وتەی باش کەسایەتیت خۆشەویست ئەکات  .....[size=24][/size]

ئەگەر چی تاڕادەیەك چۆنیەتی کەسایەتی مرۆڤ ئەگەڕێتەوە بۆ سەر ویست و هەڵبژاردنی خودی کەسەکە خۆی، هەر بۆیە هەندێ خاسیەت هەیە لە مرۆڤدا خۆی دەسەڵاتی تەواوی هەیە بەسەریدا وەك ( دڵ ڕەقی یان میهرەبانی، کەمدوویی یان زۆر ووتن، وتە ڕەق یان وتە شیرین، لووت بەرز یان ئاسایی....) وە چەندەها خاسیەتی تری لەم جۆرانە کە ئەبێتە هۆی دیاری کردنی کەسایەتیمان کە ئایا ئێمە کەسێکی باش و میهرەبانین یان بە پێچەوانەوە کەسێکی خراپ و دڵ ڕەقین.

دڵنیام هەموو تاکێکی ڕۆشنبیرو لە خودا ترس ویستی لەسەر ئەوەیە کە ببێتە تاکێکی سود بەخش و دڵسۆز، وە هاوکاریکردنی تاکەکانی کۆمەڵگا بە ئەرکێکی سەرشانی خۆی دەزانێت. ئەم ویست و ئارەزووە وا دەکات هەمیشە هەوڵی کاری چاکە بدات وخۆشی ببەخشێت بەو دەوروبەرەی کە تێیدا دەژی. بەمەش هەم خۆی هەست بەئاسودەیی دەروونی و خۆشحاڵی دەکات وە هەم لای کەسانی چواردەوری بە کەسێکی باش وخۆشەویست دەناسرێت. لە مانەش گرنگتر ئەوەیە کە خودای گەورە فەرمانمان پێدەکات بۆ کردنی کاری چاکە، وە هەر هەوڵدانێك بۆ کرنی کارێکی چاکەو چارەسەرکردنی کێشەی گەنجێك، خێزانێك، دوو هاوسەر، منداڵێك......تاد هەوڵدانە بۆ ڕازی کردنی خودای گەورە، هەروەها دڵسۆزیە بۆمرۆڤایەتی ویارمەتی کۆمەڵگا ئەدات بەرەو کۆمەڵگایەکی ئارام و دەروون دروست و پێشکەوتوو.

ئەگەر ڕۆژانە بڕوانینە کەسەکانی چواردەورمان ئەبینین کە زۆربەیان سەرقاڵی کێشەکانیانن ولەناو گێژاوی بیرکردنەوەکانیان نقوم بوون وە هەموو تواناکانیان لاواز کردووەو تەنها تەرکیزیان لەسەر کێشەکانە. بەڵام ئەگەر ئەو کەسانە بێ کێشەبن و تواناو بیرکردنەوەکانیان لە کارێکدا بەکاربهێنن کە کۆمەڵگا بەرەو پێشکەوتن بەرێت لەهەر بوارێکدا کە خزمەتی مرۆڤایەتی و ڕێگاگانی مرۆڤ ناسی و خودا ناسی بکات بێگومان کۆمەڵگایەکی لەش ساغ و دەروون دروست پێکدێت.

بۆئەوەی ئاسانکاری بکەین بۆ دۆزینەوەی چارەسەری کێشەکان بەشێوەیەکی دروستتر، زۆر گرنگە کە ڕۆژانە خۆمان خاوو بکەینەوە و بەکەسایەتی خۆماندا بچینەوە هەتا بزانین کەسایەتیمان بەهۆی ئەو فشارە دەروونیانەی کە ڕۆژانە رووبەڕوومان ئەبێتەوە چ جۆرە گۆڕانکاریەکی بەسەردا هاتووە. ئێمە بەهۆی چوونە ناو بیرکردنەوەکانمان لە بارێکدا کە تەواو خاوبووبینەوە و کردنی ڕاهێنانی دەروونی ڕێگا زیاتر خۆش ئەکەین بۆ ئەوەی ئاستی میهرەبانی، سۆزداری، هەست کردن بە بەرپرسیارێتی، مامەڵەکردن لەگەڵ دەوروبەرماندا باشتر بکەین. وە فێری ئەوە ئەبین کە پێش ووتنی هەر وتەیەکی زبر(ناخۆش) بۆ کەسی بەرامبەر ئەبێ بیر بکەینەوەو خۆمان بخەینە جێگەی ئەو کەسەی کە وتەکەی ئاڕاسەت دەکەین. ئەبێ ئەو هەست بەچی بکات؟ بێگومان هەست بەدڵ شکاوی و ئازارێکی دەروونی دەکات و توشی شڵەژانێکی دەروونی دەبێت، کە هیچ کەس ئارەزووی ئەو هەستە ناکات. بەم شێوەیە ئەگەر ئێمە توانیمان بەهۆی ڕاهێنانی دەروونیەوە ئەم کارە بکەین و بیر لە کردنی ڕەفتارو وتەکانمان بکەینەوە پێش دەربڕینیان و خۆمان خستە ناو هەستی بەرامبەرەکەمان وە هەستتمان بە هەستەکانی کرد لەکاتی کردنی ڕەفتارو بیستنی وتەکانمان، ئەوکاتە من دڵنیام هەموو کات لەسەر ڕەفتارو وتەی جوان و شیرین خۆمان ڕادەهێنین. بەم شێوەیە ئۆتۆماتیکی تۆ بە کەسێکی باش و میهرەبان ناو دەبرێیت کە بەرە بەرە کەسایەتیەکی بەرزت دەبێت و خۆشەویست دەبیت لە لای خەڵك و خودا.

دەروون بەهێزو ئاسودەبن

warzhi daruny

گەر حەزدەکەیت ببیتە باڵا پۆش فەرموو ئەم بابەتە بخوێنەوە....

خوشکى بەڕێزم: لە کۆمەڵگاى کوردى زۆر جار گوێبیستى کچان دەبین کەوا حیجاب و باڵا پۆشى سوننەتە نەک واجب ! من پرسیاریان لێدەکەم ئایا هیچ بەڵگەیەکتان هەیە ؟؟ وە ئایا هیچ شتێک هەیە ئاماژە بە ئافرەتى موسڵمان بکات ؟؟ بێگومان خوداى گەورە دەفەرموێت .

(مَّا فَرَّ‌طْنَا فِي الْكِتَابِ مِن شَيْءٍ ۚ ثُمَّ إِلَىٰ رَ‌بِّهِمْ يُحْشَرُ‌ونَ ) ﴿٣٨﴾ الأنعام، واته: دڵنیا بن هیچ شتێک نیه پشت گوێمان خستبێت له کتێبه (تایبه‌تیه‌که‌ی لوح المحفوظ) دا له‌وه‌ودوا هه‌رهه‌موو ئه‌وانه کۆده‌کرێنه‌وه بۆلای په‌روه‌ردگاریان (بۆ ئه‌وه‌ی دادگایی بکرێن و هه‌موو که‌س مافی خۆی وه‌ربگرێت، یان تۆڵه‌ی ڕه‌وای لێ بسه‌نرێت.. لە قورئانى پیرۆزدا خودای میهرەبان باسى حیجاب و باڵا پۆشى بۆ ئێوە دەکات وە داواتان لێدەکات کە حیجاب بپۆشن .

خوداى گەورە دەفەرموێت : يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِ‌ي سَوْآتِكُمْ وَرِ‌يشًا ۖ وَلِبَاسُ التَّقْوَىٰ ذَٰلِكَ خَيْرٌ‌ ۚ ذَٰلِكَ مِنْ آيَاتِ اللَّـهِ لَعَلَّهُمْ يَذَّكَّرُ‌ونَ ﴿٢٦﴾ الأعراف، واته : ئه‌ی نه‌وه‌ی ئاده‌م، ئێمه به‌ڕاستی پۆشاکی له‌بارمان بۆ فه‌راهه‌م هێناون، عه‌وره‌ت و ئه‌وه‌ی پێتان ناخۆشه ده‌ربکه‌وێت دای ئه‌پۆشێت، هه‌روه‌ها جل و به‌رگی جوانیش که خۆتانی پێ بڕازێننه‌وه (به‌ڵام بیرتان نه‌چێت) که پۆشاکی ته‌قواو خواناسی چاکتر و خێردارتر و به‌فه‌ڕتره‌، ئه‌و پۆشاکه (ماددی و مه‌عنه‌ویانه‌) له نیشانه و به‌ڵگه‌کانی خوای گه‌وره‌ن بۆ ئه‌وه‌ی یاداوه‌ری وه‌ربگرن و (یادی به‌هه‌شت بکه‌ن.
خوداى گەورە دەفەرموێت : وَقُل لِّلْمُؤْمِنَاتِ يَغْضُضْنَ مِنْ أَبْصَارِ‌هِنَّ وَيَحْفَظْنَ فُرُ‌وجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ‌ مِنْهَا ۖ وَلْيَضْرِ‌بْنَ بِخُمُرِ‌هِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ‌ أُولِي الْإِرْ‌بَةِ مِنَ الرِّ‌جَالِ أَوِ الطِّفْلِ الَّذِينَ لَمْ يَظْهَرُ‌وا عَلَىٰ عَوْرَ‌اتِ النِّسَاءِ ۖ وَلَا يَضْرِ‌بْنَ بِأَرْ‌جُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّـهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴿٣١﴾ النور، واته : ئه‌ی پێغه‌مبه‌ر (صلی الله علیه و سلم) به ئافره‌تانی ئیمانداریش بڵێ: چاویان بپارێزن (له ته‌ماشای نامه‌حره‌م) داوێنی خۆیان بپارێزن له گوناهو جوانی خۆیان ده‌رنه‌خه‌ن جگه له‌وه‌ی که دیاره (وه‌ك ده‌م و چاوو ده‌ست) با سه‌رپۆشه‌کانیان بده‌ن به‌سه‌ر سینه‌و ملیانداو جوانی و زینه‌تی خۆیان ده‌رنه‌خه‌ن به ته‌واوی بۆ هاوسه‌ره‌کانیان نه‌بێت، یان باوکی خۆیان، یان باوکی مێرده‌کانیان، یان کوڕی خۆیان، یان کوڕی مێرده‌کانیان، یان بۆ براکانی خۆیان، یان برازاکانیان، یان خوشکه‌زاکانیان، یان ئافره‌تێك که په‌یوه‌ندیان هه‌یه پێکه‌وه‌، یان ئه‌وانه‌ش که که‌نیزه‌کانیان (که له بارودۆخی تایبه‌تدا هه‌بوون) یان ئه‌وانه‌ی که له ماڵه‌کانتاندا ده‌ژین و پێویستیان به ئافره‌ت نی یه (له به‌ر پیری، یان نه‌خۆشی... هتد) یاخود ئه‌و منداڵانه‌ی که هێشتا شاره‌زاییان له ئافره‌تان نیه‌و (ئاره‌زووی جنسیان بۆ دروست نه‌بووه‌و نازانن باسی عه‌ورات بکه‌ن) نابێت ئافره‌تانی ئیماندار قاچیان ده‌ربخه‌ن و پێیان بده‌ن به زه‌ویدا (تا ده‌نگی خشڵ و پاوانه‌کانیان بێت) و بزانرێت که زینه‌تدارو خشڵدارن، که‌واته هه‌مووتان ئه‌ی ئیمانداران به‌ره‌و لای خواو به‌ده‌ستهێنانی ڕه‌زامه‌ندی ئه‌و بگه‌ڕێنه‌وه بۆ ئه‌وه‌ی ڕزگارو سه‌رفرازبن) .

خوداى گەورە دەفەرموێت :
(وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَ‌اءِ حِجَابٍ ۚ ذَٰلِكُمْ أَطْهَرُ‌ لِقُلُوبِكُمْ وَقُلُوبِهِنَّ) (53) الأحزاب، واته : ئه‌گه‌ر داوای شتێکی پێویستان (له خێزانه‌کانی پێغه‌مبه‌ر کرد) له پشتی په‌رده‌وه داوای لێبکه‌ن، ئا ئه‌و جۆره ڕه‌فتاره چاکتر و پاکتره بۆ دلی ئیوه و ئه‌وانێش.

خوداى گەورە دەفەرموێت : (وَقَرْ‌نَ فِي بُيُوتِكُنَّ وَلَا تَبَرَّ‌جْنَ تَبَرُّ‌جَ الْجَاهِلِيَّةِ ) 33 الأحزاب، واته : ئه‌ی هاوسه‌رانی پێغه‌مبه‌ر (صلی الله علیه‌وسلم) له‌ماڵه‌کانی خۆتاندا به‌سه‌نگینی و سه‌لاری بسره‌ون، زینه‌ت و جوانی خۆتان ده‌رمه‌خن وه‌کوو سه‌رده‌می نه‌فامی یه‌که‌م،.. جا خوشکی بەڕێزم گەر تۆش موسڵمانى خودات خۆش دەوێ گوێ ڕایەڵى بکە و فرمانەکانى خودا جێبەجێ بکە .

bextewery.net

سلاو هاورێیان چه‌ند پۆسته‌رێکم بۆتان ئاماده‌ کروه‌
به‌هیوام به‌دلتان بێت..........