[size=16]** زانا عه‌قڵ پێشڕه‌ويه‌تی ، نه‌زانيش زمان ٠

** به‌ڕێزترين ده‌وڵه‌مه‌ند ئه‌و كه‌سه‌يه‌ كه‌ منه‌ت به‌سه‌ر خه‌ڵكيدا نه‌كات ٠

** هه‌ر كه‌سێك په‌له‌ بكات له‌ناو خه‌ڵكی به‌ كردنی ئه‌و شتانه‌ی پێيان ناخۆشه‌ ، شتی وا ده‌رباره‌ی

ده‌ڵێن كه‌ له‌و كه‌سه‌دا نين ٠

** خراپه‌يه‌ك كه‌ عه‌يب دارت بكات له‌لای خوا باشتره‌ له‌ چاكه‌يه‌ك كه‌ خۆپه‌رستيت بۆ دروست بكات ٠

** چاكترينی خه‌ڵك ئه‌و كه‌سانه‌ن كه‌ له‌ كاتی ده‌سه‌ڵاتدا لێ بوردنيان هه‌بێ ٠

** سه‌ردانی نه‌كردنی دۆست و هاوڕێيان غوربه‌ت و ناڕه‌حه‌تی يه‌ ٠

** هه‌ر كه‌سێك كه‌ بيه‌وێت پێشه‌وای خه‌ڵكی ، با له‌ سه‌ره‌تادا خۆی به‌ ڕه‌وشتی جوان بڕازێنێته‌وه‌ ،

پێش ئه‌وه‌ی ئامۆژگاریی خه‌ڵكی بكات ، وه‌ ڕه‌وشت به‌رزی يه‌كه‌ی به‌ كرده‌وه‌ ده‌ست پێ بكات پێش

ئه‌وه‌ی به‌ قسه‌ بيكات ، ئه‌و كه‌سه‌ی سه‌رزه‌نشتی نه‌فسی خۆی ده‌كات به‌ڕێزتره‌ له‌و كه‌سه‌ی كه‌

خه‌ڵكی ته‌ربيه‌ت ده‌دات ٠

** هه‌ر گه‌لێك دينه‌كه‌ی بكاته‌ فوربانی دونيای خوا تووشی زه‌ره‌رمه‌نديی زياتری ده‌كات ٠

** دۆستێك نابێته‌ دۆستی ڕاسته‌قينه‌ تاوه‌كو دۆسته‌كه‌ی له‌ سێ شتان نه‌پارێزێت : له‌ ناره‌حه‌ت

و ماندوو كردنی ، وه‌ له‌ غه‌يبه‌ت كردنی وه‌ له‌ كاتی مردنی دا چاودێريه‌كی دڵسۆزانه‌ی بكات ٠

** گه‌وره‌ترين عه‌يب ئه‌وه‌يه‌ كه‌ ئه‌و عه‌يبه‌ی له‌ خه‌ڵكی ده‌يگری له‌ خۆتدا هه‌بێ ٠

[/size]

کابرایه‌ک ئه‌چێت بۆ لای دوکتۆر. که‌ سه‌ره‌ی دێت و ئه‌چێته‌ ژووره‌وه‌ دوکتۆر لێی ئه‌پرسێت:
"گرفتت چییه‌ بۆچی هاتوویت؟"
ئه‌ویش ئه‌ڵێت:
"دوکتۆر گیان، دوو هه‌فته‌یه‌ به‌ به‌رده‌وامی من هه‌موو شه‌وێک خه‌و به‌ فوتبۆڵێنه‌وه‌ ئه‌بینم."
دوکتۆریش پێی ئه‌ڵێت:
"بۆ ئه‌وه‌ی ڕزگارت ببێت له‌و خه‌وه‌ ئه‌بێت شه‌وێک نه‌خه‌ویت، جا له‌به‌رئه‌وه‌ ئه‌مشه‌و مه‌خه‌وه‌!"
کابراش ئه‌ڵێ:
"ناکرێت دوکتۆر ئه‌مشه‌و هه‌ر ئه‌بێت بخه‌وم."
دوکتۆریش ئه‌ڵێ:
"بۆ؟"
ئه‌ویش ئه‌ڵێت:
"ئه‌مشه‌و یاری کۆتاییه‌

گێلاسی شیرین وزەی پتری لە گێلاسی مزر تێدایە، بەڵام هەردووكیان سەرچاوەن بۆ گەلێك مادەی دژەئۆكسانی وەكو فلاڤەنۆیدەكان و میلاتۆنین، هەروەها گێلاسCherries بە تایبەتی گێلاسی مزر بڕێكی باشی لە ڤیتامین A و ڤیتامین C تێدایە، ئەمە سەرەڕای كانزاكانی كۆپەر، ئاسن، پۆتاسیۆم، مەنگەنیز. هەتا رەنگی گێلاس تاریكتر بێت، پتر لە مادە دژەئۆكسانەكانی تێدایە كە سوودی تەندروستی زۆریان هەیە لە پاراستنی مرۆڤ لە نەخۆشی دڵ و كۆلیستیرۆلی بەرز و شێرپەنجە. لە لێكۆڵینەوەكاندا هاتووە كە خواردنی گێلاس بە تازەییی یان بە فریزكراوی یان بە وشككراوی یانیش شیرەی گێلاس، سوودی زۆری هەیە لە چارەسەركردنی نەخۆشی بەگەكان)ألنقرس (Gout كە بریتییە لە ئاوسان و ئازار لە جومگەی پەنجەی گەورەی پێ لەبەر زیادبوونی ترشی یوریك Uric Acid لە خوێن و نیشتنی لە جومگەدا. قەڵەوەكان و ئەوانەی كێشی لەشیان زیادە ئامۆژگاری دەكرێن بۆ خواردنی بڕێكی گێلاس رۆژانە بە مەبەستی كۆنترۆلكردنی كێشیان لەگەڵ وەرزش و كەمكردنەوەی وزەی خۆراكی رۆژانە. گێلاس لە ریشاڵەی رووەكیش بێبەش نییە، لەگەڵ فۆلێت كە یەكێكە لە كۆمەڵەی ڤیتامین B، ئەمە و گێلاس لەبەر پێكهاتە گرنگەكانی، دەتپارێزێت لە نەخۆشی شەكرە و خەوزڕان.

ئەناناس Pineapple لە ئەمەریكادا لە پاش مۆز دێت كە خەڵك پەسەندی دەكەن. ئەناناس چەندین ئەنزیمی تێدایە كە یارمەتی هەرسكردنی خۆراكە پرۆتینییەكان دەدەن، هەروەها بڕێكی باشی لە ڤیتامین C تێدایە كە دژەئۆكسانێكی بەهێزە و لە ئاودا دەتوێتەوە واتە دەگاتە هەموو شوێنە تەڕ و ئاوییەكانی لەش و خانەكان دەپارێزێت لە هەوكردنەكان بە بەكتریا و بە ڤایرۆس، هەروەها بەرگری لەش بەهێز دەكات، جگە لەمەش، لەش لە زیانەكانی مادە سەربەستەكان دەپارێزێت، لەم زیانانە وەكو تووشبوون بە نەخۆشی رەقبوونی خوێنبەرەكان و نەخۆشی دڵ لە نەخۆشانی شەكرەدا، هەناسەتەنگی و رەبو، شێرپەنجەی قۆڵۆن، داڕوشانی جومگە، هەوكردنی رۆماتیزمی جومگەكان. ئەناناس، كانزای مەنگەنیز و ڤیتامین B1 ی تێدایە كە زۆر گرنگن بۆ كۆمەڵێك ئەنزیم كە لە بەرهەمهێنانی وزەدا بەشدارن بۆ چالاككردنی كارلێكە زیندە كیمییاییەكاندا. ئەناناس لە گێزەر گرنگترە بۆ تەندروستی چاوەكان، بە تایبەتی پاراستنی چاوەكان لە گۆڕانەكانی پەیوەست بە تەمەن بە رێژەی 36% كە هەندێك جار دەبێتە ئەگەری لەدەستدانی بینین.