وەك فەهد دەڵێت زۆر ئاسایی بوو، پاشان گوتوویەتی دەچمە ژووری خۆم بەیانی تاقیكردنەوەیەكی زەحمەتم هەیە دەخوێنم. بەڵام هەر ئەو شەوە خۆی دەخنكێنێ.
فەهد سەرسوڕمانی خۆی نیشاندا لە چۆنیەتی خۆ خنكاندنی خوشكەكەی، كە بە پەتێكی زۆر باریك خۆی خنكاندووە "بەو پەتە باریكە زەردە نایلۆنییەی كە تەبەقەی هێلكەی پێدەبەسترێت خۆی هەڵواسیبوو، زۆر سەیرە نازانین ئەو پەتەی لە كوێ هێناوە، دوای ئەوەی پەتەكەی لە مل كردووە، كورسییەكی لەژیر پێیداناوەو خۆی بە پانكەوە هەڵواسیووە".
تریسكە لەدوای خۆی نامەیەكی جیهێشتووە كە بەدەستخەتی خۆی نوسیوویەتی و لە كۆتاییشدا ناوی خۆی نوسیووەو واژۆی كردووە. ئەو نامەیە ئێستا لەلای پۆلیسە بۆ لێكۆلینەوە. فەهد باسی نێوەڕۆكی نامەكەی بۆ (رووداو) كردو گوتی "تریسكەلە نامەكەدا بە 3 دێڕ نووسیویەتی: دایە گیان بمبوورە ژیانم پێ ناچێتە سەر، خوێندنەكەم پێ تەواو ناكرێت، گەردنم ئازاد بكە، دوعای خێرم بۆ بكەن".
فەهد پێیوایە خوشكەكەی زۆر دوودڵ بووە لە خۆخنكاندن، چونكە لە دوای نوسینی نامەكە هێڵێكی كاڵی بەسەر نامەكەدا هێنابوو وەك ئەوەی ویستبێتی رەشی بكاتەوە.
یەكێك لە قوتابییەكانی كۆلێژی كشتوكاڵ ئاماژەی بەوەدا یەكێك لەو كێشانەی وایكردووە كە خوێندن لەو كۆلێژە ئەستەم بێت، زۆری دەوامە كە بەهۆی نەبوونی هۆڵ تا دوای عەسر تەواو نابن، هەتا دەگەنەوە ماڵ دەبێتە مەغریب و بەشەوانیش خوێندن زەحمەتە "تا رۆژی تاقیكردنەوە ناتوانیت بخوێنیت، ئەوكاتیش تەواو نابێت، سەرەڕای ئەو زەحمەتییەش دامەزراندن نییە بۆ دەرچووانی كۆلێژی كشتوكاڵ، بۆیە نائومێد دەبین". بەڵام د.شێرزاد عومەر، راگری كۆلێژی كشتوكاڵ، پێیوانییە تریسكە لەسەر دەوام و خوێندن خۆی خنكاندبێت، وەك ئەو دەڵێت تریسكە تەنیا یەك تاقیكردنەوەی لە كۆرس كردووە كە هێشتا ئەنجامەكەی دیار نییە، بەڵام لەسەر 40 نمرەی رۆژانە 25ی هەیە "خوێندنی كۆلێژی كوشتوكاڵ زەحمەت نییە، خۆ تریسكە تەنیا قوتابی نییە لەو كۆلێژە بۆ هەر ئەو خۆی كوشت، هەر رێنماییەكی كۆلێژ هەبێت بۆ هەمووانە، نەك بۆ یەك قوتابی".
هەرچەندە زۆربەی ئەو كچ و كوڕانەی هەوڵی خۆكوشتن دەدەن، كێشەی كۆمەڵایەتیان هەیە، بەڵام فەهد رەتیكردەوە خوشكی هیچ كێشەیەكی لەو جۆرەی هەبێت تەنیا خوێندن نەبێت و دەڵێ خوشكەكەیشی لە نامەكەدا ئەوەی یەكلایی كردووەتەوە "ئەو پێشتر زۆر زیرەك بوو، پێی قبوڵ نەبوو بكەوێت، پێی خەمێكی گەورە بووە هاوڕێكانی بەجێی بهێڵن، بۆیە نەیوێرا بچێتە تاقیكردنەوە، زۆر ترساوە".
ناوە ناوە فەهد دەیگوت "رازین بە قەدەری خودا"، پاشان باسی خوشكەكەی دەكرد، كە كچێكی زۆر هێمن و شەرمن  و قورئانخوێن بووە. فەهد ئاهێكی بۆ مەرگی خوشكی هەڵكێشاو گوتی "تریسكە بەردەوام مەلزەمەكانی بەدەستەوە بوو، دەیگوت دەرسەكە زۆر گرانە، تریسكە بووە قوربانی، بۆیە داواكارم شتێك بۆ قوتابیانی دیكە بكرێت".

[size=24]كوڕێكی تورك و كچێكی ئەفغانی بە كوردی خۆشەویستی دەكەن [/size]

رووداو - هەولێر
كچەكە هاوار دەكا و بە كوڕەكە دەڵێ "من تۆم زۆر خۆشدەوێ"، كوڕەكەش بە تۆنێكی نەرمترەوە دەڵێ "من زۆرتر". رەنگە ئەمە لەسیناریۆیەكی دووبارەی فیلمێكی كوردی بچێت، بەڵام لەڕاستیدا ئەوە چیرۆكی راستەقینەی پێوەندیی نێوان دوو كەسی بیانییە لە كوردستان.
هیچ كام لەو دووانە زمانی ئەوی دیكە نازانێ، بۆیە ئەو دوو خۆشەویستە بە زمانی كوردی، قسە دەكەن.
سارا موجەدیدی كچێكی ئەمریكییە و بە رەگەز ئەفغانە، بەڵام سەلجووك سیگنچ، توركە و خەڵكی ئیستەنبولە. ئەوانە دوو مانگە لە شاری هەولێری پایتەختی هەرێمی كوردستان بوونەتە خۆشەویستی یەكتری و بەنیازن ژیانی هاوسەری پێكەوەبنێن، بەڵام دوای ئەوەی زیاتر سەقامگیر بوون و زیاتر لە یەكتری گەیشتن. هەردووكیان پێش ئەوەی بێنە كوردستان دووچاری زۆر كێشە بوونەتەوە.
سارا موجەدیدی، 25ساڵ، ماوەی چوار ساڵە لە هەرێمی كوردستان دەژی و بەشێوەیەكی نائاسایی ئەمریكای جێهێشتووە.ئەو بەبێ ماڵئاواییكردن لە خێزانەكەی، ئەو وڵاتەی بەجێهێشتووە. ئەو لەدەست "كولتووری داخراوی ئەفغانییەكان" لە شاری ڤێرمۆنت لە ویلایەتی كالیفۆرنیا "رایكردووە". ئەو شارەی ئەمریكا بە "كابوڵی بچووك" ناسراوە، لەبەرئەوەی ژمارەیەكی زۆر ئەفغانی لێ دەژین.
ئەو بەدەنگێگی خەمبارەوە دەڵێ "گەورەبوونم وەك منداڵێكی ئەفغانی-ئەمریكی زۆر سەخت بوو". سارا دەڵێ "نەمدەتوانی بەشداری ئاهەنگەكانی قوتابخانە بكەم، یان سەردانی هاوڕێكانم بكەم و بچمە دەرێ. دەبوایە چیرۆكی گەشتی خەیاڵاویم دروست بكردایە، كە گوایە دەچمە واشنتن بۆ بەڕێوەبردنی مێزگردێك، بەڵام لە راستیدا بۆ شاری لاسڤەیگس دەچووم و لەوێ كاتێكی خۆشم لەگەڵ هاوڕێكانم بەسەردەبرد". ئەو بە درۆی چوونە كتێبخانە، لەگەڵ هاوڕێكانیدا دەچووە بازاڕ "من زیندانی بووم".
وادیاربوو لێدانی بە قایش بەس نەبوو، لەبەرئەوە لەساڵی 2004 لەلایەن دایك و باوكییەوە رەوانەی ئەفغانستان كرایەوە بە مەبەستی "هۆشیاركردنەوەی لەوەی كە بە رەگەز خەڵكی كوێیە"، بەڵام سارا دەڵێ "ئەوە راست نەبوو".
ئەوان دەیانویست ناچاری بكەن شوو بە ئامۆزایەكی بكات كە هەرگیز نەیدیتبوو. سارا دەگێڕێتەوە "ئامادە نەبووم ئەوە بكەم، لەبەرئەوەی زۆر جیاوازبووین. بیركردنەوەی من زۆر جیاوازبوو لەگەڵ ئەوان. كە لە كالیفۆرنیاوە چوومەوە ئەفغانستان، ناچاربووم ماوەی مانگێگ عەبا بپۆشم".
كاتێك رازی نەبوو شوو بە ئامۆزاكەی بكات، نێوی بنەماڵەكەیان لەنێو كۆمەڵگەی ئەفغانیدا لەكەداربوو. بۆیە كە گەڕایەوە ئەمریكا، لە زانكۆی كالیفۆرنیا درێژەی بە خوێندن دا " بەناچاری هەر لە كۆمەڵگەی زانكۆدا دەمامەوە". بەڵام كە لەوێش هەستیكرد ژیانی لە مەترسیدایە بڕیاریدا بە دوای كارێكدا بگەڕێت لە رۆژهەڵاتی نێوەڕاستدا، لەو ژیانە داخراو و نەریتە "رابكەم". لە ماوەی دوو هەفتەدا،لە لایەن كۆمپانیایەكی گەورەی كوردستانەوە داواكرا، بەڵام ئەو وایزانیبوو كارەكە لە كازاخستانە.
ناوبراو باسی ئەو كاتە دەكات و دەڵێ " لەگەڵ گەیشتنم بە فڕۆكەخانەی نێودەوڵەتی هەولێر، سەرم سوڕما و شۆك بووم كاتێك زانیم لە عێراقم و لە كازاخستان نیم".
سارا موجەدیدی لە سەنتەری سپیدی هەولێر (سەنتەری پێشبڕكێی ئۆتۆمبێلی بچووك لە هەولێر)، وەكو مامۆستا دەستی بە كار كرد. دەڵێ لە سەرەتادا زۆر دەترسا بچێتە دەرەوە، لەبەرئەوەی ترسی هەبوو بەر تەقینەوە بكەوێت، یاخود بیڕفێنن. هەروەها دەڵێت " لەبەرئەوەی لەنێو بنەماڵەیەكی ئایینی گەورە ببووم و بەبێ رەزامەندی باوانم هاتبووم، لەسەرەتادا زۆر دەترسام".
پاشان ژیانی لە هەولێر بەرەو خۆشی دەڕواو دەست دەكات بەبنیادنانی داهاتووەكەی، كە ئێستا چیرۆكێكی رۆمانسیشی تێكەوتووە.
سەلجووك سیگنچ،27 ساڵ، ئەندازیاری دەنگە لە كەناڵ 4 لە هەولێر و هاموشۆكارێكی بەردەوامی سەنتەری سپیدە، ئەو دەڵێ یەكسەر "هەستێك"ی لەلا پەیدابوو بەرامبەر بە سارا. سەلجووك لەوبارەیەوە گوتی"لە یەكەم بینیندا خۆشمویست، بەڵام لەسەرەتادا سارا ئەوەندە گرنگی پێنەدام و نەیدەویست قسەم لەگەڵ بكات".
ساراش لەبارەی یەكەم بینینی سەلجووكەوە گوتی "هەموو شەوێك دەهات بۆ بینینم و لەسەرەتادا زۆر بێزاری كردبووم".
بەهۆی رابردووە ناخۆشەكەی و بڕوانەكردنی بە پیاوان، سارا هێشتا ئامادەنەبوو پەیوەندی خۆشەویستی دەست پێ بكات. بەڵام پاشتر هەستی سارا بەرامبەر بە سەلجووك گۆڕا "دوو مانگ لەمەوپێش كاتێك سەلجووك هات بۆ ئاهەنگی جەژنی لەدایكبوونم، كوڕێكی زۆر چاك دەرچوو. زۆر گەڵای چا و چای ئامادەكراوی بۆ هێنام، لەبەرئەوەی دەیزانی زۆر حەزم لە چایە، ئەمەش بیروبۆچوونمی گۆڕی و پەیوەندییەكەمان دەستی پێكرد".
ئێستا ئەو كەپڵە دوو مانگە پێكەوەن و یەكێكیان زۆر پەلەیەتی بۆ ئەوەی پرۆسەی هاوسەرگیری ئەنجامبدەن. لەوبارەیەوە سارای دڵخۆش گوتی" سەلجووك دەیەوێ ئەمڕۆ بمهێنێت، بەڵام نامەوێت ئەوەندە پەلە بكەین، جارێ دەبێ دڵنیا بین لە هەموو شتێك و هەندێكیش خۆم گران بكەم!".
گەورەترین لەمپەر لەبەردەم ئەو پەیوەندییە رۆمانسیەدا زمانە. نە سارا دەزانێ بە توركی قسە بكات و نە سەلجووكیش ئینگلیزی دەزانێ، بۆیە هەردووكیان بە كوردییە شكاوەكەیان قسە دەكەن، دەڵێن" دەبێ بە كوردی قسە بكەین".
سەلجووك كە توركە، هیچ كێشەیەكی نییە بە كوردی قسە بكات. سەلجووك دەڵێ "ئێستا كرانەوەیەك بەرامبەر بە كورد لە توركیا هەیە و لە پێنج ساڵی داهاتوودا ئەمەش قبوڵ دەكرێت و هەتا ئەگەر منداڵیشمان بوو ناوی كوردی لێدەنێین وەكو ڤیان و ئادەم".
لەبارەی داهاتووشیانەوە لە عێراق، ئەو دوو خۆشەویستە هیچ پلانێكیان نییە بەمزووانە بەجێی بێڵن، سارا گوتی "بۆ پێنج ساڵی دیكە لێرە دەمێنمەوە و هەندێ پارە كۆدەكەمەوە، بۆ ئەوەی پشت بە خۆم ببەستم و نامەوێ پشت بە پیاو یاخود هیچ كەسێكی دیكە ببەستم، لەبەرئەوەی نازانی لە داهاتوودا چیت بەسەردێت".
لە هەمانكاتدا سەلجووك دەڵێ ئامادەیە بچێتە هەر شوێنێك كە خۆشەویستەكەی حەزی لێدەكات و دەڵێ "هەرگیز بەجێی ناهێڵم". لەوكاتەدا سارا قسەكانی سەلجوك دەپچڕێنێت و دەڵێ" ئێستا من كەسێكی ئازادم و بۆ دواجار هەستدەكەم كە مرۆڤم. ئێرە ئازادی و خۆشەویستی بۆ دابینكردم و هەتا دەتوانم لەم وڵاتە دەمێنمەوە".

زۆر سوپاس بۆ په‌یامه‌كانتان هاوریه جوانه كانم

[size=16]سلاوهاوريه جوانه كان دياره له لايه ن كه سيكى نه فس نزمه وه باسيؤردى منى بردوه به ناوى من هابوه زوره وه جه ند قسه يكى ناسيرينى نوسيى بوو له يانه من له ميزه ديار نه بوو به هؤىى ئه وه ى تؤزيك سه ر قال بوه ئه و ماوه يه بؤ يه له لايه ن هاوةريءه كمه وه له ريكه ى ياهوه ئاكادارى كردمه وه كه كه سيك به وناوى تؤوه هاتوته زوره وه به يامى ناشيرين ئه نيريت بؤيه من ليره وه داواتان لى ئه كه م كه من نه بويمه ءه كه ر بؤ هه ر هاوريه كيش جوه من ليره وه داوواى لى بردون ئه كهع م كه به ناوى من هاتوه بؤ هاوريان به لام ته له فؤنم كرد بؤ كاكه سه ر هنك و كاكه ئاسؤ بؤ ئه وى باسيؤرده كه م بؤ بكه رينه وه [/size]