[center]

zagrostv
لێکۆلینەوە زانستیەکان گەسشتونەتە ئەوەی کە ئەو کەسانەی جگەرە ئەکێشن دەبێتە هۆکار بۆ توشبونیان بە (25) جۆر نەخۆشی لەوانە نەخۆشیەکانی سینگ ودل وخوێن وشێرپەنجەی لێوو قورگ وسی یەکان.

وە دەبێتە هۆکار بۆ هەوکردن و توش بون بە رەبووە ووە هەوکردنی سیەکان ونەخۆشیەکانی کۆئەندامی هەناسەو وە هۆکاریشە بۆ توشبوون بە نەخۆشی پرۆستات.

وە ک ئاشکرایە راکخراوی تەندروستی جیهانی هەموو سالێک لە 31 ی مایو دا چەندین هۆشیاری دەرئەکات بۆ رووبەرووبونەوەی ئەو ژەهرە کە مەترسیەکەی زیاترەلە مەترسی پەتای ئەنفلونزەی بالندەو بەراز کە رێکخراوێکی زۆری پێوە سەرقالە بۆ هۆشیاری دانیان بەخەلک لەسەر ئەم پەتایە .

هەروەها هەفتەی رابردوو لە راپۆرتێکدا ئەوەی دەرخست کە لە عێراق دا رێژەی ئەو کەسانەی بەهۆکاری کێشانی جگەرەوە دەمرن زیاترە لە رێژەی ئەو کەسانەی کە بەهۆی رووداوە جۆراوجۆرەکان وقوربانیانی تەقینەوەکان دەمرن..

هەروەها رێخراوی تەندروستی جیهانی ئەوەی دەرخست کە ئێستا لە جدیهاندا زیاتر لەیەک ملیارو سێ سەد هەزار جگەرەکێش هەیەلە %84 ی لەو ولاتانەیە کە داهاتیان لە ناوەندی و خوار ناوەندیەویە

وە ئەگەر بۆ نمونە تەنها هەرێمی کوردستان وەربگرین ئەگەر تەنها 300 هەزار کەس جگەرە بکێشێت وە هەر یەکەو رۆژێ تەنها دۆلارێکی بۆ دابنێین ئەکات رۆژانە تەنها بە هۆی کێشانی جگەرەوە 300000 هەزار دۆلار واتا رۆژانە 30 دەفتەر دۆلار ئەسوتێنرێت گومان لەو دانیە هەر کەسێکیش جگەرە بکێشێت توشی چەندین جۆر نەخۆش دەبێت ئەی ئەو برە پارەیەی کە رۆژانە بۆ چارەسەری نەخۆشیەکانی جگەرەوە خەرج ئەکرێت؟؟؟

هەر لە وسۆنگەیەوە زانایانی ئایینی له کوردستان لە سالی 2005 کێشانی جگەرەیان بەحەرام لەقەلەم دا .

[/center]

[center]چیرۆكی سی وچوار
(پابه‌ندی به‌بیرو باوه‌رِه‌وه‌ )
(خبات بن الارت)(خوای لێ ڕازبێت )ده‌ڵًێت: پێغه‌مبه‌ر (دروودو سه‌لامی خوای له‌سه‌ر بێت) فه‌رمووی خه‌ڵكانی پێش ئیوه‌ به‌شێوه‌یه‌ك سوور بوون له‌سه‌ر بیرو باوه‌ڕو ێاشگه‌ز نه‌بوونه‌وه‌ له‌ئاینه‌كه‌یان ، ته‌نانه‌ت جاروا هه‌بووه‌ یه‌كێكیان ده‌هێنا ، چلڵیان بۆ هه‌ڵئه‌كه‌ندو ده‌یان خسته‌ ناوی ئینجا مشاریان ئه‌هێنا و ئه‌یان خسته‌ سه‌ر سه‌ری و ده‌یان كرد به‌ دوو له‌ته‌وه‌. به‌لاَم هه‌رگیز له‌ دینه‌كه‌یان په‌شیمان نه‌ده‌بۆوه‌ یان یه‌كێكیان ئه‌هێنا به‌شانه‌ی ئاسن گۆشت وپێستیان لێك جیا ده‌كرده‌وه‌ به‌لاَم گوێی نه‌ئه‌دایه‌و په‌شیمان نه‌ده‌بۆوه‌ .
قه‌سه‌م به‌خوا ئه‌بێت ئه‌م دینه‌ سه‌ر بگرێت و ڕۆژێك دێت سواره‌ به‌ته‌نها ڕێگای نێوان سه‌نعاو حه‌زره‌ مووت، ده‌بڕێت بێ ئه‌وه‌ی له‌هیچ شتێك بترسێت. مه‌گه‌ر ترسی خوا هه‌بێت یان ترسێ گورگ هه‌بێت مه‌ڕه‌كانی بخوات به‌لاَم ئێوه‌ په‌له‌ له‌ كاره‌كان دا ده‌كه‌ن وئارامتان نیه‌
(حدیث صحیح اخرجه‌ البخاری وابوداود والنسائی)
[/center]

[center]چیرۆكی سی و دوو
(له‌سه‌روی هه‌ر زانایه‌كه‌وه‌ یه‌كێكی تر هه‌یه‌كه‌له‌و زاناتره‌)
(ابی بن كعب) (خوای لێ ڕازبێت )ده‌ڵًێت: پێغه‌مبه‌ر (دروودو سه‌لامی خوای له‌سه‌ر بێت) بۆی گێڕاینه‌وه‌ فه‌رمووی له‌كاتێكدا كه‌(مووسا) پێغه‌مبه‌ر(علیه‌ السلام)ووتاری بۆ خه‌ڵكه‌كه‌ ده‌دا، لێ یان پرسی: زانا ترین مرۆڤ له‌م سه‌رده‌مه‌دا كێ یه‌؟ ئه‌ویش له‌ وه‌لاَمدا ووتی: من له‌ هه‌موو كه‌س زاناترم به‌وه‌ خوا عیتابی لێ گرت چونكه‌ ده‌بوو بڵێ :من نازانم خوا ده‌یزانێ له‌خواوه‌ (وه‌حی)بۆ هات كه‌به‌نده‌یه‌كی خوا له‌وشوێنه‌ی كه‌دوو ده‌ریاكه‌ به‌یه‌ك ده‌گه‌نه‌وه‌ هه‌یه‌ له‌ تۆ زاناتره‌ (مووسا) ش ووتی: خوایه‌ بتوانم بیبینم؟ فه‌رمووی: ماسی یه‌ك بخه‌ره‌ ناو ناندانه‌كه‌وه‌ له‌هه‌ر شوێنێك لێت به‌جێ ما ئه‌وا له‌و شوێنه‌یه‌ ئیتر(مووساو یوشع كوڕی زه‌نوون)ی هاوڕێ ی كه‌وتنه‌ ڕی و ماسیه‌كیان له‌گه‌ڵ خۆیان برد كاتێك گه‌یشتنه‌ شوێنی دیاری كراو تۆزێك حه‌سانه‌وه‌. خه‌ویان لێ كه‌وت له‌وكاته‌دا ماسی یه‌كه‌ خۆی فڕێ دایه‌ ناو ده‌ریاوه‌. كه‌ خه‌به‌ریان بۆوه‌ كه‌وتنه‌ ڕێ به‌درێژایی ئه‌وڕۆژه‌و شه‌وه‌كه‌شی هه‌ر ڕۆیشتن. كه‌ڕۆژ بۆوه‌ (مووسا) به‌هاوڕێكه‌ی فه‌رموو: (اتنا غداءنا لقد لقینا من سفرنا هذا نصبا) واته‌: خواردنه‌كه‌ بێنه‌ له‌م سه‌فه‌ره‌دا ته‌واو شه‌كه‌ت وماندوو بووین تا ئه‌و كاته‌ هه‌ستی به‌ماندوییه‌تی نه‌كردبوو ....
له‌وه‌لاَمدا ووتی: (ارایت إذاوینا الى الصخره‌ فإنی نسیت الحوت) واته‌: ئه‌و كاته‌ی كه‌لامان دایه‌ لای به‌رده‌كه‌ ماسی یه‌كه‌م له‌بیر چوو: ئینجا (مووسا) فه‌رمووی:(ذلك ماكنا نبغی فارتدا على اثارهما قصصا) واته‌: ئێمه‌ش ئه‌وه‌مان ده‌ویست ئیتر به‌ره‌و دوا گه‌ڕانه‌وه‌ بۆ شوێنی حه‌وانه‌وه‌كه‌یان پیاوێكیان بینی به‌جلێك خۆی داپۆشیوه‌. (مووسا) سلاَوی لێ كردن (خضر) به‌سه‌ر سوڕمانێكه‌وه‌ ووتی: كوا له‌م وولاَته‌ سلاَو هه‌یه‌؟(مووسا) فه‌رمووی: من مووسا پێغه‌مبه‌رم(علیه‌ السلام)(قال هل اتبعك علی ان تعلمنى مما علمت رشدا؟ قال: انك لن تستطیع معی صبرا)) واته‌ مووسا پێی ووت: ئایا ده‌توانم له‌گه‌ڵتا بێم، به‌ڵكو له‌و زانیاری یه‌ی پێت دراوه‌ فێرم بكه‌یت؟ (خضر) ووتی: ئاخر تۆ ناتوانیت ئارام بگریت له‌گه‌ڵما.چونكه‌ خوا جۆره‌ زانیاریه‌كی فێر كردوم كه‌تۆ نایزانیت هه‌روه‌كو چۆن منیش له‌ زانیاریه‌كه‌ی تۆ هیچ نازانم(قال ستجدنی ان شاء الله‌صابر ولااعصی لك امرا) واته‌: هیوادارم ئه‌گه‌ر خوا حه‌ز بكات به‌ئارام بم و بێ گوێیی فه‌رمانه‌كانت نه‌كه‌م ئیتر به‌قه‌راغ ده‌ریاكه‌دا كه‌وتنه‌ ڕێ له‌و كاته‌دا( كه‌شتی )یه‌ك تێپه‌ڕی داوایان لێكرد سواریان بكه‌ن ئه‌وانیش(خضر)یان ناسی به‌بێ پاره‌ سواریان كرد چۆله‌كه‌یه‌كیان بینی له‌سه‌ر قه‌راغی (كه‌شتیه‌كه‌) نیشته‌وه‌ یه‌ك دوو ده‌نووكی له‌ده‌ریاكه‌دا (خضر)به‌ مووسای ووت: زانینه‌كانی من وتۆ به‌قه‌ده‌ر ئه‌و ئاوه‌یه‌ كه‌ چۆله‌كه‌كه‌ له‌ ده‌ریاكه‌ی كه‌م كرد،له‌زانینی خوا كه‌م ناكاته‌وه‌... ئینجا (خضر) ده‌ستی برد له‌وحه‌ دارێكی له‌(كه‌شتی )یه‌كه‌ هه‌ڵكه‌ند و شكاندی (مووسا) به‌سه‌ر سوڕمانێكه‌وه‌ پێی ووت : خه‌ڵكێك به‌خۆڕایی سواریان كردووین كه‌چی تۆ كه‌شتیه‌كه‌یان ده‌شكێنی بۆ ئه‌وه‌ی نقوم ببین؟ (قال: الم اقل إنك لن تستطیع معی صبرا ؟ قال: لاتؤاخذنی بما نسیت)) واته‌: (خضر) پێی ووت: ئاخر پێم نه‌وتی تۆ ناتوانیت له‌گه‌ڵما ئارام بگریت؟ (مووسا) ووتی: له‌بیرم چوو ئه‌م جاره‌ لێم مه‌گره‌. ئه‌وه‌/ یه‌كه‌م له‌بیر چوونی بوو . ئیتر كه‌وتنه‌وه‌ ڕێ مناڵێكیان بینی له‌گه‌ڵ منالاَنی تردا یاری ده‌كات (خضر) ملی باداو سه‌ری هه‌ڵكه‌ند. ئیتر (مووسا) خۆی پێ نه‌گیرا ووتی: (اقتلت نفسا زكیه‌ بغیر نفس)چۆن مرۆڤێكی بێ تاوان ده‌كوژیت؟(قال الم اقل لك انك لن تستطیع معی صبرا) (فانطلقا حتی إذا اتیا اهل قریه‌ استطعما اهلها فابوا ان یضیفوهما فوجدا فیها جدارا یرید ان ینقض)واته‌: دیسان ده‌ستیان كرده‌وه‌ به‌گه‌ڕان گه‌یشتنه‌ دێ یه‌ك، داوای خواردنیان لێ كردن .ئه‌وانیش میوانداریان نه‌كردن و هیچیان نه‌دانێ دیوارێكیان بینی خه‌ریك بوو هه‌ره‌س بێنێ ئیتر(خضر) ده‌ستێكی پیا هێنا ڕاستی كرده‌وه‌ (مووسا) ووتی: (لوشئت لاتخذت علیه‌ اجرا. قال: هذا فراق بینی وبینك) واته‌: ئه‌گه‌رحه‌زت بكردایه‌ ده‌ت توانی كرێ یان لێ وه‌ربگریت ئیتر(خچر) ووتی: كاتی ئه‌وه‌ هاتووه‌ كه‌ له‌یه‌ك جیا بینه‌وه‌..... ( پێغه‌مبه‌ر (دروودوسه‌لامی خوای له‌سه‌ر بێت) فه‌رمووی: خوا ڕه‌حم به‌(مووسا) بكات حه‌زمان ده‌كرد ئارامی بگرتایه‌ تا چیرۆكی زیاتری بۆ بگێڕاینایه‌وه‌....))
(حدیث صحیح متفق علیه )
[/center]

[center]چیرۆكی سی

(به‌ڕواڵه‌ت درۆكانی ئیبراهیم)
ئه‌بو هوره‌یره‌ (خوای لێ ڕازبێت )ده‌فه‌رمووێت پێغه‌مبه‌ری خوا (دروودو سه‌لامی خوای له‌سه‌ر بێت) فه‌رموویه‌تی هه‌رگیز ئیبراهیم پێغه‌مبه‌ر (سه‌لامی خوای له‌سه‌ر بێت) له‌ژیانیدا درۆی نه‌كردووه‌ بێجگه‌ له‌سێ درۆ كه‌دووانیان له‌سه‌ر ئیسباتی بوونی خوا بوون ,كه‌ فه‌رموویه‌تی(انی سقیم)...واته‌ من نه‌خۆشم . هه‌روه‌ها فه‌رموویه‌تی (بل فعله‌ كبیرهم هذا)...واته‌ ئه‌و بتانه‌ من نه‌م شكاندوون به‌ڵكو گه‌وره‌كه‌یان ئه‌و كاره‌ی كردووه‌ . ئه‌وی تریش بۆ ڕزگاركردنی (ساره‌)ی خێزانی بوو ڕووداوه‌كه‌ش به‌م جۆره‌ بوو ئیبراهیم ڕووی كرده‌ وولاَتی زۆردارێك كه‌به‌وه‌ مه‌شهوور بوو ئه‌گه‌ر یه‌كێك به‌ ئافره‌تێكی جوانه‌وه‌ ڕووبكاته‌ وولاَته‌كه‌ی ژنه‌كه‌ی لێ داگیرده‌كات و پیاوه‌كه‌ش ده‌كوژێ له‌به‌رئه‌وه‌ ئیبراهیم به‌(ساره‌)ی ووت ئه‌گه‌ر ئه‌و زاڵمه‌ لێی پرسیت ئه‌و پیاوه‌ چیته‌ ؟ بڵێ ئه‌وه‌ برامه‌و من خوشكی ئه‌وم , ئاشكراشه‌ من و تۆ له‌دنیا خوشك و براین چونكه‌ وه‌ك من بزانم له‌م سه‌ر زه‌وی یه‌دا له‌ من وتۆ زیاتر كه‌س شك نابه‌م خوا بپه‌رستێ . كاتێك گه‌یشتنه‌ ئه‌و وولاَته‌ دارو ده‌سته‌ی زۆر داره‌كه‌ هه‌واڵیان پێدا كه‌ ئافره‌تێك هاتووه‌ كه‌له‌وه‌ جوانتر نی یه‌ و هه‌ر قابیلی تۆیه‌ ئه‌ویش ناردی هێنایان و ئیبراهیمیش ده‌ستی كرد به‌ نوێژكردن هه‌ركه‌ زاڵمه‌كه‌ چاوی پێ كه‌وت خۆی پێ نه‌گیرا گورج په‌لاماریدا به‌فه‌رمانی خوا ده‌ست به‌جێ ده‌ستی ووشك بوو داوای لێكردكه‌ له‌ خوا بپاڕێته‌وه‌ كه‌ ده‌ستی چاك ببێته‌وه‌ ئیتر جارێكی تر كاری وه‌ها ناكات ئه‌ویش دوعای كرد وه‌ك خۆی لێ هاته‌وه‌ تاسێ جار ئه‌م كاره‌ دووباره‌ ده‌بۆوه‌ له‌جاری سێ یه‌مدا بانگی خزمه‌تكاره‌كه‌ی كردوو پێی ووت ئه‌مه‌ی تۆ هێناوته‌ مرۆڤ نییه‌ شه‌یتانه‌ تا زووه‌ ده‌ری بكه‌ و (هاجه‌ر)یشی بده‌یه‌ با ولاَته‌كه‌م به‌جێ بهێڵێت . ئیتر (ساره‌) هاته‌ ده‌ره‌وه‌ كاتێك ئیبراهیم چاوی پێكه‌وت لێی پرسی هاچی بوو ؟ ئه‌ویش له‌وه‌لاَمدا ووتی باش بوو له‌ده‌ست ئه‌و كافره‌ ڕزگارم بوو وخزمه‌تكارێكیشمان ده‌سكه‌وت.
ئه‌بو هوره‌یره‌ ده‌فه‌رمووێت ئه‌وه‌ بوو كه‌له‌ پاشاندا بوو به‌دایكی ئێوه‌ ڕۆڵه‌كانی (ماءالسماء).
(ماء السماء) نازناوی ئافره‌تێكه‌ ئه‌م ئافره‌ته‌ ناوی (ام منذر) بووه‌ له‌ خێڵی له‌خمه‌ له‌به‌ر جوانی ئه‌و ناوه‌یان لێ ناوه‌ .
(حدیث صحیح متفق علیه)
[/center]

[center][youtube]http://www.youtube.com/watch?v=Eb8t58jw … r_embedded[/youtube][/center]

[center]هه فته ی داهاتوو فیلمێکی کوردی لە هۆڵەکانی سینەمای فڕەنسا نمایس ده کرێت

zagrostv

ڕۆژنامەی "کو ئو سینەما"ی فڕەنسی کە تایبەتە بەکارباری سینەما گواستیەوە، ڕۆژی چوارشەمی داهاتوو فیلمێک لەبارەی کورد و ئازارەکانی کورد لە تورکیا، دەگاتە هۆڵەکانی سینەمای فڕەنسا.

فیلمەکە بەناونیشانی "کات بەردەوام درێژە"، لە نێوان تورکیا، ئەڵمانیا و فڕەنسادا وێنەی هاتووەتە گرتن، ماوەی فیلمەکە 48 خولەکە و دوو دەرهێنەر کاریان تێدا کردووە ئەوانیش ئۆزگان ئەلبر و گای گۆرسێلن.

فیلمەکە باس لە سومرو دەکا کە نامەی ماستەرەکەی لە زانستی موزیکی نەتەوەییدا لە ئیستەنبوڵ ئامادە دەکا.

سومرو دەیەوێ ماوەی چەند مانگێک لە باشووری ڕۆهەڵاتی تورکیا جێگیر بێ بۆ ئەوەی کار لە لێکۆڵینەوەکەی بکا. لەوێ چاوی بە ئەحمەد دەکەوێ کە گەنجێکە و کاسێتی ڤیدیۆ دەفرۆشێ، هەندێکیان شایەتیی ڕزگاربوانی کورد لە چەوساندنەوە پێشان دەدەن.

بەبینینی ئەو ئافرەتە ئەحمەد خۆشەویستەکەی یەکەمی بەبیر دێتەوە کە چالاکێکی کورد بوو و لە دۆخێکی تەمومژاویدا ون بوو، بۆیە ئەحمەد لە ململانەی نێوان ڕابردوو و ئێستەیدا دەژی.
[/center]

[center](شه‌وی میعراج) چیرۆکی 28 
مالكی كوڕی سه‌عسه‌عه‌ (خوای لێ ڕازبێت ) ده‌فه‌رمووێت پێغه‌مبه‌ری خوا (درووی و سه‌لامی خوای له‌سه‌ر بێت) فه‌رموویه‌تی كاتێك له‌نزیك دیواری (كه‌عبه‌وه‌ ) ڕاكشابووم یه‌كێك هاته‌ لام و سینگی له‌ت كردم وه‌ دڵی ده‌رهێنام و پاشان ته‌شتێكی ئاڵتوونی پڕ له‌ باوه‌ڕی هێناو دڵه‌كه‌می پاك پاك به‌ئاوی (زه‌مزه‌م) شت , وه‌ پاش پڕكردنی خستییه‌وه‌ شوێنی خۆی ئینجا وولاَخێكیان بۆ هێنام كه‌ له‌ ئێستر بچووكترو له‌ گوێ درێژ گه‌وره‌تر بوو پێی ده‌ووترا (بوراق) له‌ ڕۆیشتندا ئه‌وه‌نده‌ خێرا بوو قاچی له‌ دوورترین شوێنی ده‌ستی ده‌كه‌وته‌ زه‌وی , سواری بووم (جبریل) بردمی تا گه‌یشتینه‌ ئاسمانی یه‌كه‌م له‌ده‌رگایدا ، ووتیان ئه‌وه‌ كێیه‌ ؟ وه‌لاَمی دایه‌وه‌ جبریلم ووتیان كێت له‌گه‌ڵدایه‌ ؟ فه‌رمووی (محمد) ه‌ وتیان كه‌س ناردوویه‌ به‌ شوێنیدا ؟ فه‌رمووی به‌ڵێ ووتیان یاخوا به‌خێر بێت میوانێكی به‌ڕێزه‌ ده‌رگا كراوه‌یه‌ ,كه‌ چوومه‌ ژووره‌وه‌ ئاده‌مم بینی جبریل ووتی ئه‌وه‌ ئاده‌می باوكته‌ سلاَوی لێ بكه‌ منیش سلاَوم لێكرد , ئه‌ویش وه‌لاَمی دامه‌وه‌و فه‌رمووی به‌خێر بێیت پێغه‌مبه‌ری چاكه‌كارو ڕۆڵه‌ی چاك . پاشان به‌ره‌و ئاسمانی دووه‌م به‌رزكرامه‌وه‌ له‌ویش به‌ هه‌مان شێوه‌ پێشوازیم لێ كراكه‌ چوومه‌ ژووره‌وه‌ یه‌حیا و عیسام بینی كه‌ كوڕه‌ پوری یه‌كترن سلاَوم لێ كردن وه‌لاَمیان دامه‌وه‌ و به‌خێرهاتنیان كردم . پاشان به‌ره‌و ئاسمانی سێیه‌م به‌رزكرامه‌وه‌ له‌وێش یوسفم بینی سلاَوم لێكرد به‌گه‌رمی وه‌لاَم دامه‌وه‌و به‌ خێر هاتنی كردم كه‌ به‌ره‌و ئاسمانی چواره‌م به‌رزكرامه‌وه‌ له‌وێ ئیدریسم بینی سلاَوم لێكرد و به‌گه‌رمی وه‌لاَمی دامه‌وه‌ و به‌خێر هاتنی كردم له‌ئاسمانی پێنجه‌م هارونم بینی سلاَوم لێكردو به‌خێرهاتنی كردم له‌ئاسمانی شه‌شه‌م مووسام بینی پاش سلاَوو به‌خێرهێنان كه‌لێی دووركه‌وتمه‌وه‌ ده‌ستی كرده‌ گریان كه‌لێیان پرسی بۆ ده‌گریت ؟ ووتی دوای من كوڕێك كراوه‌ به‌ پێغه‌مبه‌ر(دروودو سه‌لامی خوای له‌سه‌ر بێت) كه‌ئه‌وانه‌ی له‌ ئۆممه‌تی ئه‌ون و ده‌چنه‌ به‌هه‌شته‌وه‌ زۆرترن له‌وانه‌ی كه‌ له‌ ئۆممه‌تی منن و ده‌چنه‌ به‌هه‌شت. له‌ئاسمانی حه‌وته‌م ئیبراهیم پێغه‌مبه‌رم بینی سلاَوم لێكرد زۆر به‌خێرهاتنی كردم و وه‌ك ڕۆڵه‌یه‌كی خۆشه‌ویستی خۆی ڕێزی لێنام . پاشان به‌ره‌و (سدره‌ المنتهی) به‌رزكرامه‌وه‌و به‌ره‌كه‌ی به‌قه‌ده‌ر لوتكه‌ی چیاكانی ولاَتی (هیجر) ده‌بوو گه‌لاَكه‌شی به‌قه‌ده‌ر گوێ فیل ده‌بوو جبریل فه‌رمووی ئه‌مه‌ (سدره‌ المنتهی) یه‌ چوار ڕووباری زۆر گه‌وره‌م به‌دی كرد دوانیان له‌سه‌ره‌وه‌ دووانیان له‌خواره‌وه‌ , جبریل فه‌رمووی ئه‌و دوانه‌ی سه‌ره‌وه‌ دیجله‌ و فوڕاتن و دووانه‌كانی تریش دوو ڕووباری به‌هه‌شتن ئینجا به‌ره‌و (البیت المعمور) به‌رز كرامه‌وه‌ جبریل فه‌رمووی ئه‌مه‌ (البیت العمور)ه‌كه‌ هه‌موو ڕۆژێك حه‌فتا هه‌زار فریشته‌ ده‌چنه‌ ناوی كه‌هاتنه‌ ده‌ره‌وه‌ ئیتر جارێكی تر ناچنه‌وه‌ ناوی ئه‌وه‌ دواكاره‌ كه‌ پێیان سپێردراوه‌ . پاشان قاپێك شه‌راب و قاپێك شیر و قاپێك هه‌نگوینیان بۆ هێنام منیش شیره‌كه‌م هه‌ڵگرت جبریل فه‌رمووی ئه‌مه‌ نیشانه‌ی ئه‌و ئایینه‌یه‌ كه‌تۆ و قه‌ومه‌كه‌تی له‌سه‌ره‌ پاشان په‌نجا نوێژم له‌ ڕۆژێكدا له‌سه‌ر فه‌رز كرا ئیتر گه‌ڕامه‌وه‌. له‌گه‌ڕانه‌وه‌دا مووسام بینی لێی پرسیم خوا ئه‌مری چی پێ كردی ؟ منیش ووتم ڕۆژانه‌ په‌نجا نوێژ ئینجا ووتی ئوممه‌ته‌كه‌ت توانای ئه‌و هه‌موو نوێژانه‌ی نییه‌ من پێش تۆ خه‌ڵكم تاقیكردۆته‌وه‌ بگه‌ڕێره‌وه‌ خزمه‌ت خوای گه‌وره‌ داوای لێ بكه‌ با له‌سه‌ریان سووك بكات منیش وام كرد ده‌ نۆێژیان له‌سه‌ر لابرا كه‌ گه‌ڕامه‌وه‌ لای مووسا و بۆم گێڕایه‌وه‌ فه‌رمووی ئێستاش هه‌ر زۆره‌ . ئیتر ده‌ ده‌ له‌سه‌رمان لاده‌برا تا بۆمان كرا به‌ پێنج نوێژ له‌ ڕۆژێكدا مووسا هه‌ر به‌زۆری ده‌زانی و ده‌یفه‌رموو ئۆممه‌ته‌كه‌ت بۆیان ناكرێت بچۆره‌وه‌ داوای سووك كردنیان بكه‌ منیش ووتم ئه‌وه‌نده‌ چووم ئیتر شه‌رم ده‌كه‌م به‌مه‌ ڕازیم كه‌دوور كه‌وتمه‌وه‌ یه‌كێك له‌ غه‌یبه‌وه‌ پێی ووتم فه‌رزه‌كان بڕیاردراون و باری به‌نده‌كانم سووك كرد.

(حدیث صحیح متفق علیه)
[/center]

[center]دوێنێ دوشەممە، بەردی بناغەی بەرزترین تاوەری جیهان لە شاری جدەی پادشایی سعودیا دانرا.

بەردی بناغەی ئەو تاوەرە، که بە تاوەری (پادشایی) بەنێوبانگە، لە لایەن شازادە وەلید تەلال، میلیاردێری سعودی دانرا.

به گوتەی شازادە وەلید، ئەو تاوەرە به گوژمەی 30 میلیارد دۆلار و لەماوەی 3 ساڵ دروست دەکرێت.

بەرزایی ئەو تاوەرە زیاتر له 1000 مەتر راگەیەندراوە.

به گوتەی تەلال ئەلمەیمان، ئەندازیاری بەرێوەبەری تاوەرەکە، تاوەری پادشایی لە کەنارەکانی دەریای سوور و بەپێی نوێترین شێوازی بیناسازی جیهان دروست دەکرێت.

پێشبینی دەکرێت ئەو تاوەرە یەکێک لە سەرنج راکێشترین شوێنە گەشتیارییەکانی جیهان بێت و ساڵانه به سەدان هەزار گەشتیار رووی تێبکەن.

تا ئێستا تاوەری خەلیفە لە شاری دوبەی وڵاتی ئیمارات، به 828 مەتر بەرزایی، به بەرزترین تاوەری جیهان دادەندرێت.
zagrostv

[/center]

[center]

KTV ...
     

لێكۆلینه‌وه‌یه‌كى تازه‌ ئاشكراى كردووه‌ ، كه‌ زیاتر له‌ نیوه‌ى به‌كارهێنه‌رانى ئینته‌ڕنێت له‌ جیهاندا تۆڕی جالجالۆكه‌ به‌كارده‌هێنن بۆ گه‌ڕان به‌ دواى زانیاریه‌كان و هۆیه‌كانى دڵدانه‌وه‌و خولیا .

ئه‌م لێكۆلینه‌وه‌ ئه‌لیكترۆنیه‌ كه‌ له‌سه‌ر زیاتر له‌ 19 هه‌زار هه‌رزه‌كار له‌ ژماره‌یه‌ك ولاتى وه‌كو ولاته‌ یه‌كگرتووه‌كانى ئه‌مریكاو ئه‌رژه‌نتین و سویدو ژاپۆن و هندستان و ڕوسیا ئه‌نجام دراوه‌ ، كه‌ 57% له‌ به‌شداربووان مالپه‌ره‌كانى ئه‌لیكترۆنى بۆ گه‌ڕان به‌دواى هه‌وه‌س و هۆیه‌كانى ترى دڵدانه‌وه‌ به‌كارده‌هێنن .

هه‌روه‌ها به‌كارهێنانى ئینته‌ڕنێت له‌و ولاتانه‌ى لێكۆلینه‌وه‌كه‌یان له‌سه‌ر ئه‌نجامدراوه‌ كه‌ ژه‌ماره‌یان ده‌گاته‌ 24 ولات ، له‌ پله‌ى پێشه‌وه‌ توركیا دێت كه‌ 72%ى مالپه‌ره‌كانى ئه‌لیكترۆنى بۆ گه‌ڕان به‌دواى هه‌وه‌س به‌كارده‌هێنن ، به‌لام له‌ ولاتى سعودیا ته‌نها 35% به‌كارى ده‌هێنن .

كیرین گوتفراید به‌رێوه‌به‌رى لێكۆلینه‌وه‌ له‌ ئیبسۆس گلۆبال بابلیك به‌ ئاژانسی ڕۆیته‌رزى ڕاگه‌یاند ، كه‌ ئینته‌رنێت شوێنى كارو بازرگانیه‌ ، پێش ئه‌وه‌ى شوێنى دڵدانه‌وه‌ بێت .

هه‌روه‌ها له‌ نێوان ولاتانى تردا كه‌ به‌شێوه‌یه‌كى چڕ گرنگى به‌ ئینته‌رنێت ده‌ده‌ن ، هه‌ر یه‌ك له‌ ولاتانى چین و مه‌جه‌ر و ژاپۆن و كوریاى باشوورو سوید ده‌گرێته‌وه‌ ، له‌دواى ئه‌وانیش هه‌ریه‌ك له‌ ئیسپانیاو به‌رازیل و مه‌كسیك دێن كه‌ كه‌مترین ئینته‌ڕنێت به‌كارده‌هێنن .

له‌لایه‌كى تریشه‌وه‌ نزیكه‌ى 27%ى خه‌لك ئینته‌ڕنێت به‌كارده‌هێنن بۆ گه‌ڕان به‌دواى دڵدانه‌وه‌ى یارى و گه‌مه‌كان ، وه‌ 13% مالپه‌رى گه‌مه‌كان به‌كارده‌هێنن . 

[/center]