هه‌ردووچــــاووم فرمێسك رژێنه‌ ئه‌مشه‌و
ســـۆزو ناڵـــه‌م جگه‌ر سوتێنه‌ ئه‌ مشه‌و

تایــــــی زوڵف له‌ ســـــه‌ر رووت لادا بۆیه‌
مانگی تازه‌ بێ سه‌ر و شوێنه‌ ئه‌مشه‌و

به‌شـــــانه‌ی كردوه‌ به‌رچـــــه‌م سه‌یركه‌ن
سلێمانی گشتی گوڵاو بر ژێنه‌ ئه‌مشه‌و

له‌ مه‌ســــتی چـــاوی مه‌ستی تۆ عه‌زیزم
دڵه‌ی مه‌ستم بێ سه‌رو وشێنه‌ ئه‌مشه‌و

ده‌روونـــــــم بۆچـــه‌كی سووتاوی لێ دێ
گری ئاهـــــم به‌ردو چیا تاوێنه‌ ئه‌ مـــشه‌و

له‌ قینــــــی ناحـــــــه‌زان توخوا گوڵی من
به‌ زامــــــانم چـــاوی بخشێنه‌ ئه‌مشه‌و

منـــــی بێ كه‌س له‌ كونجی تاركی ژیان
دیده‌م بیاڵه‌ی شه‌راب خـــــوێنه‌ ئه‌مشه‌و

كــــــه‌بابی جه‌رگی ((رازی ))ئامـــــاده‌یه‌؟؟
زووكه‌ ساقی مه‌یـــــــم بۆ بێنه‌ ئه‌مـشه‌و!!

ئەگەر مرۆڤ یەك سانتیم بوایە،
دەیتوانی بەسواری كرمێك بچێت بۆ قوتابخانە
فرمێسكی مێرولەیەكی لێ‌ دەبوو بە گۆماوێك
بە پارچە كێكێ
حەوت رۆژ میوانی بەرێدەكرد
پشیلەیەك لەچاویا دەبویە یەك دێوی زل
ئەگەر مرۆڤ یەك سانتیم بوایە
ئەگەر مرۆڤ یەك سانتیم بوایە، دەیتوانی لەژێر درزی دەرگاوە بچێتە دەر.
بەمانگێك نەدەگەیشتە مەخزەنەكە
لەتێ‌ پەنیر دەبویە تەختە خەوی
بەتی جاڵجاڵۆكە دەبویە شوێنی هەڵواسینی شتەكانی
ئەگەر مرۆڤ یەك سانیتم بوایە. سواری مەوجی شەپۆلانی ئاوی چێشتخانە دەبوو
خۆت هەڵدەواسی بە دڵۆپە ئاوەكانی دەستەكانی دایەو خۆت دەكرد بە گیرفانیدا
لەژێر پێی شتى زل زلدا بە ترس و لەرزەوە دەرۆیشتی
بۆ هێنانی پێنوسەكە شەو رۆژێكی پێدە چوو
(ئەم شیعرە بە چواردە ساڵ نوسراوە
چونكە من یەك سانتیمم).

" شیل سیلور ئاستاین"
" وەرگێِرانی : نەبەز گۆران "

پێم ناخۆشبو نێوان ئێمە
بەم شێوەیە كۆتایی بێت
دواین نیگای ساردو سڕت
ئاماژەی ماڵ ئاوایی بێت

ئای لەزامی ئەو یادانەی
لە نێوان من و تۆدا بوون
پەپولەی ئەو نیگایانەی
دایم لە هاتو چۆدا بوون

ئەمێستاكە باخێك نییە
بۆ پەپولەی هەستەكانم
تكا ئەكەم جێم مەهێڵە
سڕن بێتۆ دەستاكانم

هەوڵ بدە تەنهام نەكه ی
نەكا مەرگم لێ پەیدابێت
ئاخر خوات بێ كێی تر هەیە
بەوێنەی من بۆت شەیدابێت

دڵی بكا بە گەنجینەی
ئازاری نیوەی شەوانت
چاوی بكا بە ئاوێنەی
پڕ ئومێدی خەونەكانت

ئاخر كێی تر بەوێنەی من
ئەزانێت نازت هەڵبگرێت
بۆ ڕوناكی شەوەكانت
چركەی هەزارجار گڕ بگرێت

وەرە دەستەكانم بگرە
تخوا بابەس بێتاقەت بم
هەتا دڵم سوكنایی دێت
بەرم مەدە,, بەساقەت بم.....

بەڵێن سەنگاوی

غیرە لەو بۆنەشت ئەکەم‌
کاتێ کە ئەیدەی لە خۆت و‌
بۆنی سنگ و ملت ئەکا‌
تەنانەت غیرە لە خەویش‌
کە شەوانە لە باوەشیا شلت ئەکا‌
خۆ ملپێچە سورەکەشتم هیچ خۆشناوێ‌
پێویست ناکا‌ئەویش هێند لەگەڵتابێ‌
لەناو هەمو وێنەکانتا‌
بۆ هەر دەستی لە ملتا بێ؟

ئاشق مەبە بە روخسارم
بەتۆ ناگەم دڵنیام لەوە ....
تکا ئەکەم ئیتر شەوان
بەخەیاڵی من مەخەوە ...

خۆت وێڵ مەکە بۆ بینینم
وەرزی جوانیم ووشک و کزە ...
کەسەیر ئەکەم هەڵدەوەرێم
لێم ڕادەکات خەندە و بزە ...

ئاشق مەبە تکا ئەکەم
بۆیە هەردەم لێت ڕائەکەم ...
سەیرم مەکە بەخەمباری
من حەزناکەم فریوت دەم ...

ئاشق مەبە . تۆ نەت دیووە
ژینی ئەشق و خەم و خەفەت ...
تۆ نەت دیووە ژانی دووری و
دابڕان و ڕێگای غوربەت ....

تکا ئەکەم ئاشق مەبە
بەروخساری منی مردوو ...
ئەوەی لەمن بەدی ئەکەی
ژیانێکە پڕ ئارەزوو ...

سۆران جاف

ڕۆژێ خوشكه‌ پێنج ساڵه‌یه‌ك له‌ برا حه‌وت ساڵه‌كه‌ی پرسی:
كاكه‌ خۆشه‌ویستی چیه‌!؟
ئه‌ویش ووتی: خۆشه‌ویستی واته‌ ئه‌وه‌ی كه‌ تۆ هه‌موو ڕۆژێ چكلێته‌كه‌ له‌ باخه‌ڵی جانته‌كه‌م ئه‌دزی و منیش له‌به‌ر تۆ هه‌میشه‌ ئه‌یخه‌مه‌ هه‌مان باخه‌ڵ

ڕۆژێکیان ژنێک بە پیاوە هەژارەکەی دەڵێ
* پیاوەکە ئا شانەیەکم بۆ بکڕە با پرژچە درێژەکانمی پێدابێنم زۆر لەیەک ئاڵسکاوە
** پیاوەکەش سەریداخست و بە هێواشی پێی ووت
ببورە ناتوانم بۆتی بکڕم ئەوەتا ماوەیەکە سەعاتەکەم پێویستی بە قایشی هەیە نیمە بیکڕم
* ژنەکەش - هیچی نەوت و بێ دەنگ بوو
** پیاوەکە چوو بۆ ئیش و ئیوارە لە کاتی گەڕانەوەیدا هەر لەدڵیدا مابوویەوە بۆیە چوو سەعاتەکەی فرۆشت و پارەکەی دا بە شانەیەک لەو جۆرەی خێزانی داوای کردبوو
بردیەوە بۆماڵ و لەو کاتەدا ویستی بیداتە دەست خێزانی بینی ئەویش وا چاوەڕوانە و پرچەکەی کورت کردۆتەوەو قایشی سەعاتێکی بە دەستەوەیە
بەو حاڵەوە کە هەردووکیان یەکیان بینی دەستیان کرد بە گریان بەسەر یەکتردا
ئەزانن بۆ ؟
چونکە هەردوکیان دیار بوو زۆر بەتەنگی یەکترەوە بوون ئەوەندە یەکتریان خۆشویستووە هەر یەکەیان قوربانی بەخۆی داوە تا پێویستی ئەوی تریان دابین بکات .

*** بەو هیوایەی ئەم جۆر تەبایی و خۆشە ویستی باڵ بکێشێ بەسەر دڵ و ماڵی هەموو ژن و مێردێکدا ***

که‌ ڕۆیشتی خراپ شێوام
کاریگه‌ر بوو بڕیاره‌که‌ت ..
.نه‌م ئه‌زانی به‌و شیوه‌یه‌
ده‌وڵه‌مه‌نده‌ کڕیاره‌که‌ت .
..به‌ ئاشکرا خۆتت فرۆشت
ئاسان منت له‌بیر چۆوه‌
...نیوه‌ی ته‌مه‌نی خۆم دۆڕان
ته‌نها و ته‌نها به‌هۆی تۆوه‌ ..
.من ژیانم بۆ ژێر پێت و
دڵیشم کرده‌ نێو ده‌ستت ..
.تۆ هه‌موو هه‌وڵێکی خۆت دا
تاکو بگه‌یته‌ مه‌به‌ستت .
..ئێستاکه‌ تۆ به‌نده‌ی ئه‌وی
ومنیش وێڵێکی سه‌ر جاده‌ ..
.تۆ مه‌ست ئه‌بی له‌نێو زێڕ و
منیش به‌ شه‌راب و باده‌ .
..شه‌رمه‌زار به‌ له‌ ئاستی من
ده‌ک به‌ نه‌فره‌ت بن پێکه‌وه‌
...چۆن دڵی که‌سێ ئه‌شکێنی
له‌ خه‌ونیشا ناوه‌که‌ی تۆ ئه‌ڵێته‌وه‌ ...

حەكیم شاكر دەبێتە راهێنەری هەولێر بەشێوەیەكی كاتی

دوای ئەوەی یانەی هەولێر لە یارییەكی بەرانبەر یانەی بەغداد تووشی دۆرانێكی چاوەڕوانەكراو هات لە خولی بژاردەی عێراق، دەستەی كارگێری یانەی هەولێر بەسەرۆكایەتی د.عەبدوڵڵا مەجید بەفەرمی گفتوگۆی لەگەڵ راهێنەری بەتوانای هەڵبژاردەی لاوانی عێراق حەكیم شاكر دەستپێكرد بۆ ئەوەی ئەركی راهێنەرایەتی یانەكە بگرێتە ئەستۆی خۆی تا كۆتایی وەرزی ئەمساڵ.
حەكیم شاكر رەزامەندی خۆی نیشان داوە لەسەر وەرگرتنی راهێنەرایەتی یانەی هەولێر تا كۆتایی وەرزی ئەمساڵ و لەگەڵ دەستەی كارگێری یانەی هەولێر رێكەوتن، بەڵام تەنیا رەزامەندی یەكێتی تۆپی پێی عێراق ماوە.
چونكە حەكیم شاكر راهێنەری هەڵبژاردەی لاوانی عێراقە و بەشێوەی خواستن پەیوەندی بە یانەی هەولێر دەكات بۆیە دەبێت رەزامەندی یەكێتی تۆپی پێی عێراق وەربگیرێت بەفەرمی پەیوەندی بە یەكێتی تۆپی پێی عێراق كراوە سەبارەت بەم بابەتە و چاوەڕوانی وڵامی كۆتایی یەكێتی تۆپی پێی دەكەین.

په‌ڕه‌ی گوڵن
خۆزگه‌ ئه‌م ووت نا مامۆستا خۆ شی دڵن
سبه‌ی له‌ڕۆژنامه‌یه‌كا
ئه‌م نامه‌یه‌ تۆمار ئه‌كه‌م
باسی ئه‌م ته‌نیاییه‌ی دڵ
بۆ هه‌موو خه‌لكی شار ئه‌كه‌م
بۆ نوسینی ئه‌م نامه‌یه‌
كه‌ ده‌فته‌ره‌كه‌م كرده‌وه‌
چاوانی شار وه‌نه‌و زی خه‌و ئه‌یبردنه‌وه‌
كه‌ دواین دێرم ته‌واو كرد
شار چاوانی هه‌ڵهانیبوو
بۆیه‌ نوسیم به‌یانیت باش
چونكه‌ لای تۆ به‌یانی بوو
لێم ببوره‌ خۆشه‌ویستم
ئیتر دووری ڕێم پێ نادا
زۆر به‌یانی بگه‌مه‌ لات
قه‌له‌م ڵێوێكم ناردووه‌
له‌ بریخۆم ماچت بكات
به‌لام گولم تكام وایه‌
به‌ر له‌وه‌ ی به‌ر لێوت كه‌وێ
وه‌ك وا به‌یانیكه‌ هاتم سه‌یری بكه‌و
بڵێ بیرم كردیت شه‌وێ
منیش جێگه‌ی ماچه‌كه‌تم
له‌سه‌ر شانم نه‌سریوه‌
ئه‌و كراسه‌م هه‌لگرتوه‌و
له‌هه‌مان ڕه‌نگ
دانه‌یه‌كی كه‌م كڕیوه‌

ره‌نج سه‌نگاوی