ئه‌مڕۆ له‌ یاریی لوتکه‌ی هه‌فته‌ی یه‌که‌می خولی ئینگلیزیدا یانه‌ی ئارسناڵ به‌رامبه‌ربوونێکی زه‌حمه‌تی به‌ده‌ست هێنا به‌رامبه‌ر یانه‌ی لیڤه‌رپوول کاتێک له‌ دواین خوله‌کی یاریه‌که‌ پیپی ڕیێینای گۆڵپارێزی یانه‌ی لیڤه‌رپوول به‌هه‌ڵه‌ گۆڵێکی له‌ خۆیان تۆمارکردو و ودوو خاڵی له‌ده‌ست یانه‌که‌یدا .. گۆڵه‌که‌ی لیڤه‌رپوولیش له‌ ڕێگای ده‌یڤد نگۆگه‌وه‌ تۆمارکرا له‌ خوله‌کی ٤٦ و به‌ خوله‌کێک پێش ئه‌و گۆڵه‌ش یاریزانی تازه‌ی ئه‌و یانه‌یه‌ جۆ کۆڵ به‌ کارتی سور کرایه‌ ده‌ره‌وه‌ ، یاریزانی گه‌نه‌رزیش کۆسیلینی له‌ دواین خوله‌کی یاریه‌که‌ به‌ هه‌مان ده‌ردی جۆ کؤل چوو.

سبه‌ینێ له‌ یاری کۆتایی هه‌فته‌ی یه‌که‌مدا هه‌ردوو یانه‌ی مانچسته‌ر یونایتد و نیوکاسل به‌یه‌ک ده‌گه‌ن.




یاریگا

فه‌رموون له‌گه‌ڵ كورتكراوه‌ی یاری نێوان هه‌ولێر و نه‌جه‌ف
[youtube]http://www.youtube.com/watch?v=PaB0VHbB … r_embedded[/youtube]

[size=24]نوسه‌ر :سیروان عباس ..تایه‌ت به‌ ماڵپه‌ری یاریگا .نێت
له‌ میانی یاریه‌كانی خولی نایابی عێراقی بۆ تۆپی پێ، یانه‌ی هه‌ولێری پاڵه‌وانی سێ وه‌رزی ڕابردوو، درێژه‌ی به‌ كاروانی سه‌ركه‌وتن دا و له‌ نێو یاریگا و هانده‌رانیدا توانی ئاستێكی به‌رز نیشان بدات و به‌ دوو گۆڵ به‌رامبه‌ر گۆڵێك له‌ یانه‌ی “نه‌جه‌ف” ی میوان بباته‌وه‌، له‌ ده‌سپێكی یاریه‌كه‌دا و له‌ هێرشێكی له‌ ناكاودا له‌ خوله‌كی 5 ی گێی یه‌كه‌م یاریزانی یانه‌ی نه‌جه‌ف ” عه‌لاء عاصی” یانه‌ی نه‌جه‌فی كرده‌ خاوه‌ن گۆڵی یه‌كه‌م، به‌ڵام دوای ئه‌م گۆڵه‌ یانه‌ی هه‌ولێر فشارێكی زۆری خسته‌ سه‌ر گۆڵی یانه‌ی میوان، یاریزانی هێرشبه‌ری یانه‌ی هه‌ولێر ” لوئه‌ی سه‌ڵاح” وه‌ك پاڵه‌وانێك بۆ له‌ ده‌ستدانی هه‌له‌ زێرینه‌كان ده‌ركه‌وت و به‌خت یاوه‌ری نه‌بوو له‌ گۆڵ تۆماركردن، دواتر یاریزان ” احمد صلاح” پاسێكی زۆر جوانی خسته‌ به‌رپێی یاریزان ” مسلم مبارك ” و له‌ به‌رامبه‌ر گۆڵچی مایه‌وه‌ به‌ڵام نه‌یتوانی گۆڵ تۆمار بكات، له‌ خوله‌كی 25 ی گێمی یه‌كه‌مدا هێڵی به‌رگری یانه‌ی نه‌جه‌ف گۆڵكاری یانه‌ی هه‌ولێر ” احمد صلاح” یان به‌ردایه‌وه‌ له‌ ناو هێڵی سزا و ناوبژیوان لێدانی سزای بۆ یانه‌ی هه‌ولێر هه‌ژمار كرد و ” هه‌ڵگورد مه‌لا محمد” یانه‌ی هه‌ولێری كرده‌ خاوه‌ن گۆڵی به‌رامبه‌ر.

به‌م ئه‌نجامه‌ گێمی یه‌كه‌می یاریه‌كه‌ به‌ كۆتا هات، له‌ گێمی دووه‌می یاریه‌كه‌دا یاریزانانی یانه‌ی هه‌ولێر به‌رده‌وام بوون له‌ فشار خستنه‌ سه‌ر گۆڵی یانه‌ی میوان به‌ڵام به‌بێ ئاكام، بۆیه‌ ڕاهێنه‌ر ناچار بوو چه‌ند گۆڕانكارییه‌ك له‌ پێكهاته‌ و ته‌كنیكی یاریه‌كه‌دا بكات و یاریزانی گۆڕانكاری پێكراو ” ویسام زه‌كی ” له‌ خوله‌كی 78 دا به‌ لێدانێكی زۆر جوان و هه‌وڵێكی تاكه‌كه‌سی خۆی توانی یانه‌ی هه‌ولێر له‌ به‌رامبه‌ر بوون ڕزگار بكات و ئومێدێكی زۆر ببه‌خشێته‌ دڵی هانده‌ران كه‌ پارێزگاری له‌ ده‌ستكه‌وته‌كان بكه‌ن .

له‌ كۆتایی یاریه‌كه‌دا گۆڵپارێزی یانه‌ی هه‌ولێر ” سه‌رهه‌نگ موحسین” تایبه‌ت به‌ یاریه‌كه‌ و یانه‌كه‌ی ووتی: ئێمه‌ ئاستێكی زۆرباشمان نیشاندا و پشت به‌خوا پارێزگاری ده‌ستكه‌وتی ڕابردوومان ئه‌كه‌ین، وه‌ سه‌باره‌ت به‌ دورخستنه‌وه‌ی له‌لایه‌ن ڕاهێنه‌ره‌وه‌ وتی: دورخستنه‌وه‌كه‌ی من ته‌نها بۆ یه‌ك یاری بوو، ئێستا نێوانی من و ڕاهێنه‌ر زۆر ئاساییه‌ .

احمد صلاح بۆ یاریگا ووتی: سوپاس بۆ خوا، ئه‌م سه‌ركه‌وتنه‌ دیاری بێت بۆ هانده‌ران .

وسام زه‌كی بۆ یاریگا: سوپاس بۆ خوای گه‌وره‌ .. زۆر دڵخۆشم كه‌ توانیم یانه‌كه‌م له‌ به‌رامبه‌ر بوون ڕزگار بكه‌م .[/size]

مامەیارە ئەحمەد – هەولێر یاریگا
یانەی هەولێری پاڵەوانی 3 وەرزی ڕابردووی خولی نایابی عێراق، ئەمڕۆ بەرەنگاری یانەی نەجەفی باشووری عێراق دەبێتەوە، هاوكاتیش یانە كوردستانییەكەی دیكە (دهۆك) لەگەڵ نەوتی باشووردا، لە یارییەكی یەكلاكەرەوەدا بە یەك دەگەن.
لە یارییەكانی گەڕی پێنجی قۆناغی بژاردەی خولی نایابی تۆپی پێی عێراق، بڕیارە  04:30ـی ئێوارەی ئەمڕۆ یەكشەممە لە نێو یاریگەی یانەی هەولێر، یانەی خاوەن یاریگە بەرانبەر نەجەفییەكان یاری بكات. لەوانەیشە ئەم یارییە بۆ هەولێر گرانگترین و گرانترین یاری بێت، چونكە لە بارەی بردنەوەی هەولێر و شكستباربوونی یانەی شوڕتە بەرانبەر یانەی كارەبا، یانەی هەولێر بەبێ ئاوڕدانەوە لە ئەنجامی یاریی كۆتایی ئەم قۆناغەی بەرانبەر كارەبا، دەگاتە یارییەكانی چوارگۆشەی زێڕینی خولی عێراق و لەو بارەیشدا دەبێتە یانەی خاوەن پێنج جار گەییشتوو بۆ قۆناغی چوارگۆشەی زێڕین
یانەی هەولێر، ئێستا بە دەستكەوتنی نۆ  خاڵ، خانەی یەكەمی گرووپەكەی گرتووە، كە پێك هاتووە لە یانەكانی هەولێر، شوڕتە، كارەبا، نەجەف.
بۆ بیرهێنانەوە یانەی هەولێر لە یاریی چوونیدا لە نێو نەجەف بە ئەنجامی 2 – 1 گۆڵ لەو یانەیەی بردبووەوە، كە گۆڵەكانی هەولێر حەیدەر عوبێدی بەرگریكاری نەجەف و شوان مامۆ تۆماریان كرد، هەروەها لە یاریی فیناڵی ڕابردووی خولی عێراقیشدا، بە لێدانە یەكلاكەرەوەكانی خاڵی سزا، هەولێر لە نەجەفی بردەوە و بووە پاڵەوانی عێراق.
هەر لە هەمان قۆناغی خولی عێراقدا، ئەمڕۆ لە شاری دهۆك، یانەی ئەو شارە لە نێو یاریگە تایبەتەكەیدا بەرانبەر یانەی نەوتی باشوور یاری دەكات، بردنەوەی یانەی دهۆك لەو یارییەدا، وای لێ دەكات بگاتە قۆناغی پێشكۆتایی خولی عێراق، چونكە ئێستا بە كۆكردنەوەی 10 خاڵ، خانەی یەكەمی گرووپی سێیەمی گرتووە و نزیكترین ڕكابەری كە یانەی كەربەلایە 7 خاڵی هەیە.
لە لایەكی دیكەوە ئەمڕۆ لە خولی عێراقدا، چەندان یاریی دیكە ڕێك دەخرێن و هەموویان لە كاتژمێر 04:30ـی ئێوارەدا ئەنجام دەدرێن و خشتەی یارییەكانی ئەمڕۆی خولی عێراق بەم شێوەیەیە:
هەولێر – نەجەف
جەوییە – كەربەلا
سناعە – زەورا
بەغدا – تەڵەبە
كارەبا – شوڕتە
نەوتی باشوور – دهۆك

له‌ یه‌که‌م یاریی ئه‌م وه‌رزه‌یدا و له‌ نێو یاریگا و هانده‌رانیدا،یانه‌ی چێڵسی پاڵه‌وانی وه‌رزی ڕابردووی خولی ئینگلیزی وێست برۆمیچ ئه‌لبیۆنی میوانی به‌ شه‌ش گۆڵ به‌ڕێکرد.

چێڵسی له‌ نیوه‌ی یه‌که‌می یارییه‌که‌دا دوو گۆڵیان له‌ڕێی یاریزانان فلۆرێنت مالودا و دیدییه‌ درۆگباوه‌ له‌خوله‌که‌کانی 6 و 45 ـدا تۆمارکرد.
له‌گه‌ڵ ده‌ستپێکردنی نیوه‌ دووه‌م بلوز ده‌ستی به‌ گۆڵکردن کرده‌وه‌ و درۆگبای گۆڵکه‌ری وه‌رزی ڕابردوو ده‌ خوله‌ک دوای ده‌ستپێکردنی نیوه‌ی دووه‌م گۆڵی دووه‌می خۆی و سێهه‌می یانه‌که‌ی تۆمارکرد و فرانک لامپارد له‌خوله‌کی 63 گۆڵی چواره‌می تۆمارکرد…درۆگبا جارێکی دیکه‌ گه‌ڕایه‌وه‌ بۆ گۆڵ تۆمارکردن و پێنج خوله‌کی دوای گۆڵه‌که‌ی لامپارد،گۆڵی سێهه‌م(هاتریک)ـی خۆی و یانه‌که‌ی تۆمارکرد و له‌دوا خوله‌کی کاتی زیادکراویشدا فلۆرێن مالودا به‌تۆمارکردنی گۆڵی دووه‌می خۆی و شه‌شه‌می بلوز کۆتایی به‌که‌رنه‌ڤاڵی گۆڵه‌کانی ستامفۆرد بریچ هێنا.










یاریگا