پەروەردگاری مەزن بۆچی ناوی مێرولە ((النمل)) ی بردووە لە قورئانی پیرۆزدا ؟

((حتى اذا اتوا على واد النمل قالت نملة يا ايها النمل ادخلوا مساكنكم لا يحطمنكم سليمان وجنوده وهم لايشعرون (18) فبتسم ضاحكا من قولها وقال رب اوزعني ان اشكر نعمتك التي انعمت على وعلى والدي وان اعمل صالحا ترضاه وادخلني برحمتك في عبادك الصالحين (19) سورة النمل))

بۆ ئەوەی بزانین پەروەردگاری مەزن بۆچی زیاتر لە زوربەی كیانەوەرەكاندا بایەخی بەناو هێنانی هندێكیان داوە ؟ هەر وەكوو یەكێك لەو كیانەوەرانە كە ناویان هاتووە مێرولەیە (النمل) وە لەو پەرتووكە بەنرخ و پڕ زانستە كە ی پەروەردگار كەقورئانی پیرۆزە باسی لێوە كردووە و تەنانەت سورەتێكی قورئان بەناوی ئەو كیان لەبەرەوە كراوە كە سورەتی ((النمل)) ە :

میرولە دەتوانێت بیست ئەوەندەی كێشی خۆی زیاتر شت هەڵبگرێت ,
واتە ئەگەر یەكێك لە ئێمە ئەم توانایەی هەبێت ئەوا دەتوانێت بە ئاسانی ئوتومبێلێك هەڵ بگرێت كەوا كێشەكەی (1000) هەزار كیلو گرام بێت ئنجا بۆ خۆت بەراووردێك بكە بۆت دەردەكەوێت كە ئەو مێرولە پچووكە بە لایەنی كەمەوە بیست ئەوەندەی تۆ بەهێزە .

2 – كۆنترین و بەتەمەن ترین مێرولە لەسەر ڕووی زەوی لەناو بەردێكدا دۆزراوەتەوە لە ئەمەریكادا كە تەمەنی ئەو مێرولەیە (92) نەوەد و دوو ملیۆن ساڵە وە لە ساڵی (1998) دا دۆزراوەتەوە واتە دەتوانین بڵێن ئەو مێرولەیە لە سەردەمی دیناسۆرەكاندا ژیاوە شكومەندی بۆ خوا (سبحان الله) دیناسۆرێك كە دەیەها هەزار كیلو گرام دەبێت لەناو دەچێت و نامێنێت كەچی مێرولەیەك كە كێشی تەنها بەشێكی زۆر كەمترە لە گرامێك دەمێنێتەوە ئەم هەموو ساڵانەو زاو و زێش دەكات .
3 – كڵبەكانی مێرولە گەلێك بە هێز ترن لەوەی كە تۆ دەیزانیت ! بە هۆی ئەو كەڵبانەیەوە دەتوانێت زەوی كون بكات و بجەنگێت و بەرگریش لە خوی بكات واتە ئەگەر هاتو ئێمە قەبارەی دەم و كەڵبەی مێرولە بەراوورد بكەین لەگەڵ كەڵبەو دەمی ((تمساح)) دابۆمان دەردەكەوێت كە دەم و كەڵبەی ((تمساح)) گەورەترە لە هی مێرولە بە هەزارەها جار , بەڵام هی مێرولە بەهێز ترە ئەگەر بە گوێروە قەوارەی خۆی لێكی بدەینەوە .
4 – سەری مێرولە ئەو سەرەیە كە مێشكێكی ئاڵۆزی تێدا هەیە دەتوانێت بیری پێ‌ بكاتەوە كارە پێویستەكانی خۆی پێ‌ بەرێت بەرێوە  و لە كاتی تەنگانەدا ئاگاداری بنێرێت بۆ مێرولەكانی تر و هێرش بەرێتە سەر نێچیرەكەی وە دەبینین كە شەش قاچی هەیە وە دوو شاخی هەست پێ كردنیش .
هەروەها پەروەردگار وای كردووە كە مێرولە بتوانێت هەندێك مادەی پاكژكەری كیمیكی دەربدات بۆ پاكژكردنەوەی هێلانەكەی خۆی و بەتایبەتی جێگای ئەو گەرایانەی كە دایدەنێت بۆ ئەوەی بكتریا و مكرۆپ گەراكانی نەفەوتێنن و لە ناوی نەبەن , بۆیە هەڵدەستێت بە رۆپۆشكردنی كەراكانی خۆی بەو مادەیە بۆ پاراستنی لە زیانی بكتریاكان , وە بۆ مەبەستی پاكژكردنەوەی ئەو خۆراكەی كە هەڵی دەگرێت بۆ ماوەیەكی زۆر ,وە ئەگەر ئەو مادەیە نەبوایە مێرولە نەدەژیا وە مێرولە دەتوانێت ترشی نەملیك ((حمچ النملیك)) دەر بدات كە مادەیەكی سر كەرە بۆ دوژمنەكەی لەكاتی بەرگری كردن لە خوی , زانایەكی ئوسترالی لەدوای ئەوەی جەند زنجیرە توێژینەوەی ئەنجامدا لەسەر گیاندارە بچوك و لاوازەكان نهێنێكی گەلێك سەرسورهێنەری بۆ روون بۆوە كە هیچ كەسێك بیری لێ‌ نەدەكردەوە ئەویش بوونی ڕێژەیەكی زۆرە لە مادەی شوشە لە ناو جەستەی مێرولەدا ئەمەش ئەو راستییە دەسەلمێنێت كە قورئانی پیرۆز لە سورەتی (نمل) دا باسی كردووە كە لەسەرەوە ئاماژەمان پێ‌ كردووە لەكاتێكدا دەفەرموێت ((ادخلوا مساكنكم لا یحطمنكم سلیمان وجنوده وهم لایشعرون (18) واتە ئەی مێرولەكان بچنەوە ماڵەكانی خۆتان تاوەكوو پێغەمبەر سلیمان و سوپاكەی ئێوەیان نەشكاندووە هەمووشمان دەزانین كەوا زاراوەی (تحطیم) شكاندن بۆ شوشە بەكاردەهێندرێت , واتە بەكارهێنانی ئەو ووشەیە لەقورأنی پیرۆزدا یەكێكە لە بڵگە زۆرەكان لەسەر سەرچاوەی قورأنی پیرۆز كە لە پەروەردگارەوەیە و لە هیچ كەسێكی ترەوە نییە ئەگینا تاوەكوو سەدەی بیستیش كەس ئەو راستییەی نەدەزانی كەوا بەشێكی زۆری جەستەی مێرولە لە مادەی شوشە پێكهاتووە هەر بۆیەش دەست بەجی زانا ئوسترالێكە ئیسلام بوونی خوی ئاشكرا كرد ..

له‌زستاندا به‌یه‌کێک له‌پاسه‌وانه‌کانی ووت:سه‌رمات نیه‌؟

ووتی:راهاتووم
ووتی:پێیان ده‌ڵێم پۆشاکی گه‌رمت بۆبهێنن ،
بیریچوو!
به‌یانی ته‌رمی پاسه‌وانه‌که‌یان بینی که‌له‌سه‌ر دیواره‌که‌ نووسیبوی:به‌سه‌رما ڕاهاتووم به‌ڵام به‌ڵێنی پۆشاکی گه‌رمت منی وێران کرد...!!!

ناسینی پەیامبەری خوا (صلى الله عليه وسلم))))))) هەر ئەوە نیە بە زمان بڵێین ئەیناسین و ناوی (محمد) ـە و پەیامبەری خوایە ، بەڵكو پێویستە ناسینەكە داخوازی كۆمەڵێ‌ شت بكات بەبێ‌ ئەوانە مرۆڤ سود لەو ناسینە نابینێ‌، پێش هەموو شتێ‌ گرنگی ناسینی پەیامبەری خوا (صلى الله عليه وسلم) لەوەدایە نێوەندی نێوان بەندەكان و خوای پەروەردگارە لە رونكردنەوەی شەرعی خوا و چۆنێتی پەرستنی، وە دەبێ‌ ئەم ناسینە داخوازی چەند شتێك بكات ئەوجا دەبێتە ناسینێكی دروست و سود بە موسڵمان ئەگەیەنێ‌:
1 / دەبێ‌ ئەو ناسینە داخوازی ئەوە بكات كە قایل بین بەو رێنمایی و ئاینەی كە پێی هاتووە، وە باوەڕكردن بەوەی كە هەواڵی پێداوە، لە گەڵ گوێڕایەڵی كردنی فەرمانەكانی و دوركەوتنەوە لە قەدەغە كراوەكانی و فەرمان ڕەوایی كردن بەو شەریعەتەی پێی هاتووە لەگەڵ رازی بوون بە دادوەریەكەی. ناسینیش تەنها بە وتن نیە بەڵكو دەبێ‌ بە كردەوە بیسەلمێنین.
2 / دەبێ‌ ئەم ناسینە ببێتە هۆی ئەوەی لە ناكۆكی و كار و باری ئاین بگەڕێینەوە لای خۆی وەك خوای پەروەردگار ئەفەرموێ‌: [يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ ] النساء59.
كە ئێستایش خۆی لە ژیان نەماوە دەگەڕێینەوە بۆ لای قورئانەكەی خوا و سوننەتی پەیامبەرمان (صلى الله عليه وسلم) بە تێگەیشتنی پێشینی ئەم ئوممەتە كە ئەوانیش هاوەڵانن
3 /.دەبێ‌ ئەم ناسینە بە شێوەیەك بێت قسەی كەس پێش قسەی نەخەین و ڕاو بۆچونی كەس پێش راوبۆچونی نەخەین هەروەك ابن عباس فەرموویەتی: نزیكە لە ئاسمانەوە بەردتان بەسەردا داببارێت من دەڵێم: پەیامبەری خوا (صلى الله عليه وسلم) وای فەرمووە، كەچی ئێوە دەڵێن: (أبو بكر، و عمر)  فەرموویانە !!!
هەروەها پێشەوا احمد ئەفەرموێ‌: سەرم سوڕماوە لە كردەوەی ئەو كەسانەی كە سەنەدی فەرموودەیان ناسیوە، كەچی بۆچوونی (سفیان) وەردەگرن، لەو لاشەوە خوای پەروەردگار فەرموویەتی : [ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ ]
4 / پێویستە ئەو ناسینە وامان لێبكات ملكەچی بڕیارەكانی بین هەروەك خوای پەروەردگار ئەفەرموێ‌: [إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا وَأُوْلَئِكَ هُمُ الْمُفْلِحُونَ] النور51
هەروەها ئەفەرموێ‌: [فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً ] النساء65
5 / دەبێت ئەم ناسینە ببێتە هۆی ئەوەی پێچەوانەی نەبینەوە هەروەك خوای پەروەردگار ئەفەرموێ‌: [ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ ] پێشەوا (ابن كثیر): فەرمویەتی: گوێڕایەڵی پەیامبەری خوا صلى الله عليه وسلم پێشترە لە گوێڕایەڵی هەموو كەسێكی تر، با چاكترینی ئەم ئوممەتە بن، كە (أبو بكر، و عمر) ن.
وە فەرموویەتی: وە وتەی خوای پەروەردگار كە فەرموویەتی: [ فَلْيَحْذَرِ الَّذِينَ يُخَالِفُونَ عَنْ أَمْرِهِ ] ، واتە: لە فەرمانی پەیامبەری خوا (صلى الله عليه وسلم)، كە ڕێباز، و پەیڕەو، و ڕێگا، و سوننەت،و شەریعەتەكەیەتی، بۆیە دەبێت هەموو ووتە و كردەوەكان بە ووتە و كردەوەكانی ئەو بپێورێت، جا ئەوەی هاوكۆك و هاودەنگ بوون لە گەڵ ئەودا وەردەگیرێت، ئەگەر پێچەوانەش بوو لە گەڵیدا، ئەوە ڕەتكراوەیە بە ڕووی خاوەنەكەی و ئەنجام دەرەكەی، هەر كەسێك بێت.
6 /دەبێت ئەم ناسینە ببێتە هۆی خۆش ویستنی هەروەك خۆی ئەفەموێ‌: (فَوَالَّذِي نَفْسِي بِيَدِهِ لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ) صحيح البخاري
بەڵام خۆشویستنەكە لەبەر ئەوە نەبێ‌ عەرەبە یان لەبەر خزمایەتی و لەبەر بەهێزی كەسایەتیەكەی نەبێت بەڵكو پێش هەموو شتێك لەبەر ئەوە بێت كە نێردراوی خوایە چونكە خۆش ویستن تەنها لەبەر خودی زاتەكە تەنها بۆ خوایە و نابێ‌ بۆ كەسێكی تر ئەنجام بدرێ‌ چونكە دەبێتە شیرك، ئەوانەی لەبەر خزمایەتی خۆشیان ویست سودیان لەو خۆشەویستیە نەبینی وەك (ابو طالب). لەم سەردەمەش هەندێ‌ لە رۆژئاواییەكان رەنگە شایەتی بۆ بدەن وەك سەركردەیەكی بلیمەت و بە توانا ئەمانەش سود لەو بەرزراگرتنەی نابینن چونكە لەبەر خودی كەسایەتیەتی، ئەم جۆرە خۆش ویستنەش تەنها دەبێ‌ بۆ خوا تەرخان بكرێ‌.
هەربۆیە هەركەسێك ئیدعای خۆش ویستن و ناسینی پەیامبەری خوای كرد پێویستە بكۆڵێتەوە لە خۆی ئایە ئەو خاڵانەی سەرەوە لە خۆیدا جێ بەجێ‌ ئەكات ؟ ئەگینا ناسینەكەی تەنها ئیدعایە و هیچ سودێكی لێ‌ نابینێ‌، ئەمەش تەنها دڵۆپێك بوو لە زەریای ئەم بابەتە، چونكە زۆر زۆر زیاتر لەمە هەڵدەگرێ‌ لەسەری بنوسین، داواكارم لە خوای پەروەردگار هەموو موسڵمانێك سەركەوتو و موفق بكات بۆ ناسینی پەیامبەرەكەی بەو شێوەیەی خۆی پێی رازیە.